2020 წლის დეკემბრიდან მომსახურებას ვუწევთ ერთ კომპანიას, რასაც დღგ-ით ვბეგრავთ ჩვეულებრივად, მაგრამ კითხვის ნიშნები გაჩნდა, რადგან ეს კომპანია რუსეთში რეგისტრირებული არარეზიდენტი იურიდიული პირია.
აღნიშნულ კომპანიას ვუწევთ დიზაინერულ მომსახურებას და ვუკეთებთ ღვინის შეფუთვის დიზაინებს ისეთი ბრენდებისთვის, რომლებსაც ჰქვიათ ქართული სახელები და ეს სახელები „საქპატენტში“ დარეგისტრირებულია საქართველოს იურიდიული პირის მიერ. აღვნიშნავთ ასევე, რომ შეფუთვის დიზაინზე რამდენიმე ქართული სიტყვაა გამოყენებული იმის მისანიშნებლად, რომ ეს ღვინის ბრენდები ქართულია.
როგორც ამ კომპანიიდან გვეუბნებიან, ამ რუსულ იურიდიულ პირს საქართველოში მუდმივი დაწესებულება არ აქვს და ქართველ მწარმოებელთანაც იურიდიული კავშირი არ არსებობს, თუმცა ჩვენ ჩავთვალეთ, რომ შესრულებული სამუშაო საქართველოს უკავშირდება და ამიტომ აქამდე გაწეული ყველა მომსახურება ამ კომპანიისათვის დავბეგრეთ დღგ-ით.
უნდა დაგვებეგრა თუ არა ამ არარეზიდენტი იურიდიული პირისთვის გაწეული ეს მომსახურება დღგ-ით?
შემოსავლების სამსახურის პორტალზე წარვადგინეთ მიმდინარე წლის პირველი და მეორე კვარტლების ბუნებრივი რესურსებით სარგებლობის მოსაკრებლის დეკლარაციები.
მომივიდა შეტყობინება სავარაუდო დარიცხვის შესახებ, თუ არ წარვადგენ 2021 წლის პირველი ნახევრის გაანგარიშებას. უკვე დამარიცხეს კიდევაც.
ვერ ვხვდებით, რა გავაკეთეთ არასწორად?
უიმედო დებიტორულ დავალიანებასთან დაკავშირებით გთხოვთ კონსულტაციას. 2017 წელს იანვრის თვეში საქონლის რეალიზაცია განხორციელდა იურიდიულ პირზე 1000 ლარი. რეალიზაციის და დღგ-ის შესაბამისი გატარებებია:
დ-ტი 1410 კ-ტი 6110 847.46 ლარი;
დ-ტი 1410 კ-ტი 3330 152.24 ლარი;
დ-ტი 3330 კ-ტი 1210 152.24 ლარი.
2017 წლის დეკემბრის თვეში:
დ-ტი 6110 კ-ტი 5330 847.46 ლარი.
1410-ზე დარჩა დებიტორული დავალიანება 2017-2020 წლებში. დღემდე არ გადაუხდიათ და არც აპირებენ გადახდას. ამ დებიტორულ დავალიანებას 1000 ლარს, თუ არ მაქვს სასამართლოს გადაწყვეტილება, ისე ვერ ჩამოვწერ? ფინანსურ ანგარიშგებაში როგორ ავსახო?
გთხოვთ დამიწეროთ 1415 ანგარიშზე დარეზერვებისა და 2021 წლის ბოლოს მოგება-ზარალის ანგარიშზე ასახვის ბუღალტრული გატარებები შესაბამისი თანხით.
1) საინვესტიციო ფონდი მოიზიდავს სახსრებს რეზიდენტი და არარეზიდენტი ფიზიკური და იურიდიული პირებისგან. ამ შემთხვევაში როგორ იბეგრებიან ფონდი და ეს პირები?
როგორც მოვიძიეთ, არის კანონი „საინვესტიციო ფონდების შესახებ“ საქართველოს კანონი და საგადასახადო კოდექსის მუხლი 231, რომელიც საინვესტიციო ფონდების დაბეგვრას არეგულირებს. ამასთან:
1. აღნიშნული მუხლის მე-9 ნაწილით საინვესტიციო ფონდის საქმიანობის ფარგლებში განაწილებული დივიდენდი არ დაიბეგრება გადახდის წყაროსთან, გარდა იმ შემთხვევისა თუ დივიდენდის მიმღები არარეზიდენტი ფიზიკური პირია.
ჩვენი მოკვლევით, 10%-ით დაიბეგრება აღნიშნული არარეზიდენტი ფიზიკური პირი, ხოლო თუ თავისუფალი ეკონომიკური ზონის ქვეყანაში იქნება დარეგისტრირებული, მაშინ 15%-ით.
რა ხდება იმ შემთხვევაში, თუ ის არის რეზიდენტი ფიზიკური პირი? თვითონ იხდის?
თუ ეს თანხები დივიდენდია ინვესტორებისთვის?
2. ამავე მუხლის მე-11 ნაწილით საინვესტიციო კომპანიის მიერ განაწილებული მოგება დაიბეგრება მოგების გადასახადით 15%-იანი განაკვეთით, ხოლო თუ ინვესტიცია განხორციელებულია საბანკო დეპოზიტებში, 5%-იანი განაკვეთით?
2) გარდა ამისა, ფონდს ეყოლება შვილობილი საწარმო, რომელიც ასევე მოიზიდავს სახსრებს რეზიდენტი და არარეზიდენტი ფიზიკური და იურიდიული პირებისგან კრაუდფანდინგის მეშვეობით (კრაუდფანდინგის კუთხით ამ ეტაპზე მარეგულირებელი ჩარჩო არ გვაქვს) და გადაურიცხავს ფონდს სამართავად.
3) აქვს თუ არა მნიშვნელობა, არარეზიდენტ პირებს საბანკო ანგარიში აქვთ გახსნილი საქართველოში და იქიდან რიცხავენ თანხებს ფონდში თუ არა, ორმაგი დაბეგვრის თავიდან აცილების მიზნით?
ჩვენს კომპანიას აქვს ლიზინგით შესყიდვის ხელშეკრულებები, რომელზეც საგადასახადო ანგარიშ-ფაქტურებს გვიწერდნენ ლიზინგის გრაფიკის მიხედვით. მაისის თვიდან ლიზინგის გამცემი ანგარიშ-ფაქტურებს გვიწერს გადახდის და არა დარიცხვის თვის მიხედვით, ანუ, თუ მაისში გადასახდელი თანხა გადავიხადეთ ივნისში, ფაქტურას გვიწერს ივნისში და საოპერაციო თვეს უთითებს ივნისს. ასევე ანგარიშ-ფაქტურაში მითითებულია, რომ ეს არის ივნისში გადახდილი მაისის თვის გადასახადი. სწორია თუ არა ანგარიშ-ფაქტურის ამ პრინციპით გამოწერა?
