ფიზიკური პირი „M“ 2017 წლის 25 დეკემბრიდან ნასყიდობის ხელშეკრულების საფუძველზე ფლობს უძრავ ქონებას – საკადასტრო კოდი 72.06.11.426.01.500, ფართი 466,10 კვ.მ. შპს-ს (ს/კ 428884433) იჯარით აქვს აღებული ეს ფართი 2018 წლის 4 აგვისტოდან. შპს ფუნქციონირებს როგორც სასტუმრო ანუ ეწევა ეკონომიკურ საქმიანობას.
მაინტერესებს, რომელი ვარიანტი უფრო მართებული იქნება შემდეგ სიტუაციაში: „M“-მა გაყიდოს ქონება, როგორც ფიზიკურმა პირმა თუ შპს-მ?
თუ როგორც ფიზიკური პირი გაყიდის, როგორ დაიბეგრება? მაგალითად, თუ გაყიდა 500 000 ლარად.
თუ საწესდებო კაპიტალში შეიტანა, მაშინ?
ან თუ შპს-მ გაყიდა, მაგ შემთხვევაში როგორ დაიბეგრება?
საზღვარგარეთ არარეზიდენტზე (ოფშორი არ არის) 2018 წელს გადარიცხული თანხიდან მიღებულია საქონელი, მაგრამ არასრული თანხის. დარჩა ზედმეტად გადარიცხული 200 დოლარი. ამ მიმწოდებელთან შემდგომში გვექნება ურთიერთობა, მაგრამ ამ ეტაპზე ზედმეტობა ფიქსირდება. მაინტერესებს, 200 დოლარიდან რამე ხომ არ მეკისრება გადასახადი ბიუჯეტის წინაშე? ჩვენი ორგანიზაცია „ესტონურ მოდელზეა“ გადასული.
ჩვენმა შპს-მ („ესტონურ მოდელზეა“, დღგ-ის გადამხდელია), შეიძინა მიკროავტობუსი, დაქირავებული თანამშრომლების სამსახურიდან სახლში და სახლიდან სამსახურში სატარებლად. მძღოლად ჩვენი თანამშრომელია. მას ამ მომსახურებისათვის ანაზღაურება დაემატება მის ძირითად ხელფასზე.
1) 2017 წლის 1 იანვრის ცვლილება სსკ 101-ე მუხლში რამდენად მიესადაგება ამ სიტუაციას, რომ არ დაიბეგროს საშემოსავლოთი ეს მომსახურება და შესაბამისად, არ გავითვალისწინო სარგებელი თანამშრომლებზე?
2) არც მოგების გადასახადით და არც დღგ-ით არ დაიბეგრება?
3) მძღოლთან დაკავშირებით, მისი დამატებითი დაბეგვრის თემა ხომ არ დგას?
4) საწვავის ჩამოწერა ოდომეტრის ჩვენების მიხედვით შეგვიძლია ისე, რომ არ დავბეგროთ?
მე-3 ზომითი კატეგორიის შპს-ის საქმიანობას წარმოადგენს მსხვილფეხა რქოსანი პირუტყვის მოშენება და მისგან მიღებული რძის რეალიზაცია. ასევე, ხდება ცოცხალი საქონლის რეალიზაციაც. მაინტერესებს შემდეგი საკითხები:
1) რა საბუთის საფუძველზე უნდა მოხდეს ბალანსზე რძის აღება და საჭიროა თუ არა რძის ლაბორატორიული მაჩვენებლების მითითება მასში?
2) რა საბუთის საფუძველზე უნდა ავიღოთ ხბო ბალანსზე?
3) პირუტყვის სიკვდილის შემთხვევაში, თუ ძირითად საშუალებად მაქვს აღრიცხული, ვადგენ აქტს. თუ გასაყიდად გამიზნული საქონელი (16**-ებზე აღრიცხული) კვდება, ჩამოწერისათვის უნდა მოვიწვიო საგადასახადო ორგანოს წარმომადგენელი, მაგრამ მკვდარ საქონელს ადგილზე ვერ ვინახავთ, რადგან მალფუჭებადია. ამიტომ არ ვიწვევთ საგადასახადო ორგანოს. როგორ მოვიქცეთ?
4) უნდა გვქონდეს თუ არა წინასწარ შედგენილი ნორმები კვების რაციონთან დაკავშირებით? ხომ არ დაგვჭირდება იმის მტკიცება, რომ ეს საკვები არ გაგვიყიდია? იგივე ეხება პირუტყვის მოვლისათვის განკუთვნილ წამლებსაც.
ასევე გვაინტერესებს, რაიმე გამოსავლიანობის ნორმა ხომ არ უნდა შევიმუშავოთ გამრავლების საშუალებებთან დაკავშირებით?
დავუშვათ, იურიდიულმა პირმა აიღო სესხი ურთიერთდამოკიდებული არარეზიდენტი პირისაგან იმ დროს, როცა „ესტონური დაბეგვრის მოდელი“ არ მოქმედებდა, თუმცა სესხის აღების მომენტში სახელშეკრულებო საპროცენტო განაკვეთი შეესაბამებოდა იმ დროინდელ საბაზრო განაკვეთს.
2017-2018-2019 წლებში კვლავ გრძელდება ამ სესხით სარგებლობა და თან უკვე ცნობილია, რომ ამ პერიოდების საბაზრო საპროცენტო განაკვეთი უკვე მნიშვნელოვნად ნაკლებია, ვიდრე სახელშეკრულებო. ანუ, „ესტონური მოდელის“ მოქმედების პერიოდში იგივე პირობებით რომ აეღო პირს სესხი, იგი ჩაითვლებოდა ძვირ სესხად და გადახდილი პროცენტები (საბაზროზე გადაჭარბებულ ნაწილში) დაიბეგრებოდა მოგების გადასახადით (სსკ 98 პრიმა 1 მუხლის მე-4 ნაწილით).
ის გარემოება, რომ ეს სესხი პირს აღებული აქვს „ესტონურ მოდელზე“ გადასვლამდე პერიოდში და თან ისე, რომ მაშინ განაკვეთი საბაზრო იყო – დამიცავს 2017 წლის შემდგომ პერიოდში მოგების გადასახადით დაბეგვრისგან, თუკი იგივე სახელშეკრულებო განაკვეთით დავარიცხავ და გადავუხდი პროცენტებს არარეზიდენტს?
შპს-ს 100%-იანი დამფუძნებელი არის სხვა შპს, რომელიც თავის დაფუძნებულ შპს-ს რეგულარულად ურიცხავს თანხებს. დანიშნულებაში ვუთითებთ „დამფუძნებლის შენატანს“. ეს სწორია? რა საგადასახადო რისკი შეიძლება წარმოიშვას ამ შემთხვევაში?
