თუ გადაფასების შემდეგ ცვეთა ისე გაიზარდა, რომ ამ არაფულადი ხარჯით განპირობებულია ზარალი, არ ვაღიარებთ გასაცემი დივიდენდის არსებობას? არ წარვადგენთ ყოველთვიური მოგების გადასახადის დეკლარაციას? თუკი დამფუძნებლებს სურთ რეალურად არსებული დივიდენდის განაწილება? და პირიქით, გადაფასების ნამეტით თუკი იზრდება გასანაწილებელი დივიდენდი?
კომპანიის დამფუძნებლებს (ერთი ფიზიკური პირია, ხოლო მეორე – იურიდიული) შემოაქვთ სესხები თანხის საჭიროებიდან გამომდინარე. ხელშეკრულებები თითოეულ გამსესხებელზე ცალ-ცალკე თანხებზე უნდა გაკეთდეს? უპროცენტო სესხის გაცემა ხომ შეიძლება?
ელექტრონულ სასაქონლო ზედნადებში ტრანსპორტირების თანხის შევსება სავალდებულოა თუ არა, როცა ავტომობილი კომპანიის არც საკუთრებაშია და არც იჯარით აქვს აღებული? ამ უჯრის შეუვსებლობა რამე სახის სანქციას თუ ექვემდებარება?
რეორგანიზაციის შემთხვევაში, სსკ 152-12 მუხლის დებულებები არ გამოიყენება, თუ ოპერაციის მონაწილე რომელიმე მხარე მოგების გადასახადით იბეგრება ამ კოდექსის 97-ე მუხლის პირველი და მე-3 ნაწილებით გათვალისწინებული დაბეგვრის ობიექტების მიხედვით. ხომ არ ნიშნავს ეს, რომ რეორგანიზაციის პერიოდში მიწოდებული აქტივი შპს-ის მიერ მეორე შპს-ის მიმართ დასაბეგრია მოგების გადასახადით? მაგალითად, შპს „ა“-ს რეორგანიზაციისას 2017 წელს გამოეყო შპს „ბ“, რომელმაც მიიღო 15000 ლარის აქტივი. დასაბეგრია თუ არა მოგების გადასახადით შპს „ა“-ს მიერ აღნიშნული ოპერაცია სსკ 152-12 მუხლის გათვალისწინებით?
