საქართველოს რეზიდენტი დღგ-ის გადამხდელი პირი აპირებს მიყიდოს მის საკუთრებაში არსებული შენობა ერთ-ერთ ევროპულ სახელმწიფოს, რომელიც აპირებს ეს შენობა გამოიყენოს თავისი საელჩოსთვის. ანუ, მყიდველი იქნება ეს ევროპული სახელმწიფო. მისი საელჩო საქართველოში სწორედ ამ შენობაში ფუნქციონირებს, რომელიც ამჟამად იჯარით აქვს აღებული. დაიბეგრება თუ არა ეს ოპერაცია დღგ-ით? საგადასახადო ანგარიშ-ფაქტურა უნდა გამოიწეროს?
როგორ უნდა გატარდეს სუბსიდირებული ყურძნის შესყიდვის ბუღალტრული გატარება? მენეჯმენტი თვლის, რომ სუბსიდიის თანხა ყურძნის თვითღირებულებაში არ უნდა იქნეს გათვალისწინებული.
ბუღალტრულ აღრიცხვას და ანგარიშგებას ვაწარმოებთ მსს ფასს-ის მიხედვით.
1) დაქირავებული მეწარმე ფიზიკური პირი გვემსახურება მისი მანქანით ან ტექნიკით. მომსახურება შეიძლება მოიცავდეს გადაზიდვას, გადაყვანას, ან საგზაო სამუშაოებს, მაგალითად, ექსკავატორის სამუშაოებს. ამ პირებზე ვახდენთ საწვავის რეალიზებას, ანუ მომსახურებას გვიწევს თავისი საკუთარი საწვავით და ტექნიკით. შესაძლებელია თუ არა, ეს მომსახურება გაგვიწიოს მცირე მეწარმის სტატუსის ფარგლებში? ვგულისხმობ საქართველოს მთავრობის 415-ე დადგენილებას, რომელშიც მხოლოდ ქონების იჯარით გაცემაზეა მითითებული, რომ დაიბეგრება ჩვეულებრივი განაკვეთით და შეღავათიანი დაბეგვრა მას არ შეეხება.
2) მეწარმედ დარეგისტრირებისას, ყველა საქმიანობაზე ცალ-ცალკე ხდება მცირე მეწარმის სტატუსის მინიჭება? პირმა მიმართა მცირე მეწარმის სტატუსის მინიჭების შესახებ აგვისტოს თვეში ერთ კონკრეტულ საქმიანობაზე და მას სტატუსი მიენიჭა 1 სექტემბრიდან. სექტემბრის თვეში კი მან გაგვიწია მეორე ტიპის მომსახურება, რომელიც 415-ე დადგენილების ჩამონათვალში არ არის, მაგრამ ამ მეორე საქმიანობაზე განაცხადი მცირე მეწარმის სტატუსის მინიჭების შესახებ გააკეთა ამ მომსახურების განხორციელების შემდეგ. სექტემბრის თვეში განხორციელებული ამ მეორე საქმიანობის ფარგლებში პირი დაიბეგრება შეღავათიანი დაბეგვრის რეჟიმით თუ ჩვეულებრივი წესით?
იმ შემთხვევაში, თუ ჩვენ (საქართველოს შპს) გავხსნით წარმომადგენლობას ჩრდილოეთ მაკედონიაში მომსახურების გაწევის მიზნით, ანუ მომსახურების გაწევის ადგილი იქნება მაკედონია და წარმომადგენლობის მიერ შესრულდება, ეს დაიბეგრება მაკედონიაში, მაკედონიის კანონმდებლობის შესაბამისად, ხომ?
საქართველოში რა გადასახადები და ვალდებულებები წარმოგვეშობა ამ შემთხვევაში?
„A“ და „B“ კომპანიებს შორის გაფორმდა 4-თვიანი ხელშეკრულება საქონლისა და სარეკლამო მომსახურების ურთიერთგაცვლის შესახებ (ბარტერი).
ხელშეკრულების თანახმად, „A“ კომპანიამ „B“ კომპანიას უნდა მიაწოდოს: პირველ თვეს – 13000 ლარის, ხოლო მეორე თვეს – 1000 ლარის საქონელი. ამის სანაცვლოდ კომპანია „B“ კომპანია „A“-ს მომსახურებას გაუწევს 4 თვის მანძილზე და თითოეულ თვეში გაწეული მომსახურების საფასური 3500 ლარი იქნება.
საერთო ჯამში კომპანიების მიერ ერთმანეთისთვის მიწოდებული საქონლის/მომსახურების საფასური 14000 ლარს შეადგენს.
დღგ-ის მიზნებისათვის, რა თანხაზე უნდა გამოწეროს ანგარიშ-ფაქტურა და რა თანხა უნდა დაბეგროს/ჩაითვალოს თითოეულმა კომპანიამ, თვეების მიხედვით?
