ძებნის შედეგად ნაპოვნია 1028 შედეგი
გთხოვთ დაგვიზუსტოთ შემდეგი ოპერაციების დაბეგვრის რეჟიმები:
1) ა) ხდება ნასყიდობა საფასურის გადახდის განწილვადებით, გრაფიკის თანახმად. აუცილებელია თუ არა ნასყიდობის ხელშეკრულების გაფორმებისთანავე, ვიდრე საფასური სრულად არ არის დაფარული, ავტომანქანის გადაფორმება მყიდველზე? თუ შეიძლება გამყიდველის სახელზე დარჩეს სრულად გადახდამდე?
ბ) განწილვადებით საფასურის გადახდის დროს შეძლება თუ არა ფასის დოლარი/ლარის დაფიქსირება? როგორ იბეგრება აღნიშნული ოპერაცია?
გ) ავტოლიზინგის გაფორმებაზე კვლავ ძალაშია თუ არა 200 000-ლარიანი შეზღუდვა?
2) როგორ იბეგრება ავტოლიზინგი? და რაც მთავარია, გთხოვთ განგვიმარტოთ:
თუკი ხელშეკრულებას არ დავარქმევთ ლიზინგს, მაგრამ გადახდა მოხდება განწილვადებით და ისე რომ გამოსყიდვამდე რჩება გამყიდველის სახელზე, მაკონტროლებელი ორგანოები მაინც ლიზინგად შერაცხავენ და დარღვევად ჩაგვითვლიან?
შპს-ს მისი დამფუძნებელი რეზიდენტი ფიზიკური პირისაგან იჯარით აღებული აქვს მიწა საბაზროსთან შედარებით დაბალ ფასად. ხომ არ ქმნის ეს რამე საგადასახადო პრობლემას?
გთხოვთ მოგვწეროთ, როდესაც ფიზიკური პირისგან კომპანია იღებს სესხს, სესხის %-ის განაკვეთისთვის ვხელმძღვანელობთ ეროვნული ბანკის რეგულაციებით? კერძოდ, რადგან მიმღები და გამცემი პირის სტატუსი სხვადასხვაა, ვხელმძღვანელობთ მიმღები პირის სტატუსის მიხედვით, ხომ?
შპს-ს, რომელიც იბეგრება ახალი მოგების გადასახადით ე.წ. „ესტონური მოდელის“ მიხედვით, 2020 წელს საქონლის მიწოდებიდან მიღებული აქვს 100 000 ლარი, ხოლო ხარჯი შეადგენს 50 000 ლარს. 2021 წელს ამავე საწარმომ გასცა შემოწირულობა 10 000 ლარი საქველმოქმედო ორგანიზაციაზე. რა ითვლება წინა წლის წმინდა მოგების 10%-ად? 50 000 ლარი, რომელიც არ გამინაწილებია, თუ 50 000 ლარს გამოკლებული მოგების გადასახადი და გამოკლებული დივიდენდი? თუ მხოლოდ მოგების გადასახადს 15%-ს გამოვაკლებთ, ხოლო რაც დარჩება, ის ჩაითვლება წმინდა მოგებად და მისი 10% შეგვიძლია დაუბეგრავად მომდევნო წელს გავცეთ საქველმოქმედო ორგანიზაციაზე?
(ამასთან დაკავშირებით თქვენ მიერ გაიცა პასუხი ჟურნალის 2021 წ. №4(256)-ში, გვ. 40. თუ შეიძლება უფრო ვრცლად რომ აგვიხსნათ, რადგან არის აზრთა სხვაობა სსკ მე-8 მუხლის „ტერმინთა განმარტება“ 43-ე ნაწილთან დაკავშირებით: „წმინდა მოგება – მოგება, რომელიც შესაძლებელია განაწილდეს დივიდენდის სახით, საქართველოს კანონმდებლობით დადგენილი წესით“. თვლიან რომ მოგების გადასახადის გარეშე უნდა იქნას დათვლილი წმინდა მოგება).
2021/07
მოგების გადასახადი
აღრიცხვა-ანგარიშგების
წესები
და
სტანდარტები
დივიდენდები
პასუხის ნახვა
სსკ 101-ე მუხლის „ხელფასის სახით მიღებული შემოსავლები“ 21 პუნქტის მიხედვით, დაქირავებულის მიერ დამქირავებლის ავტომობილის პირადი სარგებლობისათვის გამოყენებით მიღებული სარგებელი ხელფასად მიიჩნევა და იბეგრება საშემოსავლო გადასახადით.
გვაინტერესებს, თუ პირობითად თანამშრომლის ხელფასი შეადგენს (სარგო) 2500 ლარს (საპენსიოს გარეშე), და თუ ამ თანამშრომელმა პირადი სარგებლობისთვის გამოიყენა კომპანიის ავტომობილი (ძრავის მოცულობა 2500 სმ3-ზე ნაკლები), ხოლო თანამშრომელს ხელზე მივეცით ხელფასი 2000 ლარი, დეკლარაციაში მივუთითეთ 2500 ლარი და სარგებელი (დეკლარაციის „დ“ დანართში) 100 ლარი, რომელიც არ შედის მის ხელფასში, ვალდებულია თუ არა კომპანია ავტომობილის სარგებლობაზე დარიცხული საშემოსავლოს ოდენობა 100 ლარი, რადგან მისი ხელფასიდან ის არ კავდება, ასევე დამატებით ჩათვალოს სარგებლად და დაიბეგროს (100/0.80) ანუ 2500+125 ლარი მთლიანობაში (საპენსიოს არ ვგულისხმობთ)?
2021/07
საშემოსავლო გადასახადი
შრომითი
ძირითადი
საშუალებები
პასუხის ნახვა
2021 წლამდე მოქმედი საგადასახადო კოდექსით:
„მუხლი 161. დასაბეგრი ოპერაცია, ოპერაციის თანხა და დრო
1. დღგ-ით დასაბეგრი ოპერაციებია:...
ვ) ამ კოდექსის 115-ე მუხლის მე-4 ნაწილით გათვალისწინებულ შემთხვევაში იჯარის ხელშეკრულების ვადის გასვლისას ან ვადაზე ადრე შეწყვეტისას მოიჯარის (გარდა ამ კოდექსის 97-ე მუხლის პირველი-მე-3 ნაწილებით გათვალისწინებული პირებისა) მიერ ძირითადი საშუალებების მეიჯარისათვის დაბრუნება, რომლის დროსაც:
ვ.ა) დასაბეგრი ოპერაციების თანხა ტოლია აღნიშნულ ძირითად საშუალებებზე გაწეული რემონტის ხარჯების ჯგუფის ღირებულებითი ბალანსიდან გამოსაკლები თანხისა, რომლითაც აღნიშნული ჯგუფი ნულდება;
ვ.ბ) დასაბეგრი ოპერაციის განხორციელების დროდ ითვლება იჯარის ხელშეკრულების ვადის გასვლის ან ვადაზე ადრე შეწყვეტის მომენტი“.
2021 წლიდან მოქმედი საგადასახადო კოდექსით:
„მუხლი 159. დღგ-ით დასაბეგრი ოპერაციები
1. დღგ-ით დასაბეგრი ოპერაციებია:
ა) დასაბეგრი პირის მიერ საქართველოს ტერიტორიაზე ეკონომიკური საქმიანობის ფარგლებში ანაზღაურების სანაცვლოდ საქონლის მიწოდება;
ბ) დასაბეგრი პირის მიერ საქართველოს ტერიტორიაზე ეკონომიკური საქმიანობის ფარგლებში ანაზღაურების სანაცვლოდ მომსახურების გაწევა“;
„მუხლი 175. დღგ-ის ჩათვლის უფლება
1. თუ საქონელი/მომსახურება გამიზნულია ან გამოიყენება დღგ-ით დასაბეგრი ოპერაციის განხორციელებისთვის, დასაბეგრ პირს უფლება აქვს ჩაითვალოს:
ა) საქართველოს ტერიტორიაზე სხვა დასაბეგრი პირისგან ამ საქონლის/მომსახურების შეძენისთვის გადახდილი/გადასახდელი დღგ;
ბ) ამ კარის შესაბამისად საქონლის მიწოდებად ან მომსახურების გაწევად განხილულ ოპერაციებთან დაკავშირებით გადასახდელი დღგ“.
რადგან სხვისი ქონების კეთილმოწყობა მოიჯარესთან განიხილება ძირითად საშუალებად, იჯარის ხელშეკრულების ვადაზე ადრე შეწყვეტისას, მეიჯარისთვის ქონების დაბრუნება, რადგან ეს არ ითვლება მიწოდებად, ხომ არ ჩაითვლება როგორც არადასაბეგრი ოპერაცია, რაც გამოიწვევს მოიჯარის მიერ ჩათვლილი დღგ-ის (ქონების კეთილმოწყობაზე) აღდგენას წლების პროპორციულად?
