არამეწარმე ფიზიკურ პირს, კომპანიის დირექტორს უნდა მივცეთ უპროცენტო სესხი. ეს ნაპატიები სესხის პროცენტი ხომ დაიბეგრება, ამიტომ რაც იქნება გადასახადით დაბეგვრა, მისი სიდიდე უნდა შემოიტანოს შპს-ში ამ ფიზიკურმა პირმა. მაგრამ რა ჰქვია ამ ოპერაციას? დღგ მოუწევს?
ჩვენს კომპანიას 2024 წელში ჰქონდა ასეთი შემთხვევა: არარეზიდენტი კომპანია X-ის (არარეზიდენტი) დავალებით მომსახურება გავუწიეთ ერთ-ერთ სამედიცინო ლაბორატორიას (რეზიდენტი). 2024 წლის აგვისტოს, სექტემბრის, ოქტომბრის თვეებში – ტექნიკურად გაიმართა დაზიანებული დანადგარი. დანადგარი ეკუთვნის ამ ლაბორატორიას.
მომსახურების გაწევასთან ერთად დაიხარჯა საქონელი, რომელიც კომპანია X-მა გამოგვიგზავნა უსასყიდლოდ ეტაპობრივად. საბაჟოზე გადახდილი დღგ ჩავითვალეთ სრულად.
X-ისთვის გადასახდელი მოსათხოვი მომსახურების ღირებულება გამოიწერა 2025 წლის იანვარში.
ასევე მ/წ იანვარში ინჟინრებმა გამოწერეს ტექნიკური მომსახურების ფორმა, რომელშიც სამუშაოები გაწერილია შესრულების პერიოდულობით.
1) უნდა ჩაგვეთვალა საბაჟოზე გადახდილი დღგ?
2) საქონელზე გამოწერილია შიდა გადაზიდვის ზედნადები 2024 წლის შესაბამის თვეებში. საწყობიდან ჩამოვწერთ ჩამოწერის აქტით შესაბამისი თვეების მიხედვით 2024-ში. დღგ-ით უნდა დაიბეგროს მომსახურებები შესრულებული სამუშაოს პერიოდში, ანუ 2024 წელში?
დამფუძნებელ რეზიდენტ ფიზიკურ პირს აქვს შემოტანილი თანხა სესხად კომპანიის ანგარიშზე, პროცენტები დარიცხული გვაქვს. ახლა გადაწყვიტა შემოტანილი სესხის ძირისა და პროცენტის სანაცვლოდ მიიღოს კომპანიის მიერ აშენებული ფართი. გთხოვთ გვიპასუხოთ, რა გადასახადების გადახდა მოუწევს კომპანიას ამ ოპერაციასთან დაკავშირებით? კომპანია დღგ-ის გადამხდელია.
დღგ-ის გადამხდელი საქართველოს საწარმო საქართველოს მეორე საწარმოს უწევს მედიკამენტების რეგისტრაციის მომსახურებას აზერბაიჯანში. საგადასახადო ანგარიშ-ფაქტურა უნდა გამოვუწეროთ თუ მხოლოდ ინვოისი საკმარისია? დღგ-ით დაიბეგრება?
2025 წლის მარტში დამკვეთის (შპს) მოთხოვნით შემსრულებელმა (ინდმეწარმე, დღგ-ის გადამხდელი) განახორციელა ხელშეკრულებით გათვალისწინებული ტვირთის გადაზიდვის (სატრანსპორტო) მომსახურება.
ზემოთ ხსენებული მომსახურების შესრულებას ართულებდა მკაცრი მეტეოროლოგიური და სხვა პირობები, რა დროსაც მხარეებს შორის არსებობდა წინასწარი ზეპირი შეთანხმება იმის თაობაზე, რომ თუ მომსახურების შესრულების დროს დაზიანდებოდა სატრანსპორტო საშუალება, უნდა მომხდარიყო დამკვეთის მიერ ინციდენტით გამოწვეული ზიანის კომპენსაცია.
აღნიშნული მომსახურების გაწევის დროს სერიოზულად დაზიანდა სატრანსპორტო საშუალება. ზიანმა შეადგინა 5000 ლარი.
1) არის თუ არა რისკი იმისა, რომ შპს დაიბეგროს საშემოსავლო ან მოგების გადასახადით გადახდილ თანხაზე, მიუხედავად იმისა, რომ თანხის მიმღები ინდმეწარმეა (მცირე მეწარმე) და თანაც დღგ-ის გადამხდელი?
2) ხომ არ უნდა გაიზარდოს მომსახურების ფასი (კონკრეტული რეისის ღირებულება) 5000 ლარით და დაიბეგროს დღგ-ით ინდმეწარმის მიერ? შპს-ისთვის, ხომ არ იქნება ამ დღგ-ის ჩათვლაზე პრობლემა თუ არ ჩაითვლება მომსახურების გაწევად?
3) არის თუ არა აუცილებელი შემსრულებლის მიერ ხარჯთაღრიცხვის წარმოდგენა 5000 ლარზე და რა ფორმით (იმისათვის, რომ ჩაითვალოს ზიანის ანაზღაურებად და არ დაიბეგროს არცერთი მხარის მიერ)?
შპს A-მ შეიძინა მიწის ნაკვეთი. ამ შეძენილ მიწის ნაკვეთზე ჩაატარა გარკვეული არქიტექტურული სამუშაოები (დენდროლოგიური კვლევა, სამშენებლო პროექტის შედგენა, სამშენებლო კოეფიციენტის ცვლილება-მომატება და ა.შ.), რაზეც მიღებული აქვს საგადასახადო (დღგ-ის) ანგარიშ-ფაქტურები. შემდგომ ეს მიწა შეიტანა ახლად დაფუძნებული შპს C-ს საწესდებო კაპიტალში (50% წილი). ეს შპს C დააფუძნეს შპს A-მ და მისმა პარტნიორმა შპს B-მ 50%-50% წილობრივი მონაწილებით. საწესდებო კაპიტალში შპს A-მ, როგორც ვთქვით, შეიტანა მიწა, ხოლო შპს B-მ – ფული. ეს ახალი შპს C ააშენებს კორპუსს და გაყიდის ბინებს (ანუ, „გაადეველოპერებს“ ამ მიწას). შპს C აშენებული ბინებიდან რაღაც რაოდენობის ბინებს გადასცემს შპს A-ს და შპს A დათმობს თავის 50%-იან წილს ამ ბინების მიღების შემდგომ.
გვაინტერესებს, ჩაითვლის თუ არა შპს A მიღებული არქიტექტურული მომსახურების დღგ-ს (რომელი არქიტექტურული მომსახურებაც მაშინ მიიღო, როცა მიწის მფლობელი იყო თვითონ)? რაიმე რისკებს ხომ არ ხედავთ?
