თუ გადაფასების შემდეგ ცვეთა ისე გაიზარდა, რომ ამ არაფულადი ხარჯით განპირობებულია ზარალი, არ ვაღიარებთ გასაცემი დივიდენდის არსებობას? არ წარვადგენთ ყოველთვიური მოგების გადასახადის დეკლარაციას? თუკი დამფუძნებლებს სურთ რეალურად არსებული დივიდენდის განაწილება? და პირიქით, გადაფასების ნამეტით თუკი იზრდება გასანაწილებელი დივიდენდი?
კომპანიის დამფუძნებლებს (ერთი ფიზიკური პირია, ხოლო მეორე – იურიდიული) შემოაქვთ სესხები თანხის საჭიროებიდან გამომდინარე. ხელშეკრულებები თითოეულ გამსესხებელზე ცალ-ცალკე თანხებზე უნდა გაკეთდეს? უპროცენტო სესხის გაცემა ხომ შეიძლება?
რეორგანიზაციის შემთხვევაში, სსკ 152-12 მუხლის დებულებები არ გამოიყენება, თუ ოპერაციის მონაწილე რომელიმე მხარე მოგების გადასახადით იბეგრება ამ კოდექსის 97-ე მუხლის პირველი და მე-3 ნაწილებით გათვალისწინებული დაბეგვრის ობიექტების მიხედვით. ხომ არ ნიშნავს ეს, რომ რეორგანიზაციის პერიოდში მიწოდებული აქტივი შპს-ის მიერ მეორე შპს-ის მიმართ დასაბეგრია მოგების გადასახადით? მაგალითად, შპს „ა“-ს რეორგანიზაციისას 2017 წელს გამოეყო შპს „ბ“, რომელმაც მიიღო 15000 ლარის აქტივი. დასაბეგრია თუ არა მოგების გადასახადით შპს „ა“-ს მიერ აღნიშნული ოპერაცია სსკ 152-12 მუხლის გათვალისწინებით?
1) შპს „ა“-მ სოფლის მეურნეობაში დასაქმებულ შპს-ს (რომლის შემოსავალი ამავე საქმიანობიდან არ არის 200000 ლარზე მეტი) გადაურიცხა ავანსი 2019 წლის მაისში 15000 ლარი. დასაბეგრია თუ არა მოგების გადასახადით ავანსად გადახდილი თანხა 2019 წლის მაისის პერიოდში? სმფ მიღებულ იქნა 2019 წლის აგვისტოში.
2) სსკ 82-„ც“ მუხლის თანახმად, არ იბეგრება საშემოსავლოთი 2023 წლის 1 იანვრამდე სასოფლო-სამეურნეო წარმოებაში დასაქმებული ფიზიკური პირის მიერ ამ საქმიანობის ფარგლებში გაცემული ხელფასი, თუ დამქირავებლის მიერ აღნიშნული საქმიანობიდან მიღებული ერთობლივი შემოსავალი 200000 ლარს არ აღემატება.
რადგან არ არის მითითებული კალენდარული წელი, ერთობლივი შემოსავალი ხომ არ ითვლება სხვადასხვა წლების ბრუნვის 200000 ლარზე მეტი (ანუ 2017-ში თუ აქვს მიღებული შემოსავალი 190000 ლარი, ხოლო 2018-ში – 15000 ლარი, ანუ ჯამურად 200000 ლარს რადგან სცდება ამავე საქმიანობიდან მიღებული შემოსავალი, დაიბეგრება გადახდის წყაროსთან გაცემული ხელფასი)? დასაბეგრი ხომ არ არის ამ შემთხვევაში გაცემული ხელფასი?
3) შპს, რომელიც ეწევა სოფლის მეურნეობას და ამავე საქმიანობიდან არ აქვს შემოსავალი 200000 ლარზე მეტი, ფიზიკურ პირზე თუ გასცა ხელფასი, დასაბეგრია გადახდის წყაროსთან (ვინაიდან სსკ 82-1-„ც“ მუხლი გულისხმობს, ჩემი აზრით ფიზიკურ პირს, რომელიც ეწევა სოფლის მეურნეობას, მის მიერ გაცემულ ხელფასზეა საუბარი სხვა ფიზიკური პირის მიმართ და არა იურიდიული პირის მიერ გაცემულ ხელფასზე)?
1) 2017 წლიდან, როდესაც შპს მეორე შპს-ს (ურთიერთდამოკიდებულს ან არაურთიერთდამოკიდებულს) უსასყიდლოდ გადასცემს დაახლოებით 2000 ლარის ღირებულების სმფ-ებს, დაიბეგრება თუ არა გამცემი მხარე ახალი მოგების გადასახადით და რა თანხით?
2) შპს „ა“-მ გასცა სესხი უპროცენტოდ 10000 ლარი შპს „ბ“-ზე (ურთიერთდამოკიდებულზე ან არაურთიერთდამოკიდებულზე). დაიბეგრება თუ არა გამცემი მხარე მოგების გადასახადით და რა თანხით?
რა ბუღალტრული გატარებები კეთდება უსასყიდლოდ გაცემულ საწარმოს პროდუქციაზე, როცა:
1) პროდუქცია უსასყიდლოდ გაიცემა თანამშრომელზე;
2) პროდუქცია უსასყიდლოდ მიეწოდება სხვა პირს;
3) პროდუქციის მიწოდება სადეგუსტაციოდ, რეალიზაციის გაზრდის მიზნით ხდება კომპანიის მყიდველებსა და შემკვეთებზე?
