შპს უხდის ჯარიმას არაურთიერთდამოკიდებულ ფიზიკურ პირს, ხელშეკრულების პირობის შეუსრულებლობის გამო. ეს ჯარიმა საშემოსავლო გადასახადით გადახდის წყაროსთან იბეგრება თუ თავად ამ ფიზიკურმა პირმა უნდა დაადეკლარიროს?
ინდმეწარმეს ვენახი 100%-ით დაესეტყვა. ქონება დაზღვეული იყო და შესაბამისად აუნაზღაურებს სადაზღვევო კომპანია. 1) ეს თანხა რომ გაიტანოს ინდმეწარმემ და სხვა მის მიერ დაფუძნებულ შპს-ში შეიტანოს, შეიძლება? 2) ბუღალტრულად ამ სადაზღვევო კომპანიის მიერ ანაზღაურებულ თანხას ასეთი ბუღალტრული გატარება ექნება? დ-ტი 1210 კ-ტი 1490/“სადაზღვევო კომპანია“; დ-ტი 1490/“სადაზღვევო კომპანია“ კ-ტი 8190/“სხვა არასაოპერაციო შემოსავალი“. დამატებით სხვა გატარებაც ხომ არ უნდა? ეს ხომ ნაჩუქარი თანხა არაა, სადმე ხომ არ უნდა ფიგურირებდეს ვენახიდან წარმოებული პროდუქცია, რადგან მე ხელფასზე საშემოსავლოს არ ვიხდი სსკ 82-ე მუხლის საფუძველზე „გადასახადისაგან გათავისუფლება“: „ლ) 2023 წლის 1 იანვრამდე სასოფლო-სამეურნეო წარმოებაში დასაქმებული პირის მიერ საქართველოში წარმოებული სოფლის მეურნეობის პროდუქციის პირველადი მიწოდებით მიღებული დასაბეგრი შემოსავალი, თუ კალენდარული წლის განმავლობაში ასეთი მიწოდებით მიღებული ერთობლივი შემოსავალი 200 000 ლარს არ აღემატება.
რა სახის საგადასახადო ვალდებულებები წარმოექმნება ფიზიკურ/იურიდიულ პირს შპს-ში წილის 100%-ის შესყიდვის შემთხვევაში? შპს-ის მეწილეები ფიზიკური პირები არიან.
წარმომადგენლობითი ხარჯების განსაზღვრასთან დაკავშირებით გვაინტერესებს: 1) სტუმრების დახვედრისა და გამასპინძლების ხარჯებში მხოლოდ კლიენტები ან პოტენციური კლიენტები იგულისხმებიან თუ ნებისმიერი ადამიანი, რომელიც თანამშრომელი არ არის, შეიძლება სტუმრად განვიხილოთ? მაგალითად, უცხოელ მიმწოდებელს თუ გავუმასპინძლდები კვებით, როდესაც მის მიერ გასაწევი მომსახურების ფარგლებში ჩამოდის, ან ბანკის წარმომადგენელს თუ გავუმასპინძლდები? 2) მაშინ, როდესაც წარმომადგენლობით ხარჯზე არ გაგვაჩნია არც შესყიდვის და არც გადახდის დამადასტურებელი დოკუმენტი, გვაქვს მხოლოდ თანამშრომელზე საქვეანგარიშოდ თანხის გაცემის დამადასტურებელი დოკუმენტი და ბრძანება წარმომადგენლობითი ხარჯების გაწევაზე, რამდენად რისკის შემცველია ასეთი ხარჯების წარმომადგენლობითად აღიარება?
1) დაქირავებული მეწარმე ფიზიკური პირი გვემსახურება მისი მანქანით ან ტექნიკით. მომსახურება შეიძლება მოიცავდეს გადაზიდვას, გადაყვანას, ან საგზაო სამუშაოებს, მაგალითად, ექსკავატორის სამუშაოებს. ამ პირებზე ვახდენთ საწვავის რეალიზებას, ანუ მომსახურებას გვიწევს თავისი საკუთარი საწვავით და ტექნიკით. შესაძლებელია თუ არა, ეს მომსახურება გაგვიწიოს მცირე მეწარმის სტატუსის ფარგლებში? ვგულისხმობ საქართველოს მთავრობის 415-ე დადგენილებას, რომელშიც მხოლოდ ქონების იჯარით გაცემაზეა მითითებული, რომ დაიბეგრება ჩვეულებრივი განაკვეთით და შეღავათიანი დაბეგვრა მას არ შეეხება.
2) მეწარმედ დარეგისტრირებისას, ყველა საქმიანობაზე ცალ-ცალკე ხდება მცირე მეწარმის სტატუსის მინიჭება? პირმა მიმართა მცირე მეწარმის სტატუსის მინიჭების შესახებ აგვისტოს თვეში ერთ კონკრეტულ საქმიანობაზე და მას სტატუსი მიენიჭა 1 სექტემბრიდან. სექტემბრის თვეში კი მან გაგვიწია მეორე ტიპის მომსახურება, რომელიც 415-ე დადგენილების ჩამონათვალში არ არის, მაგრამ ამ მეორე საქმიანობაზე განაცხადი მცირე მეწარმის სტატუსის მინიჭების შესახებ გააკეთა ამ მომსახურების განხორციელების შემდეგ. სექტემბრის თვეში განხორციელებული ამ მეორე საქმიანობის ფარგლებში პირი დაიბეგრება შეღავათიანი დაბეგვრის რეჟიმით თუ ჩვეულებრივი წესით?
