გასული 2023 წლის ივლისის, აგვისტოს და ნოემბრის თვეებში საპენსიო სააგენტოდან დაბრუნებული იქნა საპენსიო სქემიდან გასული პირების საპენსიო შენატანის თანხები (როგორც დასაქმებულის, ასევე დამსაქმებლის წილი). ჯამში დასაქმებულების წილი შეადგენს დაახლოებით 1200 ლარს.
ჩვენი კომპანიის მიერ ამ პირებთან გაფორმებული მომსახურების ხელშეკრულებების პირობით განსაზღვრული იყო „ხელზე“ გასაცემი თანხის ოდენობა, რომელიც საპენსიო დაზღვევის შენატანების არარსებობის შემთხვევაშიც იგივე იქნებოდა. ამიტომ, ჩვენთვის დაბრუნებული პენსიის თანხების გაცემა ფიზიკურ პირებზე არ მომხდარა და სრულად ვაღიარეთ შემოსავლად.
საპენსიო სააგენტოს დირექტორის 17.02.2023 წ. №001 ბრძანების თანახმად, მიღებული თანხები უნდა დაბრუნებულიყო დასაქმებულებისათვის 10 დღეში, რაც ჩვენს შემთხვევაში არ მომხდარა, ზემოხსენებული არგუმენტის გათვალისწინებით. გვსურს დავაზუსტოთ, რამდენად იზიარებთ ჩვენს მიდგომას?
ღვინის ქარხანაში (აღრიცხვისთვის იყენებს მსს ფასს-ს), თავის დროზე, მიზერულ ფასად შეძენილია ყურძნის მიმღები ბუნკერი, რომელიც ამჟამად ბუღალტრულად გაცვეთილია. ახლა წარმადობის გასაზრდელად მოხდა მისი რემონტი, რომლის ღირებულება 1000 ლარია.
არსებულ ბუნკერზე მოხდება ამ თანხის კაპიტალიზება თუ მისი სადმე ცალკე დასმა (აღრიცხვა)?
წიწილების რეალიზაციის დროს გამოყენებული და არდაბრუნებული ყუთების ჩამოსაწერად, რამდენად მისაღებია №1159 „მენუალის“ გამოყენება? აღნიშნული „მენუალი“ ეხება დღგ-ის ჩათვლას, მაგრამ ყუთების ჩამოწერის დროს შეიძლება მას დავეყრდნოთ?
სამმა ფიზიკურმა პირმა თანამფლობელობაში შეიძინა მიწა და მიაქირავა მათ მიერ დაფუძნებულ შპს-ს. ერთ-ერთი მათგანი დაინიშნა დირექტორად. ფიზიკურმა პირებმა ასევე აიღეს სესხი ინდივიდუალურად 10%-იანი სარგებლით და ასევე ინდივიდუალურად ასესხეს ფირმას ძირითადი საშუალებების შესაძენად 11%-ში. ეს პერიოდი დაემთხვა კოვიდ-პანდემიის პერიოდს და ისედაც პროდუქციის გაყიდვებმა მინიმუმი შეადგინა.
1) სესხის %-ს და იჯარას შპს ვერ იხდიდა. ხარჯად კი ვარიცხავდით შპს-ს და ისედაც ზარალიანი ფირმის ზარალის ნაშთი ამით უფრო იზრდებოდა. რამდენად სწორია ეს? ხომ არ არის მოსალოდნელი რამე სანქცია შემოწმების შემთხვევაში?
2) ამ ფირმის ეგიდით ბოლო ფინანსურ ანგარიშგებაში, რომელიც გასაჯაროებულია, ნაშთად ირიცხება მცირე ოდენობით მასალების ნაშთი, ანგარიშვალდებულ დირექტორზე ფულის ნაშთი და მოკლევადიანი ვალდებულების ნაშთი. მალევე მოხდა წილების 100%-ის გაყიდვა და ვალდებულება ხომ არ გვაქვს, ჩამოთვლილი ნაშთები ვაღიაროთ შემოსავლებსა და ხარჯებში და როგორი გატარებით? და გამოვიყენოთ ზარალის გადატანის უფლება?
ორგანიზაციას (უცხოური საწარმოს ფილიალს) მარაგში აღრიცხული აქვს ბანერები, ადრე გამოყენებული და უკვე უსარგებლო. დიდი რაოდენობითაა, რადგან ყველა კონფერენციის მერე ასაწყობებენ. ძირითად საშუალებებში არ აღურიცხავთ. შეიძლება, რომ ეს მარაგები ჩამოიწეროს შემოსავლების სამსახურისათვის შეტყობინების გარეშე?
არარეზიდენტი კომპანიისგან შევიძინეთ საქონელი, ტრანსპორტირების ხარჯი ჩვენი კომპანიის იყო.
საზღვართან შემოსვლის დროს აღმოჩნდა, რომ გამომგზავნის მხრიდან იყო რაღაც შეუსაბამობა, ამიტომ უკან დაბრუნდა ტვირთი, მოიყვანეს შესაბამისობაში და თავიდან გამოუშვეს, რის გამოც დამატებით დაგვერიცხა ტრანსპორტირების ღირებულება. ტრანსპორტირებაზე გამოიწერა ორი ინვოისი, პირველი – შეთანხმების მიხედვით და მეორე – უკან დაბრუნების და თავიდან გამოგზავნის გამო.
დამატებით დარიცხულ ტრანსპორტირების ღირებულებას აგვინაზღაურებს გამომგზავნი, ან კრედიტ-ნოტით გაქვითვის გზით, ან ჩაგვირიცხავს ფულს.
საქონლის ფასის გაანგარიშებისას, ორივე ტრანსპორტირების თანხა უნდა შევიტანოთ თვითღირებულებაში? ბუღალტრული აღრიცხვისთვის, ვიყენებთ სრულ ფასს-ებს.
