ინდმეწარმემ, რომელიც დღგ-ის გადამხდელია, იყიდა მობილური ტელეფონი იმპორტის გზით და ეს ძირითად საშუალებად უნდა აღიაროს? მხოლოდ გამარტივებული საბაჟო დეკლარაცია მაქვს. დღგ შეგვიძლია ჩავითვალოთ?
დეველოპერმა გააფორმა მიწის რამდენიმე მეპატრონე ფიზიკურ პირთან ხელშეკრულება უძრავი ქონების ნასყიდობისა და უძრავი ქონების წინარე ნასყიდობის შესახებ, სადაც ერთ-ერთი მუხლი შემდეგნაირად არის ჩამოყალიბებული:
1. დეველოპერი საკუთრებაში გადასცემს პირველ მხარეს (მიწის მეპატრონე ფიზიკურ პირებს) 992 კვ.მ ფართებს შავი „კარკასის“ მდგომარეობით და 60.6 კვ.მ კომერციულ ფართებს, რომელიც უნდა აშენდეს ამ მიწაზე;
2. პირველი მხარე ასევე მიიღებს უძრავი ქონების ღირებულებას 120 000 აშშ დოლარის ეკვივალენტ თანხას ლარში, უნაღდო ანგარიშსწორებით გადარიცხვის დღეს არსებული ეროვნული ბანკის კურსით, შემდეგი წესით: ა) 60 000 აშშ დოლარის ეკვივალენტ თანხას ლარში – მეორე მხარის მიერ მშენებლობის ნებართვის მიღებიდან არაუგვიანეს 45 დღისა; ბ) 60 000 აშშ დოლარის ეკვივალენტ თანხას ლარში – მშენებლობის მიმდინარეობისას, მერვე სართულის ფილის დასხმის შემდეგ არაუგვიანეს 45 დღისა.
3. პირველი მხარე ასევე მიიღებს 300 აშშ დოლარის ეკვივალენტ თანხას ლარში, კომპენსაციის სახით, მშენებლობის დაწყებიდან ყოველთვიურად. კომპენსაციის გაცემა შეწყდება შენობის გადახურვის დასრულებისთანავე (მშენებლობის დასრულების ვადაა 36 თვე ხელშეკრულების გაფორმებიდან).
გვაინტერესებს:
1) ვინაიდან, მიზეზთა გამო, ვერ ვახერხებთ გადმოცემული მიწის შეფასებას და რეალური ღირებულების დადგენას, მაშინ როგორ შეიძლება გამოვითვალოთ (რა ლოგიკით? ხელშეკრულებაში არსებული მოცემულობები შეიძლება იქნეს გამოყენებული?) ის თანხა, რა თანხადაც უნდა დავსვათ შეძენილი მიწა ჩვენს ბალანსზე?
2) ვინაიდან მიწის მეპატრონეებთან გაფორმდა წინარე ნასყიდობის ხელშეკრულებები გადასაცემ ფართებზე, შესაბამისად ჩაითვლება, რომ დეველოპერი მათ უწევთ სამშენებლო მომსახურებას, ამიტომ დეველოპერმა ფინანსური აღრიცხვის მიზნებისათვის ხომ არ უნდა აღიაროს გადავადებული შემოსავალი და რა თანხით? ასევე, საგადასახადო მიზნებისთვისაც, ეტაპებად ხომ არ უნდა მოხდეს დაყოფა გასაწევი მომსახურების? შესაბამისად, დღგ-ით დაბეგვრა როდის ხდება და რა თანხიდან?
3) ხოლო, საგადასახადო კუთხით, დეველოპერმა თუ მშენებლობის დასრულების ბოლოს უნდა აღიაროს შემოსავალი გაწეული მომსახურებიდან, მაშინ რა თანხიდან უნდა მოხდეს დღგ-ით დაბეგვრა – გაწეული მომსახურების საბაზრო ფასიდან მომსახურების დასრულების თარიღით, გაწეულ დანახარჯებს (თვითღირებულებას) + 10% (პირობითად ავიღეთ) ფასნამატიდან, თუ ბინების საკუთრებაში გადაცემის მომენტში (ანუ მშენებლობის დასრულების ბოლოს) მათი საბაზრო ფასიდან (რაც შეიძლება ბევრად განსხვავდებოდეს ხელშეკრულების დადების მომენტში შეძენილი მიწის საბაზრო ფასისგან – იყოს მეტი)?
4) ბოლოს, თუ აღმოჩნდება, რომ ბალანსზე დასმული შეძენილი მიწის ფასი, ერთი მხრივ, და მიწოდებულ მომსახურებას ან/და მიწოდებულ ბინებს + გადახდილი თანხები, მეორე მხრივ, განსხვავდება ერთმანეთისაგან, რა მოსდის სხვაობას?
1) უსასყიდლოდ გაყიდვისას, თუ პროდუქციის სარეალიზაციო ფასი დღგ-ის ჩათვლით 118 ლარია, 118 ლარიანი ზედნადები უნდა გაიწეროს (შენიშვნაში: უსასყიდლოდ და ანგარიშ-ფაქტურას არ ვაგზავნით), თუ დღგ-ის გამოკლებით 100-ლარიანი ზედნადები? როგორ უნდა გატარდეს ბუღალტრული ანგარიშგებით? და დეკლარირებისას ეს თანხა სად უნდა ჩაიწეროს, რომელ გრაფაში?
2) უსასყიდლოდ შეძენისას როგორ უნდა გატარდეს ბუღალტრული ანგარიშგებით? და დეკლარირებისას ეს თანხა სად უნდა ჩაიწეროს, რომელ გრაფაში?
შპს-ს, რომელიც სასტუმროა, მისმა დამფუძნებელმა კომპანიამ უნდა მიყიდოს ამ სასტუმროს გვერდით მდებარე მიწა და ამ მიწაზე მდგარი ღია საცურაო აუზი თავისი დამხმარე ნაგებობით.
1) ეს ხომ ჩაითვლება მთლიანად დღგ-ით დასაბეგრ ოპერაციად (მიწის და ნაგებობის თანხა ორივე)?
2) დამფუძნებელი კომპანია მყიდველ შპს-ს (სასტუმროს) გამოუწერს ანგარიშ-ფაქტურას მთლიან თანხაზე და სასტუმროს ხომ აქვს უფლება ეს დღგ (მიწის და ნაგებობის თანხიდან გამოთვლილი) ჩაითვალოს სრულად?
3) გამყიდველმა კომპანიამ ანგარიშ-ფაქტურაში ცალკე რომ გამოყოს მიწის და ნაგებობის ფასები, რამე საფრთხეს ხომ არ შექმნის ეს სასტუმროსთვის დღგ-ის მთლიანი თანხის ჩასათვლელად?
დედა, რომელიც ეკონომიკურ საქმიანობას არ ეწევა, საკუთრებაში ფლობს არასაცხოვრებელ ფართს (საქართველოში), რომელიც გამოსადეგია კომერციული მიზნით და მისი ღირებულება 100000 ლარზე მეტია. ამ ფართის გაყიდვაზე გენერალური მინდობილობა აქვს მის შვილს, რომელიც დღგ-ის გადამხდელია და ყიდის ამ ფართს სხვა დღგ-ის გადამხდელ იურიდიულ პირზე. შეიძლება თუ არა, რომ ეს გაყიდვა დღგ-ით დაბეგროს და ა/ფ გამოწეროს არა მესაკუთრემ, არამედ მისმა შვილმა, ვინც გაყიდა ეს ფართი მინდობილობით?
კომპანიას, რომელიც ფლობს ჯანდაცვის სამინისტროსგან შესაბამის ლიცენზიას, რომლის თანახმად ახორციელებს სამედიცინო საქმიანობას, განზრახული აქვს აგრეთვე სადეზინფექციო და სადერატიზაციო მომსახურების გაწევა კონკრეტული ორგანიზაციებისათვის (მაგ. ცხოველთა და ფრინველთა სასაკლაოებისათვის და სხვა).
„ჯანმრთელობის დაცვის შესახებ“ კანონის მე-3 მუხლის მიხედვით, სამედიცინო საქმიანობა / სამედიცინო მომსახურება არის აგრეთვე საქმიანობა, რომელიც დაკავშირებულია (მათ შორის) საზოგადოებრივი ჯანმრთელობის დაცვის ღონისძიებებთან.
ეროვნული კლასიფიკატორის 81-ე განყოფილება კი მოიცავს შენობების და ტერიტორიის მომსახურების საქმიანობებს, მათ შორის, დასუფთავების საქმიანობებს, როგორიცაა შენობების, მანქანების და მოწყობილობების სადეზინფექციო და გაუვნებელყოფის სამუშაოები და სხვა.
განიხილება თუ არა აღნიშნული სადეზინფექციო და სადერატიზაციო მომსახურების გაწევა სამედიცინო მომსახურებად და შესაბამისად, დაიბეგრება თუ არა დღგ-ით? ხომ არ ჩაითვლება ის ჩვეულებრივ დასუფთავების მომსახურებად და როგორ უნდა გაიმიჯნოს ერთი მეორისგან?
