კომპანიას ჰქონდა 17 თვიანი ლიცენზია ქვიშა-ღორღის მოპოვებაზე, სულ გეგმურად 15020 მ3.
1. პერიოდი 09.09.2019–08.03.2020-ზე (ფაქტიური მოპოვება იყო 1440 მ3) – დადეკლარირდა გეგმურის მიხედვით – 5301 მ3;
2. პერიოდი 09.03.2020–08.09.2020-ზე (ფაქტიური მოპოვება იყო 4240 მ3) – დადეკლარირდა გეგმურის მიხედვით – 5301 მ3;
3. ბოლო (5 თვე) პერიოდი 09.09.2020–26.01.2021-ზე (ფაქტიური მოპოვება იყო 8980 მ3, აქედან ჩვენ მოვიპოვეთ 4880 მ3, ხოლო 4100-ზე სხვას მივეცით მოპოვების უფლება, თუმცა მოსაკრებელს ჩვენ ვიხდით) – ესეც რადგან ბოლო იყო, დადეკლარირდა გეგმურის მიხედვით 5301 მ3-ზე.
სულ ფაქტიურად მოპოვებულ იქნა 14660 მ3, გეგმური იყო 15020 მ3.
გვაინტერესებს, ბოლო, მე-3 დეკლარაცია რამდენად სწორად იქნა გაგზავნილი, ხომ არ უნდა გამეგზავნა 8980 მ3-ზე? არ შეეხო ახალი რეგულაციები?
ბუნებრივი რესურსების მოსაკრებლების შესახებ ძალაში შესულ ცვლილებასთან და ფინანსთა მინისტრის №20 ბრძანებასთან დაკავშირებით, გვაინტერესებს, წინა რეგულაციისგან განსხვავებით, რას გვთავაზობს აღნიშნული ცვლილება? კერძოდ, ახალი რეგულაციის მიხედვით, თუ ფაქტობრივი მოპოვება აღემატება გეგმურ მოპოვებას, ვადეკლარირებთ ფაქტობრივს, ხოლო თუ ფაქტობრივი მოპოვება ნაკლებია გეგმურ მოპოვებაზე, ვადეკლარირებთ გეგმურს?
იმ შემთხვევაში, თუ ლიცენზიით სარგებლობის საწყის პერიოდებში ფაქტობრივი მოპოვებების ჯამური მოცულობა აღემატება ათვისების გეგმით გათვალისწინებულ ყოველწლიურად ასათვისებელ მოცულობას და ამასთან ფაქტობრივად მოპოვებული მოცულობა არ აღემატება გეგმით გათვალისწინებულ ყოველწლიურად ასათვისებელ მოცულობას, დეკლარაციის მე-5 სვეტში აისახება ის მოცულობა, რომელიც არ ექვემდებარება მოსაკრებლის გადახდას. ანუ ჯამური ფაქტობრივი მოპოვების მოცულობა თუ არ არის გეგმურზე მეტი, შესაბამისად, გეგმურზე მეტი რაოდენობა არ ექვემდებარება მოსაკრებლის გადახდას მთლიანობაში.
გთხოვთ, განგვიმარტოთ, ცვლილებები რა სხვაობებს გულისხმობს, ანუ ბუნებრივი რესურსების მოსაკრებლის გადახდის და დადეკლარირების თვალსაზრისით რა შეიცვალა ამ ბრძანების გამოცემით?
სამშენებლო კომპანიას მშენებარე ფართზე, წინარე ნასყიდობის ხელშეკრულების საფუძველზე 2021 წლის თებერვლის თვეში, ავანსად ჩაერიცხა 20 000 ლარი, რომელიც დაიბეგრა როგორც ავანსი (სრული ღირებულება 100 000 ლარია). ნასყიდობის ხელშეკრულების გაფორმება და საჯარო რეესტრში დარეგისტრება მოხდება 2022 წლის დეკემბერში. მშენებლობა დასრულდება 2023 წლის თებერვალში. რიგი მიზეზების გამო კორპუსი ექსპლუატაციაში შევა (იგულისხმება მუნიციპალიტეტის მიერ მიღება) 2025 წლის მარტში.
დღგ-ის ახალი რეგულაციების მიხედვით, როდის მოხდება დარჩენილი თანხის (80 000 ლარის) დაბეგვრა:
1) 2022 წლის დეკემბერში, როცა დაიდება ნასყიდობის ხელშეკრულება; თუ
2) 2023 წლის თებერვალში, როცა დასრულდება მშენებლობა; თუ
3) 2025 წლის მარტში, როცა შევა ექსპლუატაციაში?
ჩვენს დაწესებულებაში გვყავს თანამშრომელი, რომელიც გაბრაზდა რაღაცაზე და მიდის სამსახურიდან, და ითხოვს 3 თვის ხელფასს. ის მუშაობდა 2020 წლის 1 აგვისტოდან 2021 წლის 15 იანვრამდე. გთხოვთ გვიპასუხოთ, ეკუთვნის თუ არა მას ჩვენგან რამე ანაზღაურება?
უცხოელი კლიენტისთვის ე.წ. ქეშბექის გადახდა რამდენად განიხილება მის მიერ ჩემთვის მომსახურების გაწევად და დაიბეგრება თუ არა უკუდაბეგვრის დღგ–თ? დღგ-ის ახალი წესების მიხედვით, როგორც მივხვდი, ნებისმიერი მომსახურების გაწევა (გარდა რამდენიმე გამონაკლისისა) არარეზიდენტის მხრიდან რეზიდენტისთვის საქართველოში გაწეულად ითვლება.
