1) სსკ 151-ე მუხლის მე-7 ნაწილის მიხედვით, ამ მუხლის დებულებები არ გამოიყენება, თუ ოპერაციის მონაწილე რომელიმე მხარე მოგების გადასახადით იბეგრება ამ კოდექსის 97-ე მუხლის პირველი და მე-3 ნაწილებით გათვალისწინებული დაბეგვრის ობიექტების მიხედვით.
ხომ არ ნიშნავს ეს, რომ ფიზიკური პირის (100% წილის მფლობელის) მიერ შპს-ის საწესდებო კაპიტალში ქონების ან სხვა მატერიალური ფასეულობების შეტანა ფიზიკური პირის მიერ, განიხილება საწესდებო კაპიტალში შეტანის მომენტში ქონების ღირებულების გადახდის წყაროსთან დაბეგვრის მომენტად? რადგან ითვლება დღგ-ის მიზნებისთვის მიწოდებად, მაგრამ გათავისუფლებულია, ხოლო მოგების მიზნებისთვის ალბათ კანონმდებელი ხედავს რისკს, რომ შეტანის მომენტის შემდგომ ამ ქონების რეალიზაციისას მიღებული თანხის გატანა არ ჩაითვლება მოგების გადასახადით დასაბეგრ ბაზად, რადგან ფ/პ გადაწყვიტავს შეიმციროს კაპიტალი და არ დაიბეგრება გატანის მომენტში.
2) ამასთან, თუ განხორციელდა მხოლოდ ფულის შეტანა კაპიტალში (სსკ მე-16 მუხლით ფული ითვლება საქონლად, გარდა დღგ-ის მიზნებისთვის), ხომ არ ჩაითვლება მიწოდებად და გადახდის წყაროსთან დასაბეგრ ბაზად? ანდა უცხოური ვალუტის შეტანისას კაპიტალში ყიდვის და შეტანის მომენტში დაფიქსირებული კურსთაშორისი სხვაობა დადებითი კურსის კუთხით (ეროვნული ვალუტის მიმართებით) ხომ არ ჩაითვლება ფ/პირის მიერ მიღებულ სარგებლად და ხომ არ წარმოეშობა ამ ფიზიკურ პირს გადახდის წყაროსთან დაკავების მომენტი?
უცხოური საწარმოს (ესპანეთში რეგისტრირებული კომპანიის) ფილიალი რეგისტრირებულია საქართველოში. ტენდერი, რომელშიც მონაწილეობას იღებს კომპანია, დაკავშირებულია სამშენებლო ზედამხედველობის მომსახურებასთან. ხელშეკრულების ხელმომწერი მხარე იქნება ფილიალი.
1) შესაძლებელია თუ არა სათავო კომპანიამ წარუდგინოს შვილობილს (თავის ფილიალს) აღნიშნული მომსახურების ინვოისები, რათა შვილობილმა მოახდინოს თანხის გადარიცხვა ესპანეთში? ხომ არ ჩაითვლება მოგების განაწილებად?
2) პირველ შეკითხვაზე დადებითი პასუხის შემთხვევაში, რა გადასახადებით დაიბეგრება აღნიშნული მომსახურება? და შეეხება თუ არა ორმაგი დაბეგვრის თავიდან აცილების შესახებ ხელშეკრულება?
3) იმ შემთხვევაში, თუ სხვა არარეზიდენტმა კომპანიამ გაუწია მომსახურება ფილიალს (საინჟინრო, საზედამხედველო, სამშენებლო ან მსგავსი), რა გადასახადებით დაიბეგრება ფილიალი? და შეეხება თუ არა ორმაგი დაბეგვრის თავიდან აცილების შესახებ ხელშეკრულება?
საგადასახადო კოდექსის 30-ე მუხლის თანახმად არასამეწარმეო არაკომერციული იურიდიული პირი – ა(ა)იპ განიხილება, როგორც ორგანიზაცია, ხოლო საბიუჯეტო კოდექსის მე-6 მუხლის „ს“ ქვეპუნქტის თანახმად, ა(ა)იპ-ი წარმოადგენს საბიუჯეტო ორგანიზაციას.
სპორტულმა ფედერაციამ, რომელმაც უზრუნველყო ევროპის ჩემპიონატის ჩატარება საქართველოში, დაფინანსება მიიღო საქართველოს განათლების, მეცნიერების, კულტურის და სპორტის სამინისტროდან საბიუჯეტო ასიგნებების ფარგლებში. ასევე ფედერაციას შემოსავალი აქვს ჩემპიონატში მონაწილე ქვეყნების გუნდებიდან და ეს თანხები განკუთვნილია მათი სასტუმროთი და ტრანსფერით უზრუნველყოფისთვის.
გთხოვთ გაგვიმარტოთ, ჩემპიონატში მონაწილე ქვეყნების გუნდებიდან მიღებული შემოსავალი ჩაითვლება თუ არა ეკონომიკურ საქმიანობად და შესაბამისად დღგ-ით დასაბეგრ ოპერაციად?
ამასთან დამატებით გაცნობებთ, რომ ა(ა)იპ სპორტული ფედერაციის დებულების თანახმად, მის სტრატეგიულ მიზანს წარმოადგენს საერთაშორისო ტურნირების ორგანიზება.
2006 წლის 24 ივლისს გამოტანილია სასამართლოს განჩინება, რომლის მიხედვითაც კომპანიის ყოფილ დირექტორს (შემდგომში ფიზიკური პირი) უფლება მიეცა განკარგოს, გაყიდოს, დააგირავოს ამავე კომპანიის საკუთრებაში არსებული პროდუქცია – საკონიაკე სპირტი და სრულად მიიღოს ქონების რეალიზაციით მიღებული ამონაგები გადასახადების გამოკლებით. ამჟამად ფიზიკურ პირს სურვილი აქვს გაყიდოს მის განკარგულებაში არსებული სპირტი.
1) ვის მიერ უნდა მოხდეს სარეალიზაციო სპირტზე ზედნადების გამოწერა?
2) რა გადასახადებით დაიბეგრება სარეალიზაციო სპირტი და რა განაკვეთებით?
3) ამ გადასახადების გამოკლების შემდეგ დარჩენილი თანხა რა გადასახადით და რა განაკვეთით უნდა დაიბეგროს ფიზიკურ პირზე გაცემამდე?
საქართველოს რეზიდენტი კომპანია გეგმავს შეისყიდოს მატარებლის ვაგონები საქართველოს ფარგლების გარეთ და გააგრძელოს საქმიანობა ორი შესაძლო მიმართულებით:
1. გაყიდოს აღნიშნული ვაგონები ასევე საქართველოს ფარგლების გარეთ;
2. გასცეს იჯარით აღნიშნული ვაგონები:
ა) რეზიდენტ კომპანიაზე;
ბ) არარეზიდენტ კომპანიაზე.
რა გადასახადებით დაიბეგრება აღნიშნული ოპერაციები?
1) შპს X-ის (კომპანიის) საქმიანობა არის საფოსტო-საკურიერო მომსახურება (ექსპრეს-ფოსტა). თურქეთის კომპანია ახორციელებს ფოსტის (ამანათების, გზავნილების და ა.შ.) სხვადასხვა ქვეყნიდან თბილისში ჩამოტანას, რაშიც მას მომსახურებას უწევს შპს X კომპანია, რომელიც უზრუნველყოფს ჩამოსული გზავნილების, ამანათების დანიშნულების ადგილამდე მიტანას, ასევე გარკვეული ტვირთების საქართველოდან გაგზავნაზე უწევს მომსახურებას.
შპს X-ის მიერ თურქეთის კომპანიისთვის გაწეული მომსახურება მიიჩნევა თუ არა საექსპედიტორო მომსახურებად, რომელიც განთავისუფლებულია დღგ-ისგან ჩათვლის უფლებით, ან რა ტიპის მომსახურებად განიხილება და რა საგადასახადო ვალდებულებები ეკისრება? გთხოვთ მიპასუხოთ, დღგ-ის მიზნებისთვის როგორ დაიბეგრება შპს X-ის მიერ არარეზიდენტი კომპანიისთვის გაწეული მომსახურება?
2) ასევე გთხოვთ მიპასუხოთ, თუ შპს X იქნებოდა თურქეთის ამ კომპანიის წარმომადგენლობა საქართველოში, იგივე ოპერაციების შემთხვევაში რა საგადასახადო ვალდებულებები დაეკისრებოდა, ან რისგან გათავისუფლდებოდა?
