ჩვენი შპს ამუშავებს აგს-ს. საქმიანობის ერთ-ერთი სფეროა ბუნებრივი აირით ვაჭრობა, რომელშიც კლიენტების მოზიდვის მიზნით ჩართულია რეალიზაციის ერთ-ერთი ფორმა – ლოიალური ბარათით ვაჭრობა. ლოიალური ბარათით ვაჭრობის პრინციპი შემდეგია:
კლიენტს მივყიდეთ გაზი სარეალიზაციო ფასით – 100 ლარად, მაგრამ ვეუბნებით – გაზს ვყიდით თქვენზე ფასდაკლებით 80 ლარად, რადგან სხვაობა 20 ლარის ლოიალურის დაგროვებით ქულაში აკუმულირდება.
ანუ, კლიენტის მიმართ წარმოგვეშვება ვალდებულება ამ 20 ლარის ფარგლებში, რომლის რეალიზაციაში აღიარება მოხდება განაღდების დროს, ან კიდევ ჩამოიწერება, თუ ვერ მოხდება კლიენტის მიერ მისი განაღდება.
გამოყენებულია გატარებები:
დ-ტი 1210 კ-ტი 3120;
დ-ტი 3170 კ-ტი 6115;
დ-ტი 3170 კ-ტი 3330;
დ-ტი 3170 კ-ტი 3350;
დ-ტი 7215 კ-ტი 1610.
რეალიზაციაში აღიარდება მიღებული თანხა – 100 ლარი:
დ-ტი 3120 კ-ტი 3170 – ვაღიარებთ კლიენტის მიმართ ვალდებულებას, დაგროვებით ქულებს – 20 ლარი;
დ-ტი 3120 კ-ტი 3170 – 80 ლარი.
აუდიტორის მოსაზრებაა – რეალიზაცია უნდა შემცირდესო დაგროვილი ქულით – 20 ლარით, რადგან ფაქტიურად თქვენი გატარებით რეალიზაციაში აღიარებთ არა 100 ლარს, არამედ 120 ლარსო. ანუ რეალიზაციაში უნდა გამოვიდესო აღიარებული ის ფასდაკლება 80 ლარი და ვალდებულებაში 20 ლარი.
ანუ უნდა დაემატოს რეალიზაციის გატარებას:
დ-ტი 6115 კ-ტი 3170 – 20 ლარი.
ანუ ამ გატარებით მცირდება რეალიზაციიდან შემოსავალი. გამოდის, რომ წინასწარ ხარჯებში უნდა ჩამოიწეროს დაგროვილი ქულა ლარში, რომელსაც გაყიდული კუბ. მ. არ აქვს. ამ ტენდენციით მოგების შემცირება ხდება, რომელიც საბოლოოდ შეეხება დივიდენდის თემას.
როგორია სწორი გატარებები?
1) სამეურნეო წლის რა პერიოდზე შეიძლება მომზადდეს საწარმოს შუალედური ფინანსური ანგარიშგება?
2) თუ გამოვლინდა მოგება და დამფუძნებლებმა გადაწყვიტეს მისი განაწილება, ეს უნდა აისახოს ამ გადაწყვეტილების დამტკიცების შემდგომი ან ნებისმიერი მომდევნო თვის ყოველთვიური მოგების გადასახადის დეკლარაციით?
3) თუ ეს ასეა, როგორც მე-2 კითხვით გეკითხებით და წლიური ფინანსური ანგარიშგების წარდგენა ხდება იმავე მონაცემებით, რაც შუალედურ ფინანსურ ანგარიშგებაში გვქონდა, ხომ არ მოხდება უკვე გადახდილი გადასახადების ხელმეორედ დარიცხვა თუ აქ წლიური ფინანსური ანგარიშგების შევსების ტექნიკაშია საქმე?
კითხვა: შპს „ა“-ს ( სპორტულ-გამაჯანსაღებელი კომპლექსის საქმიანობა) და შპს „ბ“-ს ჰყავთ ერთი და იგივე დირექტორი, ამავე დროს შპს „ბ“-ს დირექტორი არის მისი დამფუძნებელიც. შპს „ბ“-მ შეისყიდა ეს კომპლექსი და მის დამფუძნებელ ფიზიკურ პირებს გადაუხადა გარკვეული თანხა.
1. არიან თუ არა ისინი ურთიერთდამოკიდებული პირები და არის თუ არა აუცილებელი ქონების შეფასება სპეციალისტების მიერ, რადგანაც ფულის გადინება ხდება შპს-დან?
2. შპს „ბ“-მ აიღო სესხი ბანკისგან შპს „ა“-ს დამფუძნებლებზე მისაცემად და ჩადო გარანტად „ა“ კომპანიის აქტივი (ორივეს დირექტორი ერთი და იგივე პირია და ბანკმა ამაზე დაყრდნობით გასცა სესხი). შპს „ბ“ არის ამ მომენტში უმოქმედო. შეიძლება თუ არა სესხის ძირი და დარიცხული პროცენტი გადახდილ იქნას შპს „ა“-დან და როგორ გადაკვალიფიცირდება ეს ოპერაცია?
ორმაგი მოქალაქე (საქართველო, ისრაელი) ამჟამად მუშაობს ისრაელში, ექიმი-რადიოლოგია. მას უნდა საქართველოში დაბრუნება და საქართველოდან ონლაინ-მუშაობა ისრაელში, როგორც რადიოლოგს. მას აქვს არჩევანი: დარჩეს ისრაელში რეზიდენტად, თუ დარეგისტრირდეს საქართველოში როგორც გადამხდელი ან ინდმეწარმე (რომელი ჯობია?) და აქ გადაიხადოს, რაც გაცილებით ნაკლები იქნება ალბათ, ვიდრე ისრაელში გადასახადი. შემოსავალი ექნება წელიწადში 100000 ლარზე მეტი და რა პროცენტის გადახდა მოუწევს?
ანუ ამ არჩევანის წინაშეა და უნდა სწორი გადაწყვეტილება მიიღოს.
წარმოვადგენთ საქართველოს კანონმდებლობით რეგისტრირებულ იურიდიულ პირს. გერმანიაში გვაქვს გახსნილი ფილიალი. პერიოდულად, ვინაიდან ფილიალს სჭირდება ფული ხარჯების მიხედვით (რომელთა მიზნობრიობა დოკუმენტურად დასტურდება), ხდება ჩვენ მიერ ფილიალის ანგარიშზე თანხის გადარიცხვა.
ჩაითვლება თუ არა ჩვენი ფილიალი როგორც არარეზიდენტი პირი და მასზე გადარიცხული თანხები, რომლითაც ხდება იქ გაწეული ხარჯების ანაზღაურება, ექვემდებარება თუ არა დაბეგვრას მოგების გადასახადით (ხომ არ განიხილება სესხად, კაპიტალში შეტანად ან/და ჩუქებად)?
სამშენებლო კომპანიამ 2019 წელს ფიზიკური პირისგან ბარტერული ოპერაციის ფარგლებში შეიძინა არასასოფლო-სამეურნეო მიწის ნაკვეთი. მიწის ღირებულების ანაზღაურება უნდა მოხდეს არაფულადი ფორმით – აღნიშნულ მიწაზე ასაშენებელი საცხოვრებელი კორპუსის ფართებით. 2021 წლიდან დღგ-ის კარში ცვლილებების შესვლის შემდეგ გაჩნდა გარკვეული კითხვის ნიშნები სამშენებლო კომპანიის მიერ სანაცვლო ფართების გადაცემის დასაბეგრი ოპერაციის საანგარიშო პერიოდის და ღირებულების განსაზღვრის ნაწილში. კერძოდ, ცვლილებების ძალაში შესვლამდე, შემოსავლების სამსახურის გავრცელებული მიდგომა დღგ-ით დასაბეგრი ოპერაციის ღირებულების განსაზღვრის ნაწილში ასეთი იყო – სამშენებლო კომპანიის მიერ მიწის მეპატრონე ფიზიკური პირისათვის გადასაცემი ფართების ღირებულება გამოიანგარიშებოდა ფორმულით: მშენებლობის დანახარჯებს (მიწის ღირებულების გარდა)+10% მოგება+18% დღგ. ამ საკითხზე არსებობს აუდიტის დეპარტამენტის მიერ გამოცემული არაერთი შემოწმების აქტი.
გარკვეული შეფერხებების გამო საცხოვრებელი კორპუსის მშენებლობა დაიწყო 2022 წელს და დასრულდება 2024 წელს. 2019-დან 2024-მდე საანგარიშო პერიოდში განხორციელდა მთელი რიგი საკანონმდებლო ცვლილებების. ფინანსთა მინისტრის 31.12.20210 წ. №996 ბრძანების 483 მუხლში გაჩნდა ჩანაწერი, რომლის თანახმად სანაცვლო ფართების ღირებულებად განისაზღვრა მიწის ნაკვეთის საბაზრო ფასი დღგ-ის გარეშე (მიწის ნაკვეთის საბაზრო ფასი სამშენებლო კომპანიისათვის გადაცემის საანგარიშო პერიოდში). ამ საკითხთან დაკავშირებით ასევე არსებობს 2024 წლის 07 ივნისის ფინანსთა მინისტრის №195 საჯარო გადაწყვეტილება.
იმის გათვალისწინებით, რომ მოცემულ შემთხვევაში საქმე გვაქვს 2019 წლიდან დაწყებულ გარიგებასთან, თქვენი გამოცდილების გათვალისწინებით გთხოვთ გაგვიზიაროთ თქვენი მოსაზრება დღგ-ის მიზნებისთვის შემდეგ კითხვებთან დაკავშირებით:
1) როგორ განისაზღვრება სამშენებლო კომპანიის მიერ მიწის მეპატრონე ფიზიკური პირისათვის გადასაცემი ფართების მიწოდების დაბეგვრის საანგარიშო პერიოდი?
2) როგორ განისაზღვრება სამშენებლო კომპანიის მიერ მიწის მეპატრონე ფიზიკური პირისათვის გადასაცემი ფართების ღირებულება?
3) მიწის მეპატრონე ფიზიკური პირი გეგმავს მიღებული ფართების სრულად რეალიზაციას. ამ მიზნით აპირებს დღგ-ის გადამხდელად რეგისტრაციას და მიღებული ფართების ღირებულებიდან დღგ-ის ჩათვლას სამშენებლო კომპანიის მიერ მისთვის წარდგენილი საგადასახადო ანგარიშ-ფაქტურების საფუძველზე. რაიმე სახის შეზღუდვა ხომ არ შეეხება მიწის მეპატრონე ფიზიკური პირის მიერ დღგ-ის ჩათვლის საკითხს?
