საქართველოს რეზიდენტი დღგ-ის გადამხდელი პირი აპირებს მიყიდოს მის საკუთრებაში არსებული შენობა ერთ-ერთ ევროპულ სახელმწიფოს, რომელიც აპირებს ეს შენობა გამოიყენოს თავისი საელჩოსთვის. ანუ, მყიდველი იქნება ეს ევროპული სახელმწიფო. მისი საელჩო საქართველოში სწორედ ამ შენობაში ფუნქციონირებს, რომელიც ამჟამად იჯარით აქვს აღებული. დაიბეგრება თუ არა ეს ოპერაცია დღგ-ით? საგადასახადო ანგარიშ-ფაქტურა უნდა გამოიწეროს?
როგორ უნდა გატარდეს სუბსიდირებული ყურძნის შესყიდვის ბუღალტრული გატარება? მენეჯმენტი თვლის, რომ სუბსიდიის თანხა ყურძნის თვითღირებულებაში არ უნდა იქნეს გათვალისწინებული.
ბუღალტრულ აღრიცხვას და ანგარიშგებას ვაწარმოებთ მსს ფასს-ის მიხედვით.
„A“ და „B“ კომპანიებს შორის გაფორმდა 4-თვიანი ხელშეკრულება საქონლისა და სარეკლამო მომსახურების ურთიერთგაცვლის შესახებ (ბარტერი).
ხელშეკრულების თანახმად, „A“ კომპანიამ „B“ კომპანიას უნდა მიაწოდოს: პირველ თვეს – 13000 ლარის, ხოლო მეორე თვეს – 1000 ლარის საქონელი. ამის სანაცვლოდ კომპანია „B“ კომპანია „A“-ს მომსახურებას გაუწევს 4 თვის მანძილზე და თითოეულ თვეში გაწეული მომსახურების საფასური 3500 ლარი იქნება.
საერთო ჯამში კომპანიების მიერ ერთმანეთისთვის მიწოდებული საქონლის/მომსახურების საფასური 14000 ლარს შეადგენს.
დღგ-ის მიზნებისათვის, რა თანხაზე უნდა გამოწეროს ანგარიშ-ფაქტურა და რა თანხა უნდა დაბეგროს/ჩაითვალოს თითოეულმა კომპანიამ, თვეების მიხედვით?
მე-3 კატეგორიის საწარმომ (ფერმამ), რომელიც მსს ფასს-ით სარგებლობს, იყიდა მსხვილფეხა პირუტყვი 2500 ლარად და რამდენიმე წლის შემდეგ გაყიდა 900 ლარად. გაყიდვის წინ უნდა ჩამოვაფასოთ 900 ლარამდე?
გვაინტერესებს, უიმედო ვალების ჩამოწერა სამართლებრივად სწორად და საგადასახადო კანონმდებლობასთან შესაბამისად როგორ ხდება? უიმედო ვალების ჩამოწერისას რა დაბეგვრა წარმოიქმნება? ამ მხრივ სიახლეები თუ არის?
ჩვენ ნაყიდი გვაქვს ერთ-ერთი საბუღალტრო პროგრამა განსხვავებული წესით. კერძოდ, გადახდილი გვაქვს 1500 ლარი დანერგვაში და შემდეგ ყოველთვე ვიხდით ფიქსირებულ თანხებს. თუ არ გადავიხდით, ვერ შევძლებთ პროგრამაში შესვლას სამუშაოდ. როგორ ავსახოთ ეს ორი თანხა? 1500 ლარი – როგორც არამატერიალური აქტივი და ყოველთვიური გადასახადი – რომელიმე მიმდინარე ხარჯში?
