ძებნის შედეგად ნაპოვნია 384 შედეგი
საგადასახადო კოდექსის 30-ე მუხლის თანახმად არასამეწარმეო არაკომერციული იურიდიული პირი – ა(ა)იპ განიხილება, როგორც ორგანიზაცია, ხოლო საბიუჯეტო კოდექსის მე-6 მუხლის „ს“ ქვეპუნქტის თანახმად, ა(ა)იპ-ი წარმოადგენს საბიუჯეტო ორგანიზაციას.
სპორტულმა ფედერაციამ, რომელმაც უზრუნველყო ევროპის ჩემპიონატის ჩატარება საქართველოში, დაფინანსება მიიღო საქართველოს განათლების, მეცნიერების, კულტურის და სპორტის სამინისტროდან საბიუჯეტო ასიგნებების ფარგლებში. ასევე ფედერაციას შემოსავალი აქვს ჩემპიონატში მონაწილე ქვეყნების გუნდებიდან და ეს თანხები განკუთვნილია მათი სასტუმროთი და ტრანსფერით უზრუნველყოფისთვის.
გთხოვთ გაგვიმარტოთ, ჩემპიონატში მონაწილე ქვეყნების გუნდებიდან მიღებული შემოსავალი ჩაითვლება თუ არა ეკონომიკურ საქმიანობად და შესაბამისად დღგ-ით დასაბეგრ ოპერაციად?
ამასთან დამატებით გაცნობებთ, რომ ა(ა)იპ სპორტული ფედერაციის დებულების თანახმად, მის სტრატეგიულ მიზანს წარმოადგენს საერთაშორისო ტურნირების ორგანიზება.
2006 წლის 24 ივლისს გამოტანილია სასამართლოს განჩინება, რომლის მიხედვითაც კომპანიის ყოფილ დირექტორს (შემდგომში ფიზიკური პირი) უფლება მიეცა განკარგოს, გაყიდოს, დააგირავოს ამავე კომპანიის საკუთრებაში არსებული პროდუქცია – საკონიაკე სპირტი და სრულად მიიღოს ქონების რეალიზაციით მიღებული ამონაგები გადასახადების გამოკლებით. ამჟამად ფიზიკურ პირს სურვილი აქვს გაყიდოს მის განკარგულებაში არსებული სპირტი.
1) ვის მიერ უნდა მოხდეს სარეალიზაციო სპირტზე ზედნადების გამოწერა?
2) რა გადასახადებით დაიბეგრება სარეალიზაციო სპირტი და რა განაკვეთებით?
3) ამ გადასახადების გამოკლების შემდეგ დარჩენილი თანხა რა გადასახადით და რა განაკვეთით უნდა დაიბეგროს ფიზიკურ პირზე გაცემამდე?
2019/05
დღგ
საშემოსავლო გადასახადი
აქციზი
სამართლებრივი/იურიდიული
სასაქონლო-მატერიალური
მარაგი
პასუხის ნახვა
საქართველოს რეზიდენტი კომპანია გეგმავს შეისყიდოს მატარებლის ვაგონები საქართველოს ფარგლების გარეთ და გააგრძელოს საქმიანობა ორი შესაძლო მიმართულებით:
1. გაყიდოს აღნიშნული ვაგონები ასევე საქართველოს ფარგლების გარეთ;
2. გასცეს იჯარით აღნიშნული ვაგონები:
ა) რეზიდენტ კომპანიაზე;
ბ) არარეზიდენტ კომპანიაზე.
რა გადასახადებით დაიბეგრება აღნიშნული ოპერაციები?
1) შპს X-ის (კომპანიის) საქმიანობა არის საფოსტო-საკურიერო მომსახურება (ექსპრეს-ფოსტა). თურქეთის კომპანია ახორციელებს ფოსტის (ამანათების, გზავნილების და ა.შ.) სხვადასხვა ქვეყნიდან თბილისში ჩამოტანას, რაშიც მას მომსახურებას უწევს შპს X კომპანია, რომელიც უზრუნველყოფს ჩამოსული გზავნილების, ამანათების დანიშნულების ადგილამდე მიტანას, ასევე გარკვეული ტვირთების საქართველოდან გაგზავნაზე უწევს მომსახურებას.
შპს X-ის მიერ თურქეთის კომპანიისთვის გაწეული მომსახურება მიიჩნევა თუ არა საექსპედიტორო მომსახურებად, რომელიც განთავისუფლებულია დღგ-ისგან ჩათვლის უფლებით, ან რა ტიპის მომსახურებად განიხილება და რა საგადასახადო ვალდებულებები ეკისრება? გთხოვთ მიპასუხოთ, დღგ-ის მიზნებისთვის როგორ დაიბეგრება შპს X-ის მიერ არარეზიდენტი კომპანიისთვის გაწეული მომსახურება?
2) ასევე გთხოვთ მიპასუხოთ, თუ შპს X იქნებოდა თურქეთის ამ კომპანიის წარმომადგენლობა საქართველოში, იგივე ოპერაციების შემთხვევაში რა საგადასახადო ვალდებულებები დაეკისრებოდა, ან რისგან გათავისუფლდებოდა?
დღგ-ის გადამხდელმა შპს-მ იანვრის თვეში არარეზიდენტ ფიზიკურ პირს მიყიდა კომერციული/საცხოვრებელი ფართი, ხოლო აპრილის თვეში იგივე პირისგან ყიდულობს იგივე ფასში იმავე ფართს.
უკან შესყიდული ფართის შემდგომი რეალიზაციის დროს როგორ შეიძლება დღგ-ით დასაბეგრი თანხის შემცირება? ვგულისხმობ, ფიზიკური პირისგან ფართის გამოსყიდვისას ვერ მივიღებ დღგ-ის ჩათვლას, ხოლო გადაყიდვის დროს მომიწევს სრული ღირებულებიდან დღგ-ის გადახდა? არის თუ არა ასეთ შემთხვევაში გამოსავალი იანვრის თვეში გაფორმებული ყიდვა-გაყიდვის ხელშეკრულების გაუქმება?
ქართულ შპს-ს ექსპორტზე გააქვს საქონელი. ექსპორტის დეკლარაციას C ნომერი მიენიჭა 31.12.2016-ში, ხოლო A ნომერი 03.01.2017-ში. მიწოდების პირობა ხელშეკრულებაშიც, ინვოისშიც, CMR-შიც და ექსპორტის დეკლარაციაშიც მითითებულია – CIP-მოსკოვი (ოღონდ ინკოტერმს-2000 თანახმად). თუმცა, ხელშეკრულებაში ნათლად არ არის დაფიქსირებული, თუ როდის გადადის საკუთრების უფლება. ხელშეკრულება ისე იკითხება, თითქოს ეს მიბმულია მიწოდების პირობაზე, მაგრამ ნათელი არ არის. შპს-ს ამ ექსპორტის დეკლარაციით მიღებული შემოსავალი ნაღიარები აქვს 31.12.2016-ში და შესაბამისად დაბეგრილი აქვს 2016 წლის მოგების გადასახადით. ჩვენი აზრით, შპს-ს საგადასახადო კუთხითაც და ფინანსური კუთხით მით უმეტეს, არასწორად აქვს განსაზღვრული როგორც 2016 წლის, ასევე 2017 წლის შემოსავლები. შესაბამისად, უნდა შემცირდეს 2016 წლის მოგების გადასახადი და გაიზარდოს 2017 წლის შემოსავალი. ხომ სწორია ეს პოზიცია? რამე დამატებითი დეტალი ხომ არ უნდა მოვიძიოთ?
