მთავრობის 829-ე დადგენილებასთან დაკავშირებით გვსურს გკითხოთ, ამ დადგენილების მიხედვით, გვაქვს შეზღუდვა საშემოსავლო გადასახადის დეკლარაციის დაზუსტებასთან დაკავშირებით თუ არა? კომპენსაციის მიმღები პირის ვინაობა, ასევე თანხების რაოდენობა განსაზღვრულია დადგენილებით. ჩვენ გვაინტერესებს დეკლარაციის დაზუსტებასთან დაკავშირებული საკითხი, რაზეც ამ ბრძანების წაკითხვის შემდეგ ჩვენი ინტერპრეტაცია ასეთია: თუკი ხდება 2020 წლის იანვარ-ნოემბრის თვის დეკლარაციების დაზუსტება და ხდება მხოლოდ კომპენსაციის მიმღები პირის პირადი ნომრის ჩასწორება (რადგან დეკლარაციაში პირადი ნომრის არასწორად დაფიქსირების გამო ეს პირი კარგავდა კომპენსაციის მიღების უფლებამოსილებას), ამ შემთხვევაში დეკლარაცია ჩაითვლება 2021 წლის იანვრამდე წარდგენილად და პირი მიიღებს კომპენსაციას. ანუ, ეს ნიშნავს არა იმას, რომ დეკლარაციის დაზუსტება არ შეიძლება, არამედ იმას, რომ თუ დეკლარაციაში არასწორად ან არასრულად იყო ინფორმაცია წარდგენილი და ამის გამო რომელიმე პირი კარგავდა კომპენსაციის მიღების საშუალებას, დეკლარაციის დაზუსტებით ამ საკითხის გამოსწორება შეიძლება მხოლოდ იმ შემთხვევაში, თუ პირადი ნომერი იყო არასწორად მითითებული და ჩასწორდა. სხვა შემთხვევაში, დეკლარაციის დაზუსტება, უბრალოდ, ვერ გახდება პირის მიერ კომპენსაციის მიღების საფუძველი, რადგან ამ შემთხვევაში ჩაითვლება, რომ დეკლარაცია 2021 წლის 1 იანვრის შემდეგ არის წარდგენილი, ოღონდ მხოლოდ ამ ქვეპუნქტის მიზნებისთვის, რაც იმას ნიშნავს, რომ დეკლარაციის დაზუსტება ცხადია შესაძლებელია და იმის სამართლებრივი საფუძველი, რომ დეკლარაციის დაზუსტება აგვეკრძალოს, ამ დადგენილებიდან გამომდინარე არ არსებობს! უბრალოდ, თუ იმ სახით დავაზუსტებთ დეკლარაციას, რომ კომპენსაციის მიმღებ პირთა რაოდენობა გაიზარდება, მხოლოდ იმ შემთხვევაში მიიღებენ ეს პირები კომპენსაციას, თუ მხოლოდ მათ მათი პირადი ნომერი დაზუსტდა. მაგალითად, თუ კომპანია არ ადეკლარირებდა თანამშრომლის ხელფასს, მიუხედავად იმისა, აკეთებდა ამას შეგნებულად თუ ადგილი ჰქონდა ინფორმაციის შემთხვევით გამორჩენას, ახლა დეკლარაციის დაზუსტება არ მისცემს პირს კომპენსაციის მიღების უფლებამოსილებას. თუმცა, ასეთ შემთხვევაშიც, დეკლარაციის დაზუსტება შეიძლება და ამაზე დამატებითი სანქციები არ არის, არის ჩვეულებრივი საურავები, რომელიც სიახლე არაა. გთხოვთ, მოგვწეროთ, სწორად გვესმის თუ არა აღნიშნული დადგენილების შინაარსი და თქვენი აზრი გაგვიზიაროთ ამ საკითხთან დაკავშირებით.
საქართველოს რეზიდენტი და მოქალაქე ფიზიკური პირის მიერ ჩინეთის კომპანიისთვის გაწეული არადაქირავებული მუშაობით მომსახურებიდან მიღებული შემოსავალი, რა შემთხვევაში არ ჩაითვლება საქართველოში არსებული წყაროდან მიღებულად?
საქართველოს მთავრობის 2020 წლის 18 დეკემბრის №759 დადგენილებით განისაზღვრა იმ პირთა სია, რომლებსაც ეკუთვნით 300-ლარიანი კომპენსაციის მიღება სახელმწიფოსგან, კომპენსაციის მიღების უფლება აქვს დაქირავებულს, თუ ის 2020 წლის 27 ნოემბრის მდგომარეობით დაქირავებით საქმიანობას ეწეოდა იმ დამქირავებლის სასარგებლოდ, რომელსაც საქართველოს მთავრობის დადგენილებით 2020 წლის 28 ნოემბრიდან დაწესებული შეზღუდვების გამო შეჩერებული აქვს საქმიანობის განხორციელების/ობიექტზე მომხმარებელთა სარეალიზაციო სივრცეში დაშვების/წვდომის უფლება და 2020 წლის 5 დეკემბრიდან 2020 წლის 24 დეკემბრამდე პერიოდში ამავე დამქირავებლისაგან არ იღებს ხელფასს (მათ შორის, შრომითი ურთიერთობის შეწყვეტის/შეჩერების გამო). ცვლილებამდე, დაქირავებულს კომპენსაციის მიღების უფლება ჰქონდა, თუ მასზე არ ფიქსირდებოდა ხელფასის გაცემა 2020 წლის 28 ნოემბრიდან 24 დეკემბრამდე პერიოდში.
ჩვენი კომპანია ცალსახად არის იმ კომპანიათა ჩამონათვალში, რომლებსაც 28 ნოემბრიდან დაწესებული შეზღუდვა შეეხოთ ობიექტზე მომხმარებელთა სარეალიზაციო სივრცეში დაშვების/წვდომის უფლებასთან დაკავშირებით, მაგრამ ჩვენთვის გაურკვეველია ეს ჩანაწერი: „2020 წლის 5 დეკემბრიდან 2020 წლის 24 დეკემბრამდე პერიოდში ამავე დამქირავებლისაგან არ იღებს ხელფასს“, რადგან ჩვენთან 200 თანამშრომლისგან 150-ს შეუჩერდა სამუშაო პროცესი, 50-ს კი ვამუშავებთ ონლაინ-გაყიდვებზე. გვაქვს ორი ტიპის შემთხვევა:
1) ხელფასის გაცემის დღე ჩვენთან არის 30 დეკემბერი. იმ 150 თანამშრომელს, რომელსაც შევუჩერეთ სამუშაო პროცესი, სახელმწიფოსგან ეკუთვნით დახმარება და უნდა დავადეკლარიროთ 24 დეკემბრამდე სპეციალური ფორმით ამ კომპენსაციის მიმღებთა სიაში და გადავუგზავნოთ შემოსავლების სამსახურს, თუ არა? გვეუბნებიან, რომ დადგენილებაში წერია: ამ პერიოდში თუ არ აქვს უშუალოდ მიღებული (ანუ საკასო მეთოდის მსგავსად თუ არ ჩარიცხვია) ხელფასი, მაშინ ეკუთვნის, მიუხედავად იმისა, 24 დეკემბრის მერე გასცემთ თუ არაო. დადგენილებაში წერია: „2020 წლის 5 დეკემბრიდან 2020 წლის 24 დეკემბრამდე პერიოდში ამავე დამქირავებლისაგან არ იღებს ხელფასს“ და ეს ნიშნავს, უშუალოდ ამ პერიოდში თუ არ გაქვს სახელფასო გაცემა დაფიქსირებულიო, ეკუთვნით კომპენსაციაო, თუმცა მაინც ორაზროვანი ჩანაწერი მგონია.
2) დისტანციური ონლაინ გაყიდვებიდან მიღებული შემოსავალი, ცხადია, არ გვაქვს იმდენი, რაც შეიძლება გვქონოდა დეკემბრის თვეში, რომ არა დაწესებული შეზღუდვები და დაკეტილი მაღაზიები. ჩვენთან ანაზღაურების საბონუსე სისტემაა და ის 50 თანამშრომელი, რომლებსაც ვამუშავებთ და რომლებზეც გავცემთ ხელფასს 30 დეკემბერს, ბუნებრივია ვერ მიიღებენ იმ ოდენობის ანაზღაურებას, რაც შეიძლებოდა ჰქონოდათ შეზღუდვების არარსებობის პირობებში. თუ კომპენსაციის მიმღებ პირთა წრე განისაზღვრება იმ კრიტერიუმით, რომ მთავარია 5 დეკემბრიდან 24 დეკემბრამდე პერიოდში არ ჰქონდეთ მიღებული სახელფასო ანაზღაურება, მაშინ რადგან ეს თანამშრომლები ხელფასს მიიღებენ 24 დეკემბრის მერე და თან მიიღებენ შემცირებული რაოდენობით, იქნებ მათაც ეკუთვნით ამ კომპენსაციის მიღება?
1) უსასყიდლოდ გაყიდვისას, თუ პროდუქციის სარეალიზაციო ფასი დღგ-ის ჩათვლით 118 ლარია, 118 ლარიანი ზედნადები უნდა გაიწეროს (შენიშვნაში: უსასყიდლოდ და ანგარიშ-ფაქტურას არ ვაგზავნით), თუ დღგ-ის გამოკლებით 100-ლარიანი ზედნადები? როგორ უნდა გატარდეს ბუღალტრული ანგარიშგებით? და დეკლარირებისას ეს თანხა სად უნდა ჩაიწეროს, რომელ გრაფაში?
2) უსასყიდლოდ შეძენისას როგორ უნდა გატარდეს ბუღალტრული ანგარიშგებით? და დეკლარირებისას ეს თანხა სად უნდა ჩაიწეროს, რომელ გრაფაში?
კორპორატიული ღონისძიების ფარგლებში, როდესაც მოვახდენთ თანამშრომლების ტრანსპორტირებას ერთი ადგილიდან მეორეზე, რამდენად შეიძლება ეს წარმომადგენლობით ხარჯად ჩავთვალოთ და არ დავბეგროთ საშემოსავლოთი?
კოვიდის ფართო მასშტაბით გავრცელებასთან დაკავშირებით, თანამშრომლები გადაგვყავს ჩვენი დაქირავებული ტრანსპორტით სახლიდან სამსახურამდე და პირიქით, რათა კოვიდის გავრცელების რისკი შევამციროთ. სსკ 101-ე მუხლის მიხედვით, რამდენად ექვემდებარება ეს საშემოსავლო გადასახადით დაბეგვრას?
