კომპანიამ 2019 წელს იმპორტის გზით შეიძინა აქციზური საქონელი. დღგ-ის გადამხდელად დარეგისტრირდა მას შემდეგ, რაც პროდუქციის ნაწილი უკვე რეალიზებულია. რეალიზაცია მოხდა როგორც გასულ წელს, ასევე მიმდინარე წლის თებერვლის თვეში. დღგ-ის გადამხდელად კომპანია დარეგისტრირდა 2020 წლის მარტის თვეში. მაინტერესებს, ნაშთად არსებულ საქონელზე გასული წლის სასაქონლო დეკლარაციის საფუძველზე დღგ-ის ჩათვლა თუ განხორციელდება? ვგულისხმობ სსკ 174-ე მუხლის „ვ“ პრიმა პუნქტით დაწესებულ შეზღუდვას.
შპს-ს სურს მის მიერ წარმოებული 5000 ლიტრი ჭაჭის არყის გადაცემა უსასყიდლოდ სახელმწიფოსთვის, სადეზინფექციო ხსნარის დასამზადებლად. დაიბეგრება თუ არა ეს გადაცემა რამე გადასახადით?
საქართველოს კომპანია ახორციელებს მედიკამენტების ექსპორტს სხვა ქვეყნებში. თუ ეს კომპანია დარეგისტრირდება დღგ-ის გადამხდელად, შეძლებს საქართველოში შეძენილ საქონელზე ან მომსახურებაზე დღგ-ის ჩათვლას?
1) საქართველოს კომპანიის მიერ ნებისმიერი უცხოური კომპანიისათვის გაწეული მომსახურება არ იბეგრება დღგ-ით?
2) საქართველოს კომპანიის მიერ უცხოური კომპანიისთვის ვალის გადახდა – არ იბეგრება დღგ-ით?
3) თუ საქართველოს კომპანიამ (რომელიც მოგების გადასახადით დაბეგვრის „ესტონურ მოდელზეა“) უცხოურ კომპანიას არ გადაუხადა ვალი და აღიარა მის წინაშე არსებული დავალიანების თანხა თავის შემოსავლად, ეს რამე გადასახადით დაიბეგრება?
დღგ-ით დაბეგვრასთან დაკავშირებით, შევიდა ცვლილება:
https://matsne.gov.ge/ka/document/view/4841418?publication=0
ამ ცვლილების შინაარსი ასეთია: 2017 წლის დეკემბრიდან ჯანდაცვისა და ფინანსთა მინისტრის ერთობლივი ბრძანებით დადგენილი იყო სამედიცინო საქონლის ნუსხა, რომელიც თავისუფლდება დღგ-ისაგან ჩათვლის უფლების გარეშე. მ/წლის 1 აპრილიდან ამ ნუსხას დაემატა ისეთი საქონელი, როგორიცაა პირბადეები, ხელთათმანები, ბახილები, სახის დამცავი ფარები და სხვა მსგავსი.
გვაქვს ასეთი შემთხვევა: ერთ-ერთმა კომპანიამ 30 მარტს იმპორტის სასაქონლო ოპერაციით შემდგომი გაყიდვის მიზნით შემოიტანა 6307 90 990 00 კოდის საქონელი – პირბადეები. აღნიშნული ოპერაცია დაიბეგრა საბაჟო (იმპორტის) დღგ-ით, რომელიც კომპანიამ ჩაითვალა მარტის თვის დღგ-ის დეკლარაციით. აპრილში სრულად გაყიდა ეს საქონელი, ოღონდ ამჯერად მათი მიწოდება უკვე გათავისუფლებული იყო ჩათვლის უფლების გარეშე.
ნიშნავს ეს თუ არა, რომ მარტში ჩათვლილი საბაჟო დღგ ექვემდებარება სრულად გაუქმებას? თუ კი, მაშინ რა გამოდის, გადამხდელი რეალურად ვერ სარგებლობს ამ შეღავათით (თუ არ ჩავთვლით დაზოგილ ფასნამატის დღგ-ს)?
შპს-მ სსიპ ფინანსთა სამინისტროს მომსახურების სააგენტოს მიერ გამოცხადებულ აუქციონზე შეიძინა მიწის ნაკვეთი, რომლის ღირებულება შეფასებული იყო 1000 ლარად. გამართული აუქციონით, მიწის ნაკვეთი შპს-ის მიერ ფაქტიურად შეძენილი იქნა 400 ლარად.
1) კონკრეტულად ეს ოპერაცია დაიბეგრება თუ არა რამე გადასახადით?
2) ხომ არაფერი შეიცვლება იმ შემთხვევაში, თუ იგივე მიწის ნაკვეთი შეძენილი იქნებოდა საქართველოს იუსტიციის სამინისტროს აღსრულების ეროვნული ბიუროს მიერ გამოცხადებულ აუქციონზე?
