თანამშრომლებისათვის ვალუტაში გაცემულ სამივლინებო ავანსებს ჩამოწერისთვის ისევე მივუდგეთ, როგორც ზოგადად ავანსების ჩამოწერას ვუდგებით? გაცემის დღის სავალუტო კურსით? მსს ფასს-ის მიხედვით ვმუშაობთ.
შეიძლება თუ არა, რომ შპს-ში არარეზიდენტი დამფუძნებელი ფიზიკური პირის სესხიდან წარმოშობილი საპროცენტო დავალიანება ამ დამფუძნებლის მიერ (წილის 100%-ის მფლობელია) შეტანილ იქნას ამ შპს-ის საწესდებო კაპიტალში?
1) ჩვენი ორგანიზაცია რეგულარულად (ყოველთვიურად) ურიცხავს დახმარებას ნიჭიერ ახალგაზრდა სპორტსმენს, რასაც ვბეგრავთ საშემოსავლო გადასახადით. ეს დახმარება სავალდებულო საპენსიო დაზღვევის შენატანითაც უნდა დავბეგროთ? ამ სპორტსმენთან არანაირი ურთიერთდამოკიდებულება არ გვაქვს.
2) თუ უნდა დავბეგროთ და არ დავბეგრავთ, რა საჯარიმო სანქცია გვემუქრება საპენსიო სააგენტოს მხრიდან?
2021 წელს დაბეგვრის „ესტონურ“ მოდელზე მყოფმა სამშენებლო კომპანიამ ისესხა თანხა ურთიერთდამოკიდებული, გადამხდელად არარეგისტრირებული ფიზიკური პირისგან. სესხის ხელშეკრულების პირობით მომდევნო სამი წლის განმავლობაში სესხი დაბრუნდება სრულად (პროცენტებთან ერთად) ან დაბრუნდება შერეული სახით – ნაწილი დაბრუნდება თანხით, ნაწილი კი აშენებული უძრავი ქონების საკუთრებაში გადაცემით. ეს ხდომილება დამოკიდებულია მომავალში მსესხებელი კომპანიის ფინანსურ შესაძლებლობებზე. კონტრაქტში ასევე დაფიქსირებულია, რომ თუკი სესხის ნაწილი დაბრუნდება ქონების გადაცემით, მაშინ ქონების ფასი იქნება 120$ და ეს ფასი 2021 წელს (გარიგების დადებისას) არის ამ ქონების საბაზრო ფასი, თუმცა 2024 წელს ამგვარი ქონების საბაზრო ფასი უკვე გაზრდილია და შეადგენს 200$-ს.
2024 წელს სესხის ნაწილი დაბრუნდა თანხობრივად, ნაწილი კი – ქონების საკუთრებაში გადაცემით. ამ ვითარებაში:
1) რამდენად მაღალია რისკი ქონების გადაცემით დაბრუნებული სესხის ნაწილი თავიდანვე (2021 წელში) ჩაითვალოს მიღებულ ავანსად და დაიბეგროს დღგ-ით? და რა თანხიდან, 120$-დან?
2) თუკი დავასაბუთებთ, რომ 2021 წელს ეს არ ყოფილა ავანსი, რადგან არ იყო ცალსახად დათქმული პირობა (დავუშვათ, რომ ეს რამენაირად ავხსენით), მაშინ 2024 წელს, როცა ბინა გადაფორმდა, რა თანხიდან უნდა დაიბეგროს ეს ოპერაცია დღგ-ით? 120$-იდან თუ 200$-დან? ან შეიძლება 120$-ში უნდა გაიქვითოს, მაგრამ 200$-დან უნდა დაიბეგროს (ვინაიდან ურთიერთდამოკიდებულ პირებს შორის გარიგებაა)?
უცხოურ (აზერბაიჯანულ) კომპანიას აქვს ჩვენდამი დავალიანება (5000 აშშ დოლარი). შეუძლია თუ არა მის წარმომადგენელს, რომელიც მოცემულ მომენტში იმყოფება საქართველოში, ნაღდი ფული შემოიტანოს ჩვენი კომპანიის სალაროში (შესაბამისი კურსით ლარებში) აღნიშნული დავალიანების დასაფარად? არსებობს თუ არა რაიმე წინაპირობა აღნიშნულის განხორციელებისთვის, მაგალითად გვჭირდება თუ არა აღნიშნული პირის რაიმე დამადასტურებელი საბუთი? მისი ამ კომპანიასთან კავშირის დადასტურება? კომპანიის წერილი, რომ მისი წარმომადგენელი დაფარავს დავალიანებას?
თუკი დებიტორის წარმომადგენელს თანხა აქვს აშშ დოლარში, შეუძლია თუ არა მას აღნიშნული თანხა შეიტანოს ჩვენი კომპანიის ანგარიშზე ბანკის საშუალებით, სადაც დანიშნულებაში მიუთითებს, რომელი კომპანიის დავალიანებას ფარავს? რადგან ბანკში თანხის შეტანა განხორციელდება ფიზიკური პირის მხრიდან, აუცილებელია თუ არა, რომ აღნიშნული პირი დებიტორი კომპანიის წარმომადგენელი (თანამშრომელი) იყოს?
ასევე გვაინტერესებს, ასეთ შემთხვევაში, ვალდებულია თუ არა აღნიშნულმა პირმა წარმოადგინოს თანხის საზღვარზე გადმოტანის დეკლარაცია, თუ თანხის წარმომავლობა არ უნდა წარმოადგენდეს ჩვენი კომპანიის და ბუღალტერიის საზრუნავს?
ტაშკენტში ჩატარებულ უძრავი ქონების გამოფენაში მონაწილეობისათვის შპს-ის მიერ გადახდილი საფასური რითი იბეგრება, თუკი აღნიშნულ გამოფენაში მონაწილეობა მიიღო ამ შპს-ის წარმომადგენელმა? აღნიშნული შპს საქართველოს ტერიტორიაზე აშენებს გასაყიდ უძრავ ქონებას.
