ძებნის შედეგად ნაპოვნია 539 შედეგი
შპს-ს, რომლის ძირითადი საქმიანობაა ვაჭრობა, 2020 წლის 31 მარტიდან გაცემული აქვს გრძელვადიანი სესხები 1 000 000 EUR და 1 000 000 USD ოდენობით ურთიერთდამოკიდებულ პირზე – სხვა შპს-ზე. სესხის ვადა შეადგენდა 5 წელს, საპროცენტო განაკვეთი 12%, დარიცხული პროცენტის გადახდა მსესხებლის მხრიდან ხდებოდა კვარტალში ერთხელ.
ვადის გასვლის გამო 2025 წლის 01 აპრილს აღნიშნული ხელშეკრულებები განახლდა, ისევ 5 წლით, შეიცვალა საპროცენტო განაკვეთი გახდა – 10%, პროცენტის გადახდის პირობა იგივე – კვარტალურად.
ამასთან 2025 წლის აპრილში შპს-მ დამატებით გასცა გრძელვადიანი სესხი სხვა ასევე ურთიერთდამოკიდებულ პირზე შპს-ზე 2 000 000 USD ოდენობით 5 წლის ვადით, საპროცენტო განაკვეთი 10%, პროცენტის გადახდა ყოველთვიურად.
ყველა სესხის გაცემის გადაწყვეტილება მიღებულია დამფუძნებელი კომპანიის და მისი მმართველი გუნდის მიერ, რაც დასტურდება შესაბამისი საბჭოს გადაწყვეტილებებით.
კომპანია 2024 წლიდან წარმოადგენს მეორე კატეგორიის საწარმოს და აღრიცხვა-ანგარიშგებას სრული ფასს-ების მიხედვით აწარმოებს.
კომპანიის 2024 წლის ამონაგები სავაჭრო საქმიანობიდან შეადგენდა 25 458 000 ლარს, ხოლო მიღებულმა საპროცენტო შემოსავალმა შეადგინა 880 000 ლარი.
კომპანიის 2025 წლის ამონაგები სავაჭრო საქმიანობიდან შეადგენდა 2 285 000 ლარს, ხოლო მიღებულმა საპროცენტო შემოსავალმა შეადგინა 992 000 ლარი.
1) კომპანია ხომ არ განიხილება სესხის გამცემ სუბიექტად ასეთ შემთხვევაში?
2) საპროცენტო შემოსავალი წარმოადგენს ამ კომპანიისთვის ფინანსურ შემოსავალს თუ ამონაგებს?
2026/01
არასაგადასახადო
თემა
აღრიცხვა-ანგარიშგების
წესები
და
სტანდარტები
სამართლებრივი/იურიდიული
სესხები,
პროცენტები
პასუხის ნახვა
„მეწარმეთა შესახებ“ საქართველოს კანონის მე-3 მუხლის მე-2 პუნქტის მიხედვით, სასოფლო-სამეურნეო საქმიანობა, თუ საქმიანობაში დაკავებული არ ჰყავს ოჯახის 5 წევრზე მეტი, არ ჩაითვლებოდა ფიზიკური პირის დაბეგვრას დაქვემდებარებულ საქმიანობად ანუ არ ითვლებოდა მეწარმე ფიზიკური პირის საქმიანობად და საგადასახადო რეგისტრაცია არ იყო საჭირო. მოქმედია თუ არა ეს მუხლი 2026 წლის მდგომარეობით, ვინაიდან 2025 წლის „მეწარმეთა შესახებ“ კანონში ეს ჩანაწერი მე-3 მუხლში აღარ არის?
2026/01
არასაგადასახადო
თემა
სამართლებრივი/იურიდიული
სოფლის
მეურნეობა
პასუხის ნახვა
1) შპს-ს დაქირავებული ბუღალტრის ხელშეკრულებით ემსახურება აუდიტორი, რომელსაც არ აქვს შემფასებლის სტატუსი. შეუძლია თუ არა მას, ამ საწარმოს 100% წილის მქონე დამფუძნებელს და დირექტორს დამფუძნებელთა კრების ოქმში ან განკარგულებაში დაუდასტუროს ქონების საბაზრო ფასი ხელმოწერით ან გასცეს დასკვნა და ჩაუტაროს ფინანსური ანგარიშგების აუდიტი?
2) რა მოხდება, თუ არ ვაპირებთ გადაფასების მეთოდის გამოყენებას 4 წლის შემდეგ და თუ საგადასახადო ორგანო საბაზრო ფასზე შემოგვედავება, გამოიყენებს თუ არა სსკ 202-ე მუხლის 1-ლი პუნქტის „ა“ ქვეპუნქტით აქტივების საშუალო ღირებულების 3-ჯერ გაზრდას?
2026/01
ქონების
(მ.შ.
მიწის)
გადასახადი
უძრავი
ქონება
შეფასება
და
აუდიტი
პასუხის ნახვა
საქართველოს საგადასახადო კოდექსის 202-ე მუხლის მე-4 პრიმა მუხლში მოხსენიებულია ფრაზა „ფინანსთა სამინისტროს ბრძანებით დამტკიცებული წესით გათვალისწინებული...“. გთხოვთ მოგვაწოდოთ ამ ბრძანების მიღების თარიღი და ნომერი.
2026/01
ქონების
(მ.შ.
მიწის)
გადასახადი
შეფასება
და
აუდიტი
პასუხის ნახვა
ესპანეთის რეგისტრირებულ ფილიალს საქართველოში აქვს საბანკო ანგარიშები უცხოურ ბანკში. თანხები, რომელიც 14 იანვარს არის მოხსნილი, არის საბანკო გარანტიის საკომისიოები, რომელსაც იხდის სათაო ოფისი. მან ეს თანხები ჩამოჭრა ფილიალის უცხოურ ბანკში არსებული ანგარიშებიდან და წაიღო თავის ანგარიშზე. სათაო ოფისს აქვს ბანკთან გახსნილი ეს საბანკო გარანტია საქართველოში ერთ-ერთ პროექტთან დაკავშირებით და ე.წ. რეფაქტურიზაციას ახდენს თავის ფილიალზე. რადგან ფინანსური მომსახურებაა, არც საშემოსავლო გადასახადით და არც უკუდაბეგვრის დღგ-ით არ დაიბეგრება? რამე სხვა მოსაზრება ან რისკი ხომ არ არის თქვენი აზრით?
2026/01
დღგ
არარეზიდენტის
საშემოსავლო/მოგების
გადასახადი
თემის გარეშე
პასუხის ნახვა
ვართ „ესტონურ მოდელზე“ მყოფი შპს – ზღვის სანაპიროზე არსებული სასტუმრო, ვმუშაობთ სრული ფასს-ების გამოყენებით. ჩვენს ტერიტორიაზე გვაქვს რამდენიმე სხვადასხვა რესტორანი.
წარსულმა გამოცდილებამ გვიჩვენა, რომ რესტორნებში სტუმრებისაგან ფულის ე.წ. „ქეშის“ სახით მიღებისას წარმოიქმნებოდა პრობლემები ფულის აღრიცხვაში, მაგალითად ხდებოდა ფულის დანაკლისები. ამის აღმოსაფხვრელად გადავწყვიტეთ, რომ სასტუმროს ტერიტორიაზე სტუმრების მიერ გამოყენებიდან, შესაბამისად ჩვენი რესტორნებიდანაც, როგორმე ამოგვეღო „ქეში“ ფულის ბრუნვა. გარდა ამისა, სტუმრების მიერ ზღვის სანაპიროზე ისედაც მოუხერხებელია ნაღდი ფულის თან ქონა. ამიტომ სტუმრებს ვთავაზობთ ასეთ ალტერნატივას: ვაძლევთ სპეციალურ სამაჯურებს, რომლებსაც აქვთ ელექტრონული ინფორმაციის ტარების საშუალება და ამ სამაჯურით შესაძლებელია ზღვაში ბანაობაც. ამ სამაჯურის მეხსიერებაში დაიტანება სტუმრის მონაცემები და იმ თანხის ოდენობაც, რამდენიც უნდა მას რომ თან ჰქონდეს გამოსაყენებლად სასტუმროს ტერიტორიაზე. აღნიშნულ თანხას კი გადაიხდის რესეფშენში ან სხვა სპეციალურად გამოყოფილ ადგილზე წინასწარ. რამდენსაც გადაიხდის ამ მიზნით, იმდენივე თანხას ვირტუალურად „დაუსვამენ“ ამ სამაჯურზე. ცხადია, ამ სამაჯურზე არსებულ თანხას სტუმარი ჩვენი სასტუმროს ტერიტორიის გარდა სხვაგან ვერ გამოიყენებს, რადგან სამაჯურის ელექტრონული სისტემა მიბმულია მხოლოდ ჩვენს საოპერაციო სისტემასთან.
რესტორანში შესულ სტუმრებს გამასპინძლების შემდგომ ხშირად უჩნდებათ სურვილი, რომ ჩვენს მიმტანებს დაუტოვონ ე.წ. „თიფი“ (სამადლობელი). თუმცა, რადგან სტუმრებს თან აღარ აქვთ ნაღდი ფული, ამიტომ ისინი ამ თიფებსაც ტოვებენ აღნიშნული სამაჯურების გამოყენებით. ეს ხდება შემდეგნაირად: სტუმარი ჯერ იხდის რესტორნის თანხას, ამისათვის დაადებს სამაჯურს ჩვენს ტერმინალს, შემდეგ მიმტანი ცალკე უთითებს თიფის თანხას და სტუმარი მეორედ დაადებს სამაჯურს ტერმინალს. ტექნიკურად ეს შესაძლებელი გახდა 2020 და 2021 წლებში, როდესაც „საქართველოს ბანკმა“ და „თიბისი ბანკმა“ დანერგეს აღნიშნული ფუნქცია თავიანთ ტერმინალებზე. ორივე ეს თანხა აისახება ჩვენი კომპანიის ანგარიშზე, ოღონდ სხვადასხვა დანიშნულებით (შინაარსით). ანუ, ყველა ასეთი გადახდის შემდეგ ჩვენ გვაქვს სამი ჩეკი, რომლიდანაც ერთი არის თვითონ რესტორნის პროგრამის ჩეკი, ამოღებული სარესტორნე პროგრამიდან, რომელსაც დამატებით აწერია ასევე მიმტანის სახელი და გვარი და მიმტანის მაიდენტიფიცირებელი ნომერი, რადგან ტერმინალები განაწილებულია მიმტანებზე და ყველას აქვს თავისი. მაგალითად, სარესტორნე პროგრამის ჩეკზე წერია რესტორნისთვის გადასახდელი თანხა 200 ლარი, მიმტანის თიფი 20 ლარი. შემდგომ სტუმარი იხდის 200 ლარს ცალკე და 20 ლარს ცალკე, შესაბამისად გვაქვს კიდევ საბანკო ტერმინალის ორი ჩეკი.
დღის ბოლოს ყველა მიმტანმა იცის თავისი თიფი, თუ რამდენი დაუტოვეს დღის მანძილზე. იგივე თანხები ვიცით ჩვენც, რადგან ეს აღრიცხულია ჩვენს საოპერაციო პროგრამაში. თვის ბოლოს თავიანთ კუთვნილ თანხებს, რომლებიც დაუგროვდათ მათ თვის მანძილზე, ვურიცხავთ სრულად ჩვენს მიმტანებს.
რამე გადასახადებს ხომ არ წარმოქმნის ჩვენი სასტუმროსთვის ზემოთ მოყვანილი ოპერაციები?
