ფიზიკური პირი შენობა-ნაგებობის რემონტს უკეთებს დღგ-ის გადამხდელ შპს-ს 2021 წლის ივლისიდან. ეს ფიზიკური პირი დღგ-ის გადამხდელი ნებაყოფლობით გახდა 2021 წლის ნოემბრიდან. მიღება-ჩაბარება გათვალისწინებულია რემონტის დამთავრების შემდეგ. 2021 წლის ნოემბრამდე ავანსად ჩამორიცხულ თანხებზე დღგ-ის გადახდის ვალდებულება აქვს შპს-ს. 2021 წლის ნოემბრის თვიდან, დღგ-ის დეკლარირება და გადახდა ფიზიკური პირის ვალდებულებაა.
1) არ გამომიწერია შპს-ისათვის საფ-ები, ვინაიდან მიგვაჩნია, რომ შპს-ს არ აქვს უფლება ავანსად ჩამორიცხულ თანხებზე მიიღოს ჩათვლა და რომ მიღება-ჩაბარების აქტის შედგენის შემდეგ გამოვწერთ ა/ფაქტურას და შპს მთელ თანხაზე ჩაითვლის დღგ-ს, სსკ 159-2; 174-2; 163-4 მუხლებიდან გამომდინარე. მართებულია თუ არა ჩვენი პოზიცია?
2) მიღებულ ავანსებზე დღგ-ის დეკლარაცია წარვადგინე და დავიბეგრე, მაგრამ მომსახურების მიმღებს არ გამოვუწერე ანგარიშ-ფაქტურა, რადგან ძველი ნორმის მიხედვით ვთვლიდი, რომ მას უნდა წარმოედგინა მოთხოვნა ჩემთვის. 2021 წ. 1 იანვრიდან საგადასახადო კოდექსში მუხლი 180 „საგადასახადო ანგარიშ-ფაქტურა“ განსხვავებულია ძველი ნორმიდან. გთხოვთ, თუ დარღვევა მაქვს, მიმითითოთ ამის შესახებ და რა სანქციები მელოდება?
დღგ-ის გადამხდელი შპს:
ა) აშენებს საკუთარ შენობა/ნაგებობას (ძირითად საშუალებას). მშენებლობის მომსახურება მას გაუწიეს როგორც დღგ-ის გადამხდელად რეგისტრირებულმა, ასევე არარეგისტრირებულმა პირებმა.
ბ) არემონტებს საკუთარი შენობა/ნაგებობას (ძირითად საშუალებას). მომსახურების გამწევი პირები აქაც იგივეა.
რა საგადასახადო ვალდებულება წარმოეშვება შპს-ს დღგ-ით დაბეგვრის კუთხით თითოეულ შემთხვევაში, თუ ამ შენობა/ნაგებობას იყენებს როგორც ძირითად საშუალებას:
1) მხოლოდ დღგ-ით დასაბეგრ ოპერაციებში;
2) შერეულ ოპერაციებში?
ა(ა)იპ-ის საკუთრებაშია ფართი (კორპუსის 1-ლ სართულზე, არ არის ბინა). ა(ა)იპ დღგ-ის გადამხდელია და ეს არსებული ფართი გაცემული აქვს იჯარით.
ინვესტორი/მშენებელი (ასევე დღგ-ის გადამხდელია) სთავაზობს, რომ ა(ა)იპ-მა ეს ფართი თავიდანვე საკუთრებაში გადასცეს მშენებელ კომპანიას და სანაცვლოდ ამ კორპუსს დაანგრევს და ახლადაშენებულ კორპუსში საკუთრებაში გადასცემს ა(ა)იპ ცოტა მეტ ფართს (არის 133 კვ.მ და მიიღებს 180 კვ.მ-ს). როგორ იბეგრება ეს ოპერაცია? ბარტერია? დღგ როდის წარმოიშობა და როდის არის გადასახდელი? მინდა, რომ გარიგების ღირებულება მივუთითო ხელშეკრულებაში და თან უნდა მივუთითო, რომ გადაცემული და მიღებული აქტივი თანაბარფასეულია.
ჩვენი კომპანიის მომსახურების აბონენტებთან დავების მოგების შემთხვევაში, სასამართლო მიღებული დადგენილებით აკისრებს სახელმწიფო ბაჟის თანხების ანაზღაურებას მოდავე მხარეებს, რომლებიც გვიხდიან ამ თანხებს. დღგ-ის მიზნებისთვის, ეს ხომ არ ჩაითვლება დღგ-ით დასაბეგრ თანხებად?
1) ერიცხება თუ არა დღგ რეზიდენტის მიერ არარეზიდენტისთვის საქართველოს ტერიტორიაზე მომსახურების გაწევისას?
2) ერიცხება თუ არა დღგ რეზიდენტის მიერ არარეზიდენტისათვის საქართველოს ტერიტორიის გარეთ მომსახურების გაწევისას?
3) რა შემთხვევაში ერიცხება დღგ და არ ერიცხება არარეზიდენტებს?
არარეზიდენტმა საწარმომ საქართველოში შექმნა მუდმივი დაწესებულების საწარმო (ფილიალი), მიენიჭა საიდენტიფიკაციო კოდი და გახდა დღგ-ის გადამხდელი. ამ საწარმომ და რეზიდენტმა შპს-მ შექმნეს ამხანაგობა ტენდერის პირობების დასაკმაყოფილებლად (ჯამური გამოცდილება). არარეზიდენტის მოთხოვნაა ყოველ შუალედურ შესრულებაზე მას ჩაერიცხოს შესრულებული სამუშაოს 5%. ამხანაგობამ გადაწყვიტა, დადოს ხელშეკრულება ფილიალთან, მან შეასრულოს საინჟინრო მომსახურება (რომელიც ისედაც უნდა შეესრულებინა თვით ამხანაგობაში), გამოუწეროს ა/ფაქტურა და ამის საფუძველზე გადაურიცხოს კუთვნილი თანხა. არარეზიდენტის ფილიალი კი, თავის მხრივ იწვევს დედა საწარმოს, რომელიც შეასრულებს საინჟინრო მომსახურებას ანუ ზედამხედველობას. ეს დაიბეგრება 10% არარეზიდენტის საშემოსავლოთი და უკუდაბეგვრის დღგ-ით? იკვეთება თუ არა ამ ქმედებებში რამე სახის საგადასახადო დარღვევა?
