საწარმოში ჩატარებული ინვენტარიზაციის შედეგად აღმოჩენილი საქონლის ზედმეტობა გავატარეთ:
დებეტი 1600 კრედიტი 8190.
ზედმეტობა უნდა აისახოს მოგების გადასახადისა და დღგ-ის დეკლარაციაში?
ჩვენი შპს დაჯარიმდა „თბილსერვის ჯგუფის“ მიერ კუთვნილი მიწის ნაკვეთის დანაგვიანების გამო (ნაკვეთი განკუთვნილია მომავალში სასაწყობე ფართისთვის). გვაინტერესებს, ჯარიმის თანხა დაიბეგრება თუ არა მოგების გადასახადით?
ვმუშაობ ერთ-ერთ საზოგადოებრივ კოლეჯში (საბიუჯეტო ორგანიზაცია). მიწევს დეკრეტულ შვებულებაში გასვლა. ვარ საჯარო მოსამსახურე. ორგანიზაციის ხელმძღვანელი არ იძლევა ანაზღაურებად შვებულებას. როგორ მოვიქცე, გთხოვთ მირჩიოთ.
ვარ საჯარო სკოლის პედაგოგი. გავედი კუთვნილ დეკრეტულ შვებულებაში. სურვილი მაქვს დეკრეტული შვებულებიდან გამოვიდე ორ თვეში და დავბრუნდე სამსახურში. სკოლა არანაირ ფინანსურ ანაზღაურებას არ იძლევა, მხოლოდ მაძლევენ სახელმწიფოს მიერ დადგენილ 1000 ლარს. მეუბნებიან, თუ ორ თვეზე ადრე გავალ სამსახურში, უკან მომიწევს ამ თანხის დაბრუნება (თან არც ზაფხულის ხელფასი მომეცემა საშვებულებოდ). მაინტერესებს, შეესაბამება თუ არა სიმართლეს და ვის მივმართო ამის შესახებ?
საწარმომ ქვის სამსხვრევი დანადგარი შექმნა საკუთარი ძალებით, რომლის ძირითადი კონსტრუქცია აღებულია სალიზინგო ხელშეკრულებით „თიბისისგან“. ლიზინგის ხელშეკრულების ვადა მთავრდება 2028 წელს. როგორ მოვახდინოთ ქონების გადასახადის დარიცხვა? ლიზინგით შექმნილ ღირებულებაზე ქონების გადასახადს იხდის ლიზინგის გამცემი. ის დამატებული ღირებულება, რომელიც ჩვენ შევქმენით, დავუშვათ 50000 ლარის, დაუმთავრებელ წარმოებად დავტოვოთ, მთელი ლიზინგის პერიოდის განმავლობაში ცვეთის დაურიცხავად ვიხადოთ ქონების გადასახადი თუ შეგვიძლია გონივრული ვარგისიანობის პერიოდის მინიჭება და ცვეთის დარიცხვა?
