კომპანიამ, რომელიც აშენებს და ყიდის საცხოვრებელ ფართებს, ძირითად საშუალებად დაიტოვა ერთი საოფისე და სამი საცხოვრებელი ფართი. კომპანიას ჰყავს არარეზიდენტი დამფუძნებლები, რომლებიც ხშირად ჩამოდიან საქართველოში და ეს საცხოვრებელი ფართები განკუთვნილია მათ მოსასვენებლად.
საკუთარი წარმოების შენობა-ნაგებობის ძირითად საშუალებად გამოყენების შემთხვევაში ამ ოპერაციაზე დარიცხული და დღგ-ის დეკლარაციაში ასახული დღგ-ის თანხა, იმავდროულად დღგ-ის ჩათვლის მიღების საფუძველია. ეს ეხება საოფისე ფართს, მაგრამ როგორ უნდა მოვიქცეთ საცხოვრებელი ფართის შემთხვევაში, გვაქვს თუ არა უფლება დარიცხული დღგ იმავდროულად ჩავითვალოთ?
და მეორე, ალბათ ეს უნდა განვიხილოთ დამფუძნებლებისთვის, ინვესტორებისთვის (არარეზიდენტისათვის) გაწეულ მომსახურებად და დავბეგროთ საშემოსავლოთი და უკუდაბეგვრის დღგ-ით?
წარმოვადგენთ მე-4 კატეგორიის საწარმოს, შპს-ს. საწარმოში დაიწერა პროგრამა, დირექტორს აუნაზღაურდა 1000 ლარი. ამ პროგრამით ჩვენი შპს მოემსახურება იურიდიულ და ფიზიკურ პირებს. ამ პროგრამას არ განვიხილავთ არამატერიალურ აქტივად, მაგრამ ბალანსში რომ მიიღოს მონაწილეობა და აქტივად მქონდეს აღიარებული, ქვემოთ მოცემული ბუღალტრული გატარება რამდენად სწორია? ასევე გვაინტერესებს, ამორტიზაციაც უნდა დაერიცხოს?
დ-ტი 1690 კ-ტი 3110 800 ლარი.
ყოველი გაყიდვის დროს თვითღირებულება როგორ გამოვთვალო? მაგალითად, გაიყიდა პროგრამა 1400 ლარად:
დ-ტი 1410 კ-ტი 6110 1186.44;
დ-ტი 1410 კ-ტი 3330 213.56.
ეს გატარება გასაგებია, მაგრამ დამატებით თვითღირებულების გამოკლება უნდა მიეთითოს თუ არა? გთხოვთ, მიგვითითოთ სწორი ბუღალტრული გატარებები.
შპს „X“-მა 22.08.2018-ში გააფორმა უძრავი ქონების იჯარის ხელშეკრულება ფიზიკურ პირთან, სადაც წერია: მეიჯარე (შპს „X“) გადასცემს, ხოლო მოიჯარე (ფიზიკური პირი) დროებით მართვაში იღებს მეიჯარის საკუთრებაში არსებულ სასტუმრო „X“-ის 8 კოტეჯს (საიჯარო ობიექტი). იჯარის ობიექტი მოიჯარეს გადაეცემა 01.09.2018-დან 07.10.2018-მდე. დღიური გადასახადი განისაზღვრა 1680 ლარით. ამის შემდგომ 27.08.2018-ში აღნიშნულმა ფიზიკურმა პირმა ჩაურიცხა შპს „X“-ს 19890 ლარი. თქვენი აზრით, ეს 19890 ლარი ავანსად უნდა ჩაითვალოს და დაიბეგროს დღგ-ით 2018 წლის აგვისტოს თვეში?
სააქციო საზოგადოება გეგმავს მისი ერთ-ერთი მსხვილი აქციონერისაგან – რეზიდენტი ფიზიკური პირისაგან, რომელსაც აქციების 20%-ზე ნაკლები ეკუთვნის, საკუთარი აქციების გამოსყიდვას. დაიბეგრება თუ არა ეს ოპერაცია?
