საწარმოს საკუთრებაში აქვს 3,6 ჰა მიწის ფართობი, რომელიც ბალანსზე აღრიცხულია 18529 ლარად. 2020 წლის ივნისში გაყიდა 7941 კვ. მეტრი, რომელზეც ვენახია გაშენებული და ამ უკანასკნელის თვითღირებულება 6711.50 ლარს შეადგენს.
გთხოვთ მოგვცეთ შესაბამისი ბუღალტრული გატარებები გაყიდული მიწის ფართობზე და მასზე გაშენებულ ვენახზე.
რძის მწარმოებელ ფერმას ერთ-ერთი მყიდველი თვის ბოლოს ურიცხავს თანხას, რომელსაც ჰქვია ბონუსი. ეს თანხა ასე იანგარიშება: ყოველ ლიტრზე რიცხავს დამატებით ხუთ თეთრს იმ შემთხვევაში, თუ თვის განმავლობაში მიწოდებული რძის ყოველდღიური ნორმა 2000 ლიტრს აჭარბებს. რისკი ხომ არ ჩნდება ამ თანხის დღგ-ით დაბეგვრისა, მიუხედავად იმისა, რომ ხელშეკრულებაში გარკვევით წერია, რომ ეს რძის ფასია?
ფიზიკურმა პირმა საკუთარ მიწაზე მაღაზიის აშენებისთვის ნარდობის ხელშეკრულება გააფორმა, ჩვეულებრივ ეკონომიკური საქმიანობისთვის უფრო ადრე შექმნილ შპს-სთან, რომელშიც ფლობს 50%-ს, ხოლო მეორე 50%-ს ფლობს მისი ძმა. ანაზღაურება უნდა მოხდეს მაღაზიის აშენების შემდეგ, რაც უნდა გაფორმდეს მიღება-ჩაბარების აქტით. გადახდა მოგვიწევს მხოლოდ მიღება-ჩაბარების აქტის გაფორმების შესაბამის თვეში.
ხელშეკრულების მიხედვით, სამშენებლო მასალების ყიდვა ევალება ორივე მხარეს.
გთხოვთ გვიპასუხოთ, საბოლოო ანგარიშსწორებამდე ხომ არ წარმოიშობა რაიმე გადასახადით დაბეგვრის საკითხი და დღგ-ის და მოგების გადასახადის ყოველთვიური დეკლარაციის წარდგენის ვალდებულება?
დღგ-ის გადამხდელმა შპს X-მა მისი 100% წილის მფლობელი ფიზიკური პირისაგან შეიძინა მიწის ნაკვეთი და ააშენა ამ მიწაზე საცხოვრებელი სახლი, რომლის მშენებლობის ღირებულება დაჯდა რამდენიმე ასეული ათასი ლარი. თუ შპს X ამ სახლს, აშენების შემდეგ, მინიმალური იჯარის სანაცვლოდ გადასცემს ისევ ამ ფიზიკურ პირს – თავის პარტნიორს, შეძლებს თუ არა ეს შპს იმ დღგ-ის ჩათვლას, რაც სახლის მშენებლობიდან წარმოეშვა?
კომპანიამ 2019 წელს იმპორტის გზით შეიძინა აქციზური საქონელი. დღგ-ის გადამხდელად დარეგისტრირდა მას შემდეგ, რაც პროდუქციის ნაწილი უკვე რეალიზებულია. რეალიზაცია მოხდა როგორც გასულ წელს, ასევე მიმდინარე წლის თებერვლის თვეში. დღგ-ის გადამხდელად კომპანია დარეგისტრირდა 2020 წლის მარტის თვეში. მაინტერესებს, ნაშთად არსებულ საქონელზე გასული წლის სასაქონლო დეკლარაციის საფუძველზე დღგ-ის ჩათვლა თუ განხორციელდება? ვგულისხმობ სსკ 174-ე მუხლის „ვ“ პრიმა პუნქტით დაწესებულ შეზღუდვას.
