ერთ-ერთ რესტორანში თანამშრომლებისთვის გაიმართა კორპორაციული ღონისძიება, რაზეც მიმწოდებელმა გამოაგზავნა დღგ-ის ანგარიშ-ფაქტურა. კომპანიამ ეს დღგ არ ჩაითვალა, გაწეული ხარჯი კი დაბეგრა მხოლოდ საშემოსავლო გადასახადით (როგორც ხელფასთან გათანაბრებული განაცემი), თუმცა არ დაბეგრა დღგ-ით, ვინაიდან ჩათვლა არ მიუღია.
როგორია თქვენი პოზიცია ამ შემთხვევაში? როგორ გესმით სსკ 1601 მუხლის მოთხოვნები?
თანამშრომლებზე უსასყიდლოდ მომსახურების მიწოდებისას დღგ-ით დაბეგვრისთვის ვაკვირდებით დღგ-ის ჩათვლის ფაქტს თუ არა? კომპანიამ უნდა ჩაითვალოს და დაბეგროს? თუ, რადგან ჩათვლილი არაა, პრობლემა არ დგას?
შპს-მ ბალანსზე არსებული დენის გამანაწილებელი ტრანსფორმატორი (მცირე ნარჩენი ღირებულებით) უსასყიდლოდ გადასცა „თელასს“. მიღებული ზარალი იბეგრება თუ არა მოგების გადასახადით?
ვყიდულობთ გემით მოწოდებულ ხორბალს ინვოისის და ხელშეკრულების საფუძველზე. გვარიცხინებენ ავანსის თანხას არაბთა გაერთიანებულ საემიროებში. მე ვფიქრობ, რომ გადახდილი ავანსი მოგების გადასახადით უნდა დაიბეგროს, რადგან თანხა ოფშორში ირიცხება. თუმცა, საბაჟო საწყობი გვაქვს ფოთში და იქ მოვაქცევთ საბაჟო კონტროლის ქვეშ, ეს საკუთრებაში მიღებად მაინც არ ჩაითვლება? და დაბეგვრას ვერ ავცდებით?
შპს ახორციელებს როგორც საქართველოში მოყვანილი, ასევე უცხოეთიდან შემოტანილი იმპორტირებული მარცვლეულის (სიმინდი, ხორბალი, ქერი და სხვა) შეძენასა და რეალიზაციას. უცხოეთიდან შემოტანილ მარცვლეულზე მომწოდებელი გვიწერს ზედნადებს და საგადასახადო ანგარიშ-ფაქტურას, ჩვენი შპს ბეგრავს მიწოდების ოპერაციას დღგ-თი და შესაბამისად ახორციელებს დღგ-ის ჩათვლას ა/ფ-ის საფუძველზე.
რაც შეეხება საქართველოში მოყვანილ მარცვლეულს, მათი შეძენა ძირითადად ხდება არამეწარმე ფიზიკური პირებისაგან. ოპერაციაზე ჩვენ მიერ შედგენილია ხელშეკრულება, მიღება-ჩაბარების აქტი, გამყიდველის მიერ თანხის მიღებაზე სალაროს გასავლის ორდერი და გადაზიდვაზე, მიუხედავად იმისა, რომ საგადასახადო კოდექსის 286-ე მუხლის მე-6 ნაწილის „ა“ პუნქტის შესაბამისად არ არის სავალდებულო, მაინც გამოიწერება შიდა გადაზიდვის ზედნადები ოპერაციისათვის მეტი დამაჯერებლობის მისაცემად. საქართველოში წარმოებული მარცვლეულის მიწოდებას (მიწოდების ოპერაციები, გარდა ცალკეული შემთხვევებისა, ძირითადად საცალოა და გამოწერილია მხოლოდ სალარო აპარატის ჩეკები) საგადასახადო კოდექსის 172-ე მუხლის მე-4 ნაწილის „უ“ პუნქტის შესაბამისად არ ვბეგრავთ დღგ-ით, ხოლო ოპერაციასთან დაკავშირებით გაწეულ ხარჯებზე (საწვავი ტრანსპორტირებისას და სხვა) გადახდილ დღგ-ს ვითვლით სრულად მიღებული ა/ფ-ის საფუძველზე.
გვაქვს გარკვეული საფრთხის შეგრძნება იმასთან დაკავშირებით, რომ არ მოგვეპოვება შეძენილი მარცვლეულის წარმოშობის ადგილის განმსაზღვრელი არანაირი დამადასტურებელი დოკუმენტაცია, გარდა ზემოთ აღნიშნულისა. გთხოვთ გააანალიზოთ ჩვენ მიერ განხორციელებული ოპერაციები, შეგვიფასოთ რამდენად სწორია ჩვენი ქმედებები, არის თუ არა რამე საგადასახადო რისკები და შესაბამის შემთხვევაში მოგვცეთ შესაბამისი მითითებები.
დამატებით აღვნიშნავთ, რომ შპს ახორციელებს სრულფასოვან საბუღალტრო აღრიცხვას და ნებისმიერი თარიღისათვის არის შესაძლებელი მარცვლეულის შეძენის, მიწოდების და არსებული ნაშთების შესახებ ინფორმაციის მიღება.
ჩვენი ორგანიზაცია (სააქციო საზოგადოება) არსებობს 1996 წლიდან. ქონების გადაფასება (შენობის) განხორციელდა 1997 წელს. ამ მონაცემების საფუძველზე ვიხდიდი ქონების გადასახადს 3-ჯერადი ზრდის კოეფიციენტით.
2024 წ. მაისის თვეში მოხდა შენობის შეფასება სამხარაულის ექსპერტიზის ბიუროს მიერ. ქონების ღირებულება გაიზარდა მნიშვნელოვნად, შესაბამისად ქონების გადასახადიც და ამორტიზაციის ხარჯიც გაიზარდა. მაინტერესებს, სავალდებულოა თუ არა ეს გაზრდილი მონაცემები აისახოს დაუყოვნებლივ ბუღალტრულად, ან შეიძლება თუ არა ეს გატარებები შევასრულოთ შემდეგი წლისთვის?
