ძებნის შედეგად ნაპოვნია 384 შედეგი
არასამთავრობო ორგანიზაცია რეგისტრირებულია საქართველოში, რომელიც უცხოელი დონორებისაგან იღებს თანხებს სხვადასხვა პროექტის ფარგლებში, შემდეგ კი ამ თანხებს ევროპისა და აზიის სხვადასხვა ქვეყნებში მცხოვრებ ფიზიკურ და იურიდიულ პირებს ურიცხავს გარკვეული მომსახურებების გასაწევად; ასევე თანხების ნაწილი ერიცხებათ ჩვენი ქვეყნის მოქალაქეებსაც. აღნიშნული არასამთავრობო ორგანიზაცია ეწევა რამდენიმე ძირითადი მიმართულებით საქმიანობას:
1) ნარკოდამოკიდებულებითა და მსგავსი დაავადებებით დადიაგნოზებული ხალხის ფინანსურ დახმარებას, როგორც ქვეყნის შიგნით, ასევე საქართველოს ფარგლებს გარეთ (უმეტესწილად უფრო არარეზიდენტები არიან ამ პროექტებში მონაწილე);
2) არარეზიდენტ ფიზიკურ პირებზე ირიცხება თანხები, რომლებიც იხარჯება სხვადასხვა სამთავრობო და არასამთავრობო ორგანიზაციებთან შეხვედრების ორგანიზებაში, რათა შეიცვალოს როგორც შეხედულებები, ასევე მიდგომები და საჭიროებისამებრ ნარკოპოლიტიკაც, რათა ნარკოდამოკიდებული პირებისათვის გამარტივდეს როგორც მკურნალობა, ასევე მათკენ მიმართული სახელმწიფო პოლიტიკა (კანონების გამკაცრება/შემსუბუქება). აღნიშნული შეხვედრების შემდეგ იწერება გარკვეული მოხსენებები და პროექტების გეგმები, რომლებიც იგზავნება საქართველოში შესაფასებლად და ასევე პროექტების კონტროლის მიზნებისათვის;
3) კვლევები, რომლებიც აქცენტირებულია სხვადასხვა ქვეყნის ნარკოპოლიტიკის შესწავლაზე, ასევე ადგილობრივი ქვეყნის ნარკოპოლიტიკის შეფასებით, თუ რამდენად მიზანშეწონილია აღნიშნული არასამთავრობო ორგანიზაციისათვის კონკრეტული ქვეყნით დაინტერესება. ამ შემთხვევაშიც უმეტესწილად თანხები ირიცხება არარეზიდენტ ფიზიკურ პირებზე, იშვიათად ინდივიდუალურ მეწარმეზე (არარეზიდენტი ესეც) და ასევე უფრო იშვიათად იურიდიულ პირებზე;
4) აღნიშნულმა კომპანიამ გადაურიცხა თანხა პოლონეთში იურიდიულ პირს (ენების შემსწავლელ ცენტრს), რომელიც დაფუძნებული და რეგისტრირებული იყო პოლონეთში, რათა მათ ჩაეტარებინათ უკრაინელი დევნილი მოსწავლეებისათვის უკრაინული ენის შემსწავლელი კურსები. ეს წარმოადგენდა დავალებას ამ ცენტრისადმი და არა დახმარებას.
ჩვენ გვაინტერესებს შემდეგი: რეზიდენტების შემთხვევაში ყველაფერი გასაგებია; მაგრამ არარეზიდენტების შემთხვევაში, ზემოთ ხსენებულ 4 კონკრეტულ შემთხვევაში ცალ-ცალკე, რა სახის გადასახადებთან გვაქვს საქმე? რამდენად ახდენს გავლენას გადასახადების სახეებზე „ორმაგი დაბეგვრის თავიდან აცილების“ პოლიტიკა? მომსახურება რეალურად არ გაიწევა საქართველოში, აქედან თანხა მიემართება უცხოეთში და შემდეგ აქ უბრალოდ ბრუნდება ანგარიშები და მოხსენებები, რომლის საფუძველზეც ფასდება გაკეთებული საქმიანობა; საქართველოში ამ კომპანიას რეალურად რეგისტრაციის გარდა ჰყავს ერთადერთი თანამშრომელი, რომელიც ფინანსების მიმართულებით ახორციელებს საქმიანობას (რს.ჯე, გადარიცხვები, ბუღალტერია), სხვა ყველა კომპანიის თანამშრომელი არარეზიდენტია და თანამშრომლების შემთხვევაში იბეგრებიან შესაბამისად.
კითხვის მთავარი მიზანია − ამ 4 ზემოთ ხსენებულ შემთხვევაში არარეზიდენტი ფიზიკური პირები როგორ იბეგრებიან, საშემოსავლოთი, უკუდაბეგვრის დღგ თუ უწევთ, ან რაიმე სხვა ტიპის გადასახადი? რამდენად შეიძლება, რომ საგადასახადო ორგანომ მიიჩნიოს საქართველო მომსახურების გაწევის ადგილად, რადგან რეალურად კომპანიაში არანაირი პროდუქტი არ იქმნება, არც მომსახურება გაიწევა, უბრალოდ თანხა ირიცხება და თანხის მიმღები უმეტესწილად ფიზიკური პირები ახორციელებენ მომსახურების გაწევასა და მომსახურების შესახებ რეპორტების გადმოგზავნით არიან დაკავებული მხოლოდ, ან რაიმე კონკრეტული კვლევის შედეგის რეპორტით.
2023/12
დღგ
არარეზიდენტის
საშემოსავლო/მოგების
გადასახადი
სამართლებრივი/იურიდიული
პასუხის ნახვა
წარმოვადგენთ იურიდიულ პირს. ჩვენი საქმიანობაა (დღის ამბულატორია) სტომატოლოგია, დერმატო ვენეროლოგია, ქირურგია, რენტგენი, თერაპია (ენდოსფერო-თერაპია), კომპიუტერული ტომოგრაფია, მასაჟი და ლაზერული (ეპილაცია, პილინგი, ტატუს მოშორება) მომსახურება და საქონლის რეალიზაცია (ე.წ. ბოტოქსი NABOTA და სხვა მსგავსი საქონელი).
გაგზავნილი გვაქვს შეტყობინება მარეგულირებელ სააგენტოში სტომატოლოგიაზე და ასევე ვენერო-დერმატოლოგიაზე.
1) გვაინტერესებს, ზემოაღნიშნული მომსახურებები ჩაითვლება თუ არა სამედიცინო მომსახურების გაწევად?
2) ასევე გვაინტერესებს, ჩვენ მიერ ზემოაღნიშნული საქონლის (NABOTA ე.წ. ბოტოქსი) მიწოდება გათავისუფლებულია თუ არა დღგ-ისგან ჩათვლის უფლების გარეშე? როგორც გვითხრეს, NABOTA-ს მიწოდება გათავისუფლებულია დღგ-ისგან ჩათვლის უფლების გარეშეო.
3) როგორ დავადგინოთ, რა მომსახურებები ითვლება სამედიცინო საქმიანობად და ასევე რომელი საქონლის რეალიზაცია (მათ შორის NABOTA ბოტოქსი) გათავისუფლებულია დღგ-ისგან ჩათვლის უფლების გარეშე?
4) თუ შეიძლება მიგვითითეთ, გარდა საგადასახადო კოდექსისა, დამატებით რომელი საკანონმდებლო ნორმებით (მათ შორის აქტები, ბრძანებები, დადგენილებები და ა.შ.) ვიხელმძღვანელოთ? ასევე თუ არსებობს ელექტრონული საიტი, რომლიდაც შესაძლებელია დავადგინოთ, რომელი საქონლის მიწოდება ან/და მომსახურების გაწევა გათავისუფლებულია დღგ-ისგან ჩათვლის უფლების გარეშე?
2023/11
დღგ
სამართლებრივი/იურიდიული
სასაქონლო-მატერიალური
მარაგი
პასუხის ნახვა
ჩვენს კომპანიას დაგეგმილი აქვს ჩვენი ზოგიერთი პარტნიორი კომპანიისთვის საახალწლო საჩუქრების გაგზავნა. ეს პარტნიორები ორ ჯგუფად შეგვიძლია დავყოთ:
- კომერციული პარტნიორები: ჩვენი კორპორაციული კლიენტები, რომელთაც ვუწევთ მომსახურებას, ასევე ჩვენი პარტნიორები, რომელთან ერთადაც ვქმნით ზოგიერთ კომერციულ პროდუქტს;
- სხვა პარტნიორები, რომლებიც ჩვენს კომპანიას აწვდიან სხვადასხვა სახის მომსახურებას, მოწყობილობებს, საქონელს და ა.შ.
საჩუქრები სხვადასხვა შინაარსის შეიძლება იყოს და განსხვავებული იქნება მათი ფასიც. ზოგი მათგანი შეფუთული იქნება ბრენდირებული სტიკერებითაც. არცერთი ასეთი საჩუქრის მწარმოებელი ჩვენი კომპანია არ არის, ანუ ვიყიდით, ზოგიერთს შევფუთავთ და ისე გავაგზავნით.
გვაქვს შემდეგი კითხვები:
1) უნდა დაიბეგროს გადასახადებით ასეთი სახის გაცემული საჩუქრები იურიდიულ პირებზე? თუ კი, მაშინ რომელი გადასახადებით?
2) უნდა დაიბეგროს გადასახადებით ასეთი სახის გაცემული საჩუქრები ფიზიკურ პირებზე? თუ კი, მაშინ რომელი გადასახადებით?
3) საჩუქრის შინაარსზე და ფასზე თუ არის დამოკიდებული დაბეგვრის საკითხი? ანუ, 50 ლარამდე ღირებულების საჩუქარს გავაგზავნით თუ 1000 ლარის, ამას აქვს მნიშვნელობა დაბეგვრის მიზნებისთვის?
4) როგორია მიღებული საგადასახადო პრაქტიკა ამ საკითხებზე?
2023/10
დღგ
მოგების გადასახადი
საშემოსავლო გადასახადი
რეკლამა
და
მარკეტინგი
პასუხის ნახვა
ვართ ესტონურ მოდელზე მყოფი დღგ-ის გადამხდელი შპს. ინდივიდუალური მეწარმისგან, რომელიც არ არის დღგ-ის გადამხდელი და რომელსაც გააჩნია მეფრინველეობის ფერმა საქართველოში, სასაქონლო ზედნადებით ვყიდულობთ ქათმის და მწყერის კვერცხებს შემდგომი რეალიზაციის მიზნით. დავიბეგრებით თუ არა დღგ-ით აღნიშნულ რეალიზაციაზე?
იმპორტის რეჟიმით დაუბეგრავი საქონლის ადგილობრივ ბაზარზე მიწოდება დღგ-ით იბეგრება თუ არა, ეს სასაქონლო კოდზეა დამოკიდებული?
2023/09
დღგ
იმპორტი,
ექსპორტი
სასაქონლო-მატერიალური
მარაგი
პასუხის ნახვა
ხელშეკრულების ფარგლებში, არარეზიდენტი კომპანია, რომელსაც არ აქვს მუდმივი დაწესებულება საქართველოში, ჩვენს შპს-ს უწევს ონლაინ მომსახურებას, რომლითაც ის ონლაინ რეჟიმში აკონტროლებს ჩვენ მიერ მისგან მიღებული სამედიცინო დანადგარის გამართულ მუშაობას.
ონლაინ მომსახურების ღირებულება უნდა გადავიხადოთ ყოველთვიურად, წარმოდგენილი ინვოისების საფუძველზე.
აღნიშნული დასაბეგრი იქნება როგორც უკუდაბეგვრის დღგ-ით, ასევე არარეზიდენტის საშემოსავლო გადასახადით?
2023/09
დღგ
არარეზიდენტის
საშემოსავლო/მოგების
გადასახადი
ძირითადი
საშუალებები
პასუხის ნახვა
