ძებნის შედეგად ნაპოვნია 351 შედეგი
სსკ 174-ე მუხლის მიხედვით „დღგ-ის ჩასათვლელი თანხა“:
„3. დღგ-ის ჩათვლა არ ხორციელდება: ...
ე.ბ) ელექტრონული საგადასახადო ანგარიშ-ფაქტურებით, დასაბეგრი ოპერაციის საანგარიშო პერიოდის დამთავრებიდან არაუგვიანეს დასაბეგრი ოპერაციის კალენდარული წლის დეკემბრის საანგარიშო პერიოდის მიხედვით წარმოდგენილ დღგ-ის დეკლარაციაში ან არაუგვიანეს 3 კალენდარული წლის განმავლობაში, ამავე პერიოდის დაზუსტებულ დეკლარაციაში“.
ანუ, 2019 წლის ოპერაციაზე რა ანგარიშ-ფაქტურაც მომივა დაგვიანებით, ოპერაციის პერიოდის მიხედვით დავაზუსტებ შესაბამის დღგ-ის დეკლარაციას და ჩავითვლი. სწორად გავიგე?
2020/01
დღგ
აღრიცხვა-ანგარიშგების
წესები
და
სტანდარტები
პასუხის ნახვა
სსკ 168-ე მუხლის მიხედვით, დღგ-ისგან ჩათვლის უფლებით გათავისუფლებულია: ექსპორტში, რეექსპორტში, გარე გადამუშავებაში ან ტრანზიტში მოქცეული ან ტრანზიტისთვის განკუთვნილი (რაც დასტურდება საქონლის თანმხლები დოკუმენტებით) საქონლის გადაზიდვა და ამ გადაზიდვასთან უშუალოდ დაკავშირებული მომსახურების გაწევა. ამასთანავე, ასეთ გადაზიდვასთან უშუალოდ დაკავშირებულ მომსახურებას განეკუთვნება გადაზიდვისას ტვირთის ან/და სატრანსპორტო და გადაზიდვის საშუალების გაგზავნასთან/მიღებასთან დაკავშირებული მომსახურება, აგრეთვე აეროპორტის, ნავსადგურის, სარკინიგზო ან საავტომობილო სადგურის/ვაგზლის მიერ გაწეული მომსახურება.
მუხლი 1621. მომსახურების გაწევის ადგილი:
„10. არადასაბეგრი პირისთვის საქონლის ტრანსპორტირების მომსახურების გაწევის ადგილად განიხილება ადგილი, სადაც ხორციელდება ტრანსპორტირება, გავლილი მანძილის პროპორციულად“.
თიზისთვის შეძენილი საქონლის სატრანსპორტო მომსახურება თავისუფლდება დღგ-ისგან? ასევე, პორტში საქონლის მიწოდება?
საქონლის თანმხლებ დოკუმენტებში რა დოკუმენტი მოიაზრება – CMR? თუ სასაქონლო ზედნადები? თუ საჭიროა სხვა დოკუმენტი?
რა ბუღალტრული გატარებები კეთდება უსასყიდლოდ გაცემულ საწარმოს პროდუქციაზე, როცა:
1) პროდუქცია უსასყიდლოდ გაიცემა თანამშრომელზე;
2) პროდუქცია უსასყიდლოდ მიეწოდება სხვა პირს;
3) პროდუქციის მიწოდება სადეგუსტაციოდ, რეალიზაციის გაზრდის მიზნით ხდება კომპანიის მყიდველებსა და შემკვეთებზე?
2020/01
დღგ
მოგების გადასახადი
საშემოსავლო გადასახადი
აღრიცხვა-ანგარიშგების
წესები
და
სტანდარტები
რეკლამა
და
მარკეტინგი
პასუხის ნახვა
შპს X1-ს რამდენიმე შვილობილი შპს ჰყავს. მათგან ერთ-ერთმა შპს X2-მა გააფორმა იჯარის ხელშეკრულება მეიჯარესთან ფართზე, რომელიც იყო მოუწყობელი (ცარიელი კედლები). დაიწყო ამ ფართის კეთილმოწყობა და გაწეული იქნა გარკვეული სახის სამუშაოები. გარკვეული პერიოდის შემდეგ შპს X2-მა ფართის გარკვეული ნაწილი დაუთმო შპს X1-ის მეორე შვილობილ შპს X3-ს, რაზედაც გაფორმდა შესაბამისი ხელშეკრულება.
ახლა გვინდა, რომ ოფიციალურად ფართის გადაცემამდე გაწეული ხარჯები შპს X3-მა აუნაზღაუროს შპს X2-ს. ამისთვის ვაფორმებთ ხელშეკრულებას, რომელსაც თან დავურთავთ ხარჯების ამსახველ დანართს. ყველა შპს დაბეგვრის „ესტონურ მოდელზეა“. გვაინტერესებს:
1) ეს შემოსავალი, რომელსაც მიიღებს შპს X2 შპს X3-ისაგან, განხილულ უნდა იქნას, როგორც რეალიზაციიდან მიღებული შემოსავალი (6110), რომელიც უნდა დაიბეგროს დღგ-ით, თუ შესაძლებელია სხვა შემოსავლებში მისი გატარება დღგ-ით დაბეგვრის გარეშე?
2) ხომ არ არსებობს რამე უკეთესი და უფრო მარტივი გზა ზემოთ მოცემული ოპერაციის გასაფორმებლად?
ჩვენმა ფირმამ, როგორც „აგენტმა“, ასეთი ხელშეკრულება რომ დადოს საქართველოს სადაზღვევო კომპანიასთან, როგორც „მზღვეველთან“, რომელშიც ხელშეკრულების საგანი იქნება ქვემოთ მოცემული შინაარსის:
„აგენტი მოიძიებს მზღვეველის ერთი ან მეტი სადაზღვევო პროდუქტის შემძენ კლიენტ(ებ)ს და წარუდგენს მას შესაბამისი სახეობის დაზღვევის ხელშეკრულებას გასაფორმებლად, ხოლო მზღვეველი აგენტს გადაუხდის საკომისიოს, შეთანხმებული პირობითა და ოდენობით“,
- ასეთ შემთხვევაში ჩვენი ფირმა მიიღებს სადაზღვევო კომპანიისაგან მის მიერ ამ კომპანიაში დაზღვეული კლიენტების მიერ ჩარიცხული თანხის საკომისიოს და რადგან დაზღვევა გათავისუფლებულია დღგ-ისაგან, ჩვენ მიერ მიღებული ეს შემოსავალი არ უნდა ჩაითვალოს დღგ-ით დასაბეგრ ოპერაციად.
ჩვენ ვთვლით, რომ ასეთი ოპერაციები დღგ-ის გადამხდელად რეგისტრაციის დროს არ ჩაითვლება დღგ-ით დასაბეგრ ოპერაციად. სწორია თუ არა ჩვენი მიდგომა ამ საკითხისადმი?
საქართველოს შპს „S“-მა 2019 წლის მაისიდან 2019 წლის სექტემბრამდე პერიოდში ოფშორში რეგისტრირებული არარეზიდენტი კომპანიისაგან, აზერბაიჯანის ტერიტორიაზე, შეიძინა 249 ერთეული ვაგონ-ცისტერნა, მათი შემდგომში საქართველოს ფარგლებს გარეთ გაყიდვის მიზნით.
2019 წლის ოქტომბერში საქართველოს ფარგლებს გარეთ განხორციელდა ვაგონების პირველი პარტიის მიწოდება რუსეთის რეზიდენტ კომპანიაზე, მიწოდების ოპერაციები ეტაპობრივად დღემდე გრძელდება. აქვე დავამატებთ, რომ ამ ვაგონებს ყიდვა-გაყიდვის არცერთ ეტაპზე საქართველოს ტერიტორია არ გადაუკვეთავთ.
აღნიშნულ ოპერაციებს ჰქონდათ თანმდევი ხარჯები, ყველა მომსახურება მიღებულ იქნა საქართველოს არარეზიდენტი პირებისგან (აზერბაიჯანი, მალტა, რუსეთი) და გაწეულ იქნა საქართველოს ფარგლებს გარეთ (აზერბაიჯანი, რუსეთი). კერძოდ, მიღებულ იქნა შემდეგი სახის მომსახურებები:
1. ვაგონების ტექნიკური დათვალიერება – აზერბაიჯანის რეზიდენტი ფიზიკური პირისაგან;
2. ვაგონების განთავსება-შენახვა – აზერბაიჯანის რეზიდენტი იურიდიული პირებისაგან;
3. ვაგონების რემონტი – ოფშორში რეგისტრირებული არარეზიდენტი იურიდიული პირისგან, აზერბაიჯანის რეზიდენტი ფიზიკური პირისგან, რუსეთის ფედერაციის იურიდიული პირისგან;
4. ვაგონების ტრანსპორტირება აზერბაიჯანის ტერიტორიაზე, შენახვის ადგილიდან სარემონტო დეპომდე – აზერბაიჯანის რეზიდენტი იურიდიული პირისაგან;
5. გზის სარემონტო სამუშაოები ვაგონების შესანახ ტერიტორიამდე – აზერბაიჯანის რეზიდენტი ინდმეწარმე ფიზიკური პირისაგან;
გვაინტერესებს, ექვემდებარება თუ არა ზემოაღნიშნული ოპერაციებიდან რომელიმე საშემოსავლო გადასახადით, უკუდაბეგვრის დღგ-ით ან მოგების გადასახადით დაბეგვრას?
2019/12
დღგ
მოგების გადასახადი
არარეზიდენტის
საშემოსავლო/მოგების
გადასახადი
თემის გარეშე
პასუხის ნახვა
