ავანსი გადავურიცხეთ ჩინეთში, შენჟენის ეკონომიკურ ზონაში რეგისტრირებულ კომპანიას (გამოგვიგზავნეს შენჟენის ეკონომიკურ ზონაში ბიზნეს-საქმიანობის რეგისტრაციის მოწმობა). გადარიცხვა შესრულდა ჰონგ კონგის ერთ-ერთ ბანკში, ინვოისში მითითებულ მათ საბანკო ანგარიშზე. შენჟენი არის განსაკუთრებული ეკონომიკური ზონა (კონკრეტულად რა საგადასახადო შეღავათები მოქმედებს იქ, ჩვენთვის უცნობია). სსკ 982 მუხლის მე-5 და მე-6 ნაწილების მიხედვით, ეს კომპანია, ვისაც ავანსი გადავურიცხეთ, ხომ არ ჩაითვლება შეღავათიანი დაბეგვრის მქონე ქვეყნის რეზიდენტ პირად? საქართველოს მთავრობის №615 დადგენილებაში შენჟენი ნახსენები არ არის (ჰონგ კონგი არის ნახსენები).
ყურძნის შედეგად მიღებული ჭაჭიდან ხან ვხდით ჭაჭის სპირტს და ხან არა. თუ არ ვხდით, ვადგენთ შიდა აქტს, რომ ჭაჭა გადაიყარა. გაყიდვით, ჭაჭას არ ვყიდით და შესაბამისად მისი საბაზრო ფასი ჩვენთან 0 ლარია. გამოდის, გამოხდილი სპირტიც ამ საბაზრო ფასით უნდა ვაღიაროთ აღრიცხვაში? საწარმო მსს ფასს-ის მიხედვით მუშაობს.
ჩვენმა კომპანიამ (არ არის დღგ-ის გადამხდელი), გერმანიის რეზიდენტი ფიზიკური პირი რომ აიყვანოს თანამშრომლად (შრომითი დაქირავებით) და ხელფასი გერმანიაში გადაურიცხოს, ეს 20% საშემოსავლო გადასახადით უნდა დავბეგროთ, თუ შეგვეძლება ორმაგი დაბეგვრის თავიდან აცილების შეღავათით ვისარგებლოთ?
უნივერსიტეტმა, რომელიც მსს ფასს-ის მიხედვით მუშაობს, უნდა გაცვითოს თუ არა ძირითადი საშუალება – საბიბლიოთეკო ფონდები? თუ კი, რა არის წლიური ცვეთის გონივრული პროცენტი?
შეიძლება, რომ ღვინის ქარხანამ (შპს, მსს ფასს-ით მუშაობს) თანამშრომელს წინასწარ, 9 თვით ადრე მისცეს ყურძნის ღირებულება ავანსად? მოწეულ ყურძენს ის ჩვენთან ჩააბარებს. სესხად ხომ არ გადაკვალიფიცირდება? თუ ავანსად დარჩება, მოგების გადასახადით ხომ არ დაიბეგრება და როცა ყურძნის შესყიდვა მოხდება, დავიბრუნებთ ამ მოგების გადასახადს?
აქციზური საქონლის (ალკოჰოლური სასმელი) მწარმოებელ კომპანიას აქვს ექსპორტზე შეკვეთა. ამჟამად სასმელის რა ნაშთიც აქვს საწყობში, ყველაზე გადაკრულია საქართველოში აღებული აქციზური მარკა. შეიძლება ასეთნაირად მარკირებული სასმელების ექსპორტი?
