ფიზიკური პირი (საქართველოს მოქალაქე, რომელიც არ არის გადასახადის გადამხდელად რეგისტრირებული), რომელიც მუშაობდა ესტონეთში და შრომითი დაქირავების ფარგლებში ეწეოდა პროგრამულ მომსახურებას უწყვეტად, თუკი განახორციელებს ამავე მომსახურებას იგივე კომპანიაში თბილისიდან, ამ შემთხვევაში:
1) ესტონეთთან თუ გვაქვს ორმაგი დაბეგვრის თავიდან აცილების საერთაშორისო ხელშეკრულება?
2) რა საგადასახადო ვალდებულებები წარმოექმნება ამ ფიზიკურ პირს?
3) მომსახურების გაწევის ადგილად რა ჩაითვლება?
დამფუძნებელმა ფიზიკურმა პირმა შპს-ში შეიტანა 10000 ლარი. მხოლოდ 10000 ლარის გატანას შეძლებს დაუბეგრავად, თუ დარიცხულ პროცენტსაც? საბაზრო პროცენტი, ეროვნული ბანკის მიერ დადგენილი, თუ 10%-ია, ამ 1000 ლარსაც გაიტანს დაუბეგრავად?
თანამშრომლისათვის სატრანსპორტო მომსახურების გაწევა არ იბეგრება საშემოსავლოთი, თუ საზოგადოებრივი ტრანსპორტით სამუშაომდე მისვლა შეუძლებელია, ან დიდ დროსთანაა დაკავშირებული. ამავე პრინციპით, თუ სამუშაო ადგილს ისეთი მდებარეობა აქვს, რომ დაქირავებული ვერ შეძლებს გამოკვებას და ამიტომ დამქირავებელი უზრუნველყოფს მის კვებას, შეგვიძლია არ დავბეგროთ საშემოსავლო გადასახადით?
წარმოვადგენთ ჰესს (რეზიდენტი შპს), რომელიც მდებარეობს აჭარაში. ანაზღაურებებს გავცემთ როგორც შტატიან თანამშრომლებზე, ასევე ერთჯერადად დაქირავებულ პირებზე და უმეტეს შემთხვევებში ამ ადამიანებს აქვთ მაღალმთიან დასახლებაში მუდმივად მცხოვრები პირის სტატუსი. სსკ-ის 82-ე მუხლის მე-2 ნაწილის თანახმად:
„2. საშემოსავლო გადასახადით არ იბეგრება: ...
გ) მაღალმთიან დასახლებაში მუდმივად მცხოვრები პირის სტატუსის მქონე პირის მიერ მაღალმთიან დასახლებაში საქმიანობით კალენდარული წლის განმავლობაში მიღებული 6000 ლარამდე დასაბეგრი შემოსავალი, გარდა საბიუჯეტო ორგანიზაციიდან და სახელმწიფოს მიერ ან ადგილობრივი თვითმმართველობის ორგანოს მიერ დაფუძნებული სამედიცინო დაწესებულებიდან ხელფასის სახით მიღებული შემოსავლისა“.
აქ აღნიშნული „საქმიანობით მიღებული შემოსავალი“ ნიშნავს თუ არა ხელფასის სახით, ან ერთჯერადად დაქირავებით მიღებულ შემოსავლებს?
1) საგადასახადო კოდექსში შესული ცვლილების მიხედვით, დაქირავებულის 1000-ლარიანი ხელფასის შემთხვევაში (გთხოვთ განვიხილოთ ორივე შემთხვევა – დაგროვებითი საპენსიო სქემის მონაწილეებისათვის და არამონაწილეებისათვის), როგორ უნდა მოხდეს დამქირავებლის მიერ ბუღალტრული გატარებების ასახვა დამქირავებლის 150-ლარიანი შეღავათის?
2) ასევე გვაინტერესებს, უფლება აქვს თუ არა დაქირავებულს აღნიშნული შეღავათი გადაუხადოს დაქირავებულს?
