ძებნის შედეგად ნაპოვნია 58 შედეგი
ვართ დაბეგვრის „ესტონურ მოდელზე“ მყოფი სამშენებლო კომპანია (შპს). კომპანია ჩართულია საქართველოს მთავრობის „ბათუმი ავარიული სახლების გარეშე“ „სახელმწიფო მიზნობრივი პროგრამის დამტკიცების შესახებ“ 2022 წლის 29 მარტის №159 დადგენილებით განსაზღვრულ პროგრამაში.
საქართველოს კანონის „საქართველოს სივრცის დაგეგმარების, არქიტექტურული და სამშენებლო საქმიანობის კოდექსის“ 141-ე მუხლის 23-ე პუნქტის „გ“ ქვეპუნქტისა და ამავე მუხლის 25-ე პუნქტის თანახმად, კომპანიასა და ქ. ბათუმის მუნიციპალიტეტის მერიას შორის გაფორმდა ხელშეკრულება „ავარიული შენობა-ნაგებობის ჩანაცვლების მიზნით, მუნიციპალური მიზნობრივი პროგრამის ფარგლებში განაშენიანების ინტენსივობის მაქსიმალური კოეფიციენტის გაზრდის შესახებ ქ. ბათუმის მუნიციპალიტეტის საკრებულოს განკარგულებით დადგენილი მოთხოვნის შესრულების უზრუნველყოფის მიზნით ქ. ბათუმის მუნიციპალიტეტისათვის საცხოვრებელი ბინების უსასყიდლო საკუთრებაში გადაცემის შესახებ“.
აღნიშნული ხელშეკრულებით, კომპანიისთვის განაშენიანების ინტენსივობის კ2 კოეფიციენტის ნამატმა ფართმა შეადგინა 55000 კვ.მ. შესაბამისად, ქ. ბათუმის მუნიციპალიტეტისათვის გადასაცემმა ფართმა შეადგინა ნამატი ფართის 10% – 5500 კვ.მ.
აღნიშნული ფართების (5500 კვ.მ-ის) მუნიციპალიტეტისათვის საკუთრებაში გადაცემა ხომ არ წარმოქმნის რაიმე სახის გადასახადს კომპანიისთვის?
2025/10
დღგ
მოგების გადასახადი
ბარტერი
მშენებლობა
უძრავი
ქონება
პასუხის ნახვა
ღვინის მწარმოებელმა კომპანიამ ბანკისგან აიღო სესხი და ააშენა სასტუმრო. დასაწყისში (რამდენიმე თვე) ღვინის წარმოება და სასტუმრო ფუნქციონირებდა ერთი შპს-ის სახელით.
სასტუმროს შენობის ექსპლუატაციაში მიღების შემდეგ დაფუძნდა ახალი შპს, რომლის კაპიტალშიც შევიდა სასტუმროს შენობა.
გვინდა სასტუმროს ასაშენებლად აღებული ბანკის სესხი გადავიტანოთ ახალ შპს-ზე (სასტუმროს მმართველ შპს-ზე). როგორი ფორმით შეიძლება ამ ტრანზაქციის განხორციელება, რას გვირჩევთ?
2025/10
არასაგადასახადო
თემა
მშენებლობა
სამართლებრივი/იურიდიული
სესხები,
პროცენტები
პასუხის ნახვა
ვართ დაბეგვრის „ესტონურ მოდელზე“ მყოფი სამშენებლო კომპანია (შპს). კომპანია ჩართულია პროგრამაში „ქალაქი ბარაკების გარეშე“. კომპანიამ 2022 წელს დაიწყო მოლაპარაკება მიწის ერთ-ერთ საკადასტრო კოდზე, სადაც განთავსებულია ბარაკები და რომლებშიც ცხოვრობდა 30 ე.წ. მოსახლე (ერთ საკადასტრო კოდზე). 2023 წლის დეკემბრის თვიდან 2024 წლის ივლისის თვის ჩათვლით პერიოდში კომპანიას ყველა მოსახლემ გაუფორმა თავისი წილი საკუთრებაში საჯარო რეესტრში. შესაბამისად აღნიშნულ მოსახლეებთან აღნიშნულ პერიოდში გაფორმდა „უძრავი ქონების ნასყიდობისა და სანაცვლო ქონების გადაცემის შესახებ“ (ე.წ. ბარტერის) ხელშეკრულებები და დარეგისტრირდა საჯარო რეესტრში. აღნიშნულ ბარტერის ხელშეკრულებებში არის ასეთი პუნქტები:
1) მხარეები ვთანხმდებით, რომ კომპანიის მიერ ნასყიდობის საგანზე საცხოვრებელი კორპუსის აშენებამდე, მისი საცხოვრებელ პირობებამდე მიყვანამდე და მოსახლისთვის გადმოცემამდე, მოსახლის მიერ კომპანიისთვის გადაცემული ფართი რჩება ამ მოსახლის სარგებლობაში და ის თავისუფლად იცხოვრებს აღნიშნულ ფართში;
2) მხარეები ვთანხმდებით, რომ კომპანია ყოველგვარი თანხის გადახდის გარეშე სრულად უზრუნველყოფს მოსახლის სამშენებლო მასალების სრულად ატანას ახალაშენებულ გადმოსაცემ ბინებში სარემონტო სამუშაოების ჩატარებისთვის;
3) მხარეები ვთანხმდებით, რომ კომპანიის მიერ ახალაშენებული საცხოვრებელი სახლის საცხოვრებელ პირობებამდე მიყვანისთანავე მოსახლეს საკუთრების უფლებით გაუფორმდება წინამდებარე ხელშეკრულებით გათვალისწინებული ფართები, რა დროსაც მოსახლე ვალდებულია თავისუფალ მდგომარეობაში ჩააბაროს მის სარგებლობაში არსებული უძრავი ქონებები კომპანიას. მოსახლეს უფლება აქვს უძრავ ქონებებს მოხსნას ყველა სახის მოძრავი ნივთები და წაიღოს (მათ შორის კარებები, ფანჯრები, სახურავი, ხის ყველა სახის მასალა და „ბალკები“).
აღნიშნულ პუნქტებთან მიმართებაში, რამე საგადასახადო რისკი ხომ არ წარმოექმნება სამშენებლო კომპანიას?
2025/09
დღგ
მოგების გადასახადი
ბარტერი
მშენებლობა
უძრავი
ქონება
პასუხის ნახვა
დაბეგვრის „ესტონურ მოდელზე“ მყოფი შპს აშენებს საკუთარ მიწაზე მრავალბინიან კორპუსს, შემდგომი გაყიდვის მიზნით. ეკუთვნის თუ არა შპს-ს მიწის გადასახადის გადახდა? და თუ ეკუთვნის, როდემდე? როდის წყდება მიწის გადასახადის გადახდის ვალდებულება ამ მიწაზე?
2025/08
ქონების
(მ.შ.
მიწის)
გადასახადი
მშენებლობა
უძრავი
ქონება
პასუხის ნახვა
გვაქვს ასეთი ოპერაცია: ჩვენი ქართული კომპანიის დაკვეთით არარეზიდენტმა კომპანიამ დაამზადა საქართველოში მშენებარე გასაყიდი უძრავი ქონების (აპარტჰოტელის) მაკეტი. მაკეტს ვიყენებს სხვადასხვა ქვეყნებში სამშენებლო გამოფენებზე პოტენციური უცხოელი მყიდველებისთვის წარსადგენად და ამჟამადაც ერთ-ერთ უცხო ქვეყანაშია.
არის ეჭვი, რომ ამ მაკეტის დამზადების მომსახურებაში გადახდილი საფასური უნდა დაიბეგროს გადახდის წყაროსთან, როგორც საქართველოში მდებარე უძრავ ქონებასთან უშუალოდ დაკავშირებული მომსახურება. როგორია თქვენი აზრი ამასთან დაკავშირებით?
2025/06
არარეზიდენტის
საშემოსავლო/მოგების
გადასახადი
მშენებლობა
რეკლამა
და
მარკეტინგი
უძრავი
ქონება
პასუხის ნახვა
მიმდინარე წლიდან, როგორ იბეგრებიან (რა განაკვეთით) ის მცირე ბიზნესის სტატუსის მქონე ფიზიკური პირები, რომლებიც ეწევიან შენობა-ნაგებობების სარემონტო მომსახურებას, რაც არ არის მშენებლობა?
