2021 წლიდან როგორ რეგულირდება გადაუხდელი იჯარის საკითხი?
მაგალითად, თებერვლის თვეში კომპანიას გაქირავებული ჰქონდა ფართი, საიჯარო ქირა ჯერ არ გადაუხდიათ. უნდა მოხდეს თებერვლის პერიოდზე ანგარიშ-ფაქტურის გამოწერა? გასულ წელს, მთავრობის დადგენილების მიხედვით, 2020 წლის სექტემბრის ჩათვლით გადაუხდელ იჯარაზე არ ვწერდით ა/ფაქტურას მანამ, სანამ არ მოხდებოდა იჯარის თანხის გადახდა. 2021 წლიდან რა რეგულაციაა ამ საკითხთან დაკავშირებით?
1) გრანტის მიმღებ პირს გრანტის ხელშეკრულების თანხის ფარგლებში შეძენილ საქონელზე/მომსახურებაზე შეეძლო ჩაეთვალა ან დაებრუნებინა გადახდილი დღგ. ამ საკითხთან მიმართებაში ხომ არ არის რამე ცვლილება 2021 წლიდან?
2) გრანტით დაფინანსებული საქველმოქმედო დღგ-ის არაგადამხდელი ორგანიზაცია გრანტის ფარგლებში ახორციელებს რემონტს ძირითადი საქმიანობისათვის განკუთვნილ მიწაზე – გაზიფიცირებას ან შენობის რემონტს. ამ შემთხვევაში გვაქვს თუ არა დღგ-ის ჩათვლის უფლება?
სსკ მე-16 მუხლში არის ასეთი ჩანაწერი:
„საქონლის მიწოდებად ითვლება პირის მიერ სხვა პირისათვის საქონელზე საკუთრების უფლების გადაცემა სასყიდლით ან უსასყიდლოდ“.
დღგ-ის მიზნებისთვის სსკ მე-16 მუხლის ეს ჩანაწერი გამოიყენებოდა 2021 წლის 1 იანვრამდე. 2021 წლის 1 იანვრიდანაც ეგ ჩანაწერი ისევ არის სსკ მე-16 მუხლში, თუმცა დღგ-ის კარში გაჩნდა ახალი ჩანაწერი, სადაც მიწოდება დღგ-ის მიზნებისთვის ასეა განმარტებული:
„მუხლი 160. საქონლის მიწოდება
1. საქონლის მიწოდება არის მატერიალური ქონების განკარგვაზე მესაკუთრის უფლების გადაცემა“.
თქვენი აზრით, არის რამე განსხვავება ამ ორ ფრაზას შორის: „საკუთრების უფლების გადაცემა“ და „მესაკუთრის უფლების გადაცემა“? და თუ კი, მაშინ რა შემთხვევაში?
კომპანიას ჰქონდა 17 თვიანი ლიცენზია ქვიშა-ღორღის მოპოვებაზე, სულ გეგმურად 15020 მ3.
1. პერიოდი 09.09.2019–08.03.2020-ზე (ფაქტიური მოპოვება იყო 1440 მ3) – დადეკლარირდა გეგმურის მიხედვით – 5301 მ3;
2. პერიოდი 09.03.2020–08.09.2020-ზე (ფაქტიური მოპოვება იყო 4240 მ3) – დადეკლარირდა გეგმურის მიხედვით – 5301 მ3;
3. ბოლო (5 თვე) პერიოდი 09.09.2020–26.01.2021-ზე (ფაქტიური მოპოვება იყო 8980 მ3, აქედან ჩვენ მოვიპოვეთ 4880 მ3, ხოლო 4100-ზე სხვას მივეცით მოპოვების უფლება, თუმცა მოსაკრებელს ჩვენ ვიხდით) – ესეც რადგან ბოლო იყო, დადეკლარირდა გეგმურის მიხედვით 5301 მ3-ზე.
სულ ფაქტიურად მოპოვებულ იქნა 14660 მ3, გეგმური იყო 15020 მ3.
გვაინტერესებს, ბოლო, მე-3 დეკლარაცია რამდენად სწორად იქნა გაგზავნილი, ხომ არ უნდა გამეგზავნა 8980 მ3-ზე? არ შეეხო ახალი რეგულაციები?
