საქართველოს რეზიდენტ კომპანიას, რომელიც ეწევა სამშენებლო საქმიანობას (აშენებს მრავალფუნქციურ კომპლექსს), საშუამავლო მომსახურებას უწევს ისრაელის რეზიდენტი კომპანია/ფიზიკური პირი, კერძოდ შუამავალი ისრაელში მოიძიებს ბინის მყიდველ ფიზიკურ პირებს. თითოეულ მოძიებულ პირზე, რომელიც შეიძენს ბინას, საქართველოს რეზიდენტი კომპანია ისრაელის რეზიდენტს გადაუხდის შესაბამისი გასამრჯელოს თანხას. გთხოვთ მიპასუხოთ, რა გადასახადებით დაიბეგრება აღნიშნული ოპერაცია იმ შემთხვევაში, თუ არარეზიდენტი კომპანია/ფიზიკური პირი წარმოადგენს რეზიდენტობის ცნობას ან არ წარმოადგენს?
ჩვენი სასტუმრო (შპს) მომსახურებას უწევს როგორც ადგილობრივ, ისე უცხოელ სტუმრებს. უცხოელი სტუმრები სასტუმროს ნომერს ჯავშნიან Booking.com-ის საშუალებით.
სასტუმროს მეპატრონეს საგადასახადო ორგანოს ყოფილმა თანამშრომელმა (მისმა ნაცნობმა) უთხრა, რომ Booking.com-იდან მიღებული შემოსავალი არ იბეგრება დღგ-ით საგადასახადო კოდექსის 172-ე მუხლის მე-4 ნაწილის მიხედვითო. ასეა მართლაც?
საქართველოს რეზიდენტი, საქართველოში რეგისტრირებული მცირე ბიზნესის მეწარმე პირი ახდენს სხვადასხვა მხატვრების გამოფენის ორგანიზებას უცხოეთში (იტალიაში) შესაბამისი კონტრაქტების საფუძველზე და მიღებულ შემოსავალს ბეგრავს 1 პროცენტით. რა საგადასახადო რისკი შეიძლება არსებობდეს?
წარმოვადგენთ საქართველოში რეგისტრირებულ დღგ-ის გადამხდელ საფეხბურთო კლუბს. გვაქვს ე.წ. ტრანსფერები, ასევე ხარჯები, რომელზედაც მიღებული გვაქვს დღგ-ის ჩათვლა.
1) როგორ ხდება ჩვენს საკუთრებაში არსებული ფეხბურთელების აღრიცხვა?
2) ჩვენს საკუთრებაში არსებული ფეხბურთელების გაყიდვა სხვა კლუბებში (როგორც ადგილობრივ, ასევე არარეზიდენტ კლუბზე) წარმოშობს თუ არა დღგ-ის მიზნებისთვის დასაბეგრ ოპერაციას?
შემოსავლების სამსახურის რეკომენდაციით, ფეხბურთელების მიწოდება რეზიდენტი კომპანიისთვის წარმოშობს დღგ-ით დასაბეგრ ოპერაციას, და ფეხბურთელის მიწოდება ითვლება მომსახურების გაწევად.
3) ვინაიდან წარმოვადგენთ დღგ-ის გადამხდელ კომპანიას, გვაქვს თუ არა უფლება ჩათვლაში ავსახოთ გამოწერილ საგადასახადო ანგარიშ-ფაქტურებში ფიქსირებული თანხა სრულად (კომუნალური ხარჯები; თამაშებზე ფეხბურთელების ტრანსპორტირების ხარჯები და ასე შემდეგ)?
გთხოვთ განიხილოთ აღნიშნული საკითხები და რამდენად თვლით შემოსავლების სამსახურის მომსახურების დეპარტამენტის რეკომენდაციას დღგ-ის მიზნებისთვის მართლზომიერად?
უსასყიდლოდ გაჩუქებულ მზა პროდუქციასთან დაკავშირებით მაქვს კითხვა, რა შემთხვევაში ავიღო დასაბეგრ თანხად თვითღირებულება და რა შემთხვევაში - საბაზრო ფასი?
1. გაჩუქებები დებიტორებზე - მაღაზიებზე, რომლებზეც არის ზედნადებები;
2. გაჩუქებები არაიდენტიფიცირებულ პირებზე;
3. გაჩუქებები დაქირავებით მომუშავე თანამშრომლებზე;
4. იმ დამფუძნებლებზე, რომლებიც არ არიან თანამშრომლები.
ჩვენს შემთხვევაში ეს მაჩვენებლები ძალიან მნიშვნელოვანია, რადგან გაჩუქებაც ბევრია და საბაზრო ფასი ბევრ შემთხვევაში ძალიან დიდია თვითღირებულებასთან შედარებით.
ვართ სადისტრიბუციო კომპანია და გვყავს მომწოდებელი, რომელიც გვაწვდის პერიოდულად უსასყიდლოდ პროდუქციას (თაროებს, ჩიპსებს). როგორც გავარკვიეთ, ჩვენ ეგ თანხა ვალს უნდა გამოვაკლოთ. აქამდე ჩვეულებრივად ვაბამდი ამ ზედნადებებს დეკლარაციას და ჩათვლას ვიკეთებდი, მაგრამ ჩვენც ვაწვდით მერე უსასყიდლოდ მაღაზიებს პროდუქციას და მაგ თანხას ვბეგრავთ.
რომ დავაკლო ვალს, ჩვენ როცა გვჩუქნიან პროდუქციას - რა გატარებებია საჭირო და დეკლარაციაში სადმე დამატებით უნდა მივუთითოთ?
