საწარმოს ერთ-ერთი დამფუძნებელი არის რუსეთის რეზიდენტი ფიზიკური პირი. მას უნდა დივიდენდის გატანა აშშ დოლარში (არა ლარში) შემდეგნაირად: საწარმოს საბანკო ანგარიშზე აქვს დებიტორებისგან ჩამორიცხული აშშ დოლარები და ამ აშშ დოლარებს საწარმო გადაურიცხავს ზემოაღნიშნული დამფუძნებლის მინდობილ საქართველოს რეზიდენტ ფიზიკურ პირს (გაკეთდება სამმხრივი შეთანხმება ამ გადარიცხვაზე).
ზოგადად, შესაძლებელია თუ არა დივიდენდების აშშ დოლარში გატანა? და თუ კი, მაშინ დივიდენდების გატანის ზემოთ აღნიშნული გზა (ანუ, საქართველოს რეზიდენტი მინდობილი პირის გავლით) რამდენად არის შესაძლებელი?
შპს X-მა შეიძინა შპს Y-ის 100-პროცენტიანი წილი და გადაიხადა თანხა 100000 ლარის ოდენობით. აღნიშნული თანხა გადაუხადა შპს Y-ის დამფუძნებელ ფიზიკურ პირს. მოვახდინეთ შემდეგი საბუღალტრო გატარება: დ-ტი 3110 კ-ტი 1210 100000 ლარი.
რა არის შპს X-ისთვის 100%-იანი წილი და როგორ უნდა დავსვათ ის ბალანსზე? გთხოვთ დამიწეროთ შესაბამისი საბუღალტრო გატარებები.
1) შპს X, რომელიც ეწევა სამეწარმეო საქმიანობას, გააჩნია ძირითადი საშუალებები: ავეჯი და სხვა ინვენტარი, სატრანსპორტო საშუალებები და ა.შ. საწარმოს სააღრიცხვო პოლიტიკით განსაზღვრულია აღრიცხვა თვითღირებულების მოდელით. 2019 წლის ბოლოს როგორ უნდა მოვიქცე, როდესაც ნარჩენი ღირებულება განულებული მაქვს, უნდა შევაფასებინო ექსპერტს და ისე დავსვა მისი ღირებულება? და როდესაც ეს ძირითადი საშუალება არის, მაგალითად, კარადა ან სამეთვალყურეო კამერა, ასეთ შემთხვევაშიც უნდა შევაფასებინო ექსპერტს?
2) შეფასებულ ძირითად საშუალებებს თუ ერიცხება ცვეთა?
ჩვენს კუთვნილ ბაზაზე მოიჯარე შპს-ისთვის იჯარით გვაქვს გადაცემული მიწის ნაკვეთი, რომელზეც განთავსებულია მისი კუთვნილი ქარხანა. ეს ქარხანა წარმოებისათვის იყენებს ჩვენს მრიცხველს. ელექტროენერგიის ხარჯვაზე ანგარიშ-ფაქტურაც „ენერგო-პრო ჯორჯიას“ მიერ იწერება ჩვენს სახელზე.
როგორც მოიჯარე გვეუბნება, მას სჭირდება ელექტროენერგიის მიყიდვა დაფიქსირებული იყოს მასზე, რათა მოახდინოს გამოშვებული პროდუქციის თვითღირებულებაში ჩართვა.
შეგვიძლია თუ არა, „ენერგო პრო ჯორჯიას“ მიერ გამოწერილი ანგარიშ-ფაქტურის თანხაზე შევადგინოთ მიღება-ჩაბარების აქტი ჩვენსა და მოჯარეს შორის, რომელშიც მივუთითებთ, რომ აღნიშნულ ფაქტურაში მითითებული ელექტროენერგია მოხმარებულია მოიჯარის ქარხნის მიერ მისი საკუთარი პროდუქციის წარმოებისათვის?
ამ საკითხთან დაკავშირებით რა პრობლემები შეიძლება წარმოგვეშვას (ანგარიშ-ფაქტურის გამოწერისა და დღგ-ით დაბეგვრის კუთხით), ან სხვანაირად როგორ შეგვიძლია მოვიქცეთ?
სსკ 174-ე მუხლის მიხედვით „დღგ-ის ჩასათვლელი თანხა“:
„3. დღგ-ის ჩათვლა არ ხორციელდება: ...
ე.ბ) ელექტრონული საგადასახადო ანგარიშ-ფაქტურებით, დასაბეგრი ოპერაციის საანგარიშო პერიოდის დამთავრებიდან არაუგვიანეს დასაბეგრი ოპერაციის კალენდარული წლის დეკემბრის საანგარიშო პერიოდის მიხედვით წარმოდგენილ დღგ-ის დეკლარაციაში ან არაუგვიანეს 3 კალენდარული წლის განმავლობაში, ამავე პერიოდის დაზუსტებულ დეკლარაციაში“.
ანუ, 2019 წლის ოპერაციაზე რა ანგარიშ-ფაქტურაც მომივა დაგვიანებით, ოპერაციის პერიოდის მიხედვით დავაზუსტებ შესაბამის დღგ-ის დეკლარაციას და ჩავითვლი. სწორად გავიგე?
სსკ 168-ე მუხლის მიხედვით, დღგ-ისგან ჩათვლის უფლებით გათავისუფლებულია: ექსპორტში, რეექსპორტში, გარე გადამუშავებაში ან ტრანზიტში მოქცეული ან ტრანზიტისთვის განკუთვნილი (რაც დასტურდება საქონლის თანმხლები დოკუმენტებით) საქონლის გადაზიდვა და ამ გადაზიდვასთან უშუალოდ დაკავშირებული მომსახურების გაწევა. ამასთანავე, ასეთ გადაზიდვასთან უშუალოდ დაკავშირებულ მომსახურებას განეკუთვნება გადაზიდვისას ტვირთის ან/და სატრანსპორტო და გადაზიდვის საშუალების გაგზავნასთან/მიღებასთან დაკავშირებული მომსახურება, აგრეთვე აეროპორტის, ნავსადგურის, სარკინიგზო ან საავტომობილო სადგურის/ვაგზლის მიერ გაწეული მომსახურება.
მუხლი 1621. მომსახურების გაწევის ადგილი:
„10. არადასაბეგრი პირისთვის საქონლის ტრანსპორტირების მომსახურების გაწევის ადგილად განიხილება ადგილი, სადაც ხორციელდება ტრანსპორტირება, გავლილი მანძილის პროპორციულად“.
თიზისთვის შეძენილი საქონლის სატრანსპორტო მომსახურება თავისუფლდება დღგ-ისგან? ასევე, პორტში საქონლის მიწოდება?
საქონლის თანმხლებ დოკუმენტებში რა დოკუმენტი მოიაზრება – CMR? თუ სასაქონლო ზედნადები? თუ საჭიროა სხვა დოკუმენტი?
