შეკითხვა მაქვს 2014-2015 წლებში გაცემულ სესხებზე, რომლებიც გაცემულია ჩვენი კომპანიის მიერ როგორც რეზიდენტ ფიზიკურ პირებზე, ისე სხვა კომპანიებზე.
ვარიცხავ სესხის პროცენტს. პროცენტი არ მიმიღია და პროცენტი უნდა ჩავრთო თუ არა მოგების გადასახადის ყოველთვიურ დეკლარაციაში? მე არ მაქვს ჩართული.
კომპანია X-ს აქვს ვადაგადაცილებული დავალიანება ჩვენი კომპანიის წინაშე. აღსრულების ეროვნულ ბიუროს გადავეცით სარჩელი. დაეკისრა დავალიანების დაფარვა ყოველთვე წინასწარ განსაზღვრული თანხის ოდენობით (6 თვე). დავალიანება არის აშშ დოლარში და ბოლო ჩარიცხვა გასულ თვეშია.
კომპანია X დავალიანებას ლარებში ურიცხავს აღსრულების ეროვნულ ბიუროს და შემდეგ აღსრულება გვირიცხავს ჩვენ, რაც ერთსა და იმავე დღეს არ ხდება, თან გრაფიკით განსაზღვრულ თანხას ზუსტად არ რიცხავს.
ჩვენ თანხას ვიღებთ ჩვენთან შემოსვლის დღეს არსებული აშშ დოლარის კურსით.
ეხლა უნდა შევდარდეთ კომპანია X-თან ბოლო ჩარიცხვის დასაზუსტებლად და აღსრულებასაც უნდა მივწეროთ ბოლოს ჩასარიცხი თანხის ოდენობა, ზუსტად გასანულებლად.
ჩვენი მხრიდან მართებულია ჩვენთან ჩარიცხული თანხის შემოსვლის დღის კურსით ჩათვლა, თუ კომპანია X-ის მიერ აღსრულებისთვის ჩარიცხვის დღის კურსით უნდა ვიხელმძღვანელოთ, რახან დავალიანების დაფარვა აღსრულების ბიუროს გავლით ხდება?
ჩვენს კომპანიას ძირითადი საშუალებების რეესტრში აქვს დარჩენილი უმნიშვნელო ღირებულების ძირითადი საშუალებები და გვაინტერესებს, აქტის საფუძველზე თუ გვაქვს ამის ჩამოწერის უფლება აღრიცხვის სტანდარტების თანახმად? და ასევე, თუ ამის უფლება გვაქვს საგადასახადო კოდექსის მიხედვით, კერძოდ ქონების გადასახადის ნაწილში, ამას როგორ უყურებენ საგადასახადო ორგანოები?
შპს-ს, რომელიც ბუღალტრულ აღრიცხვას აწარმოებს სრული ფასს-ების მიხედვით, საწყობში ახლა აქვს ზაფხულის საბურავები, რომელიც იყო მანქანის ღირებულების ნაწილი თავის დროზე. ზამთრის საბურავები ცალკე შეიძინეს და ჩამოწერეს ხარჯებში, როცა დაყენდა. მერე ისევ შეცვლიან და ზაფხულისას დააყენებენ.
ეს მოძრაობები როგორ აღირიცხოს, რომ საწყობებში ზედმეტობა არ ჰქონდეთ? გარესაბალანსო დაკვირვების პრაქტიკა არის, ცალკე აწარმოებენ ამ აღრიცხვას. ღირებულების განსაზღვრაც საჭიროა (ალბათ) თუ მარაგში აიღებენ?
შპს-ს, რომლის ძირითადი საქმიანობაა ვაჭრობა, 2020 წლის 31 მარტიდან გაცემული აქვს გრძელვადიანი სესხები 1 000 000 EUR და 1 000 000 USD ოდენობით ურთიერთდამოკიდებულ პირზე – სხვა შპს-ზე. სესხის ვადა შეადგენდა 5 წელს, საპროცენტო განაკვეთი 12%, დარიცხული პროცენტის გადახდა მსესხებლის მხრიდან ხდებოდა კვარტალში ერთხელ.
ვადის გასვლის გამო 2025 წლის 01 აპრილს აღნიშნული ხელშეკრულებები განახლდა, ისევ 5 წლით, შეიცვალა საპროცენტო განაკვეთი გახდა – 10%, პროცენტის გადახდის პირობა იგივე – კვარტალურად.
ამასთან 2025 წლის აპრილში შპს-მ დამატებით გასცა გრძელვადიანი სესხი სხვა ასევე ურთიერთდამოკიდებულ პირზე შპს-ზე 2 000 000 USD ოდენობით 5 წლის ვადით, საპროცენტო განაკვეთი 10%, პროცენტის გადახდა ყოველთვიურად.
ყველა სესხის გაცემის გადაწყვეტილება მიღებულია დამფუძნებელი კომპანიის და მისი მმართველი გუნდის მიერ, რაც დასტურდება შესაბამისი საბჭოს გადაწყვეტილებებით.
კომპანია 2024 წლიდან წარმოადგენს მეორე კატეგორიის საწარმოს და აღრიცხვა-ანგარიშგებას სრული ფასს-ების მიხედვით აწარმოებს.
კომპანიის 2024 წლის ამონაგები სავაჭრო საქმიანობიდან შეადგენდა 25 458 000 ლარს, ხოლო მიღებულმა საპროცენტო შემოსავალმა შეადგინა 880 000 ლარი.
კომპანიის 2025 წლის ამონაგები სავაჭრო საქმიანობიდან შეადგენდა 2 285 000 ლარს, ხოლო მიღებულმა საპროცენტო შემოსავალმა შეადგინა 992 000 ლარი.
1) კომპანია ხომ არ განიხილება სესხის გამცემ სუბიექტად ასეთ შემთხვევაში?
2) საპროცენტო შემოსავალი წარმოადგენს ამ კომპანიისთვის ფინანსურ შემოსავალს თუ ამონაგებს?
ქართულმა კომპანიამ, რომელიც ახორციელებს სასოფლო-სამეურნეო საქმიანობას, შეიძინა მზის სისტემის პანელები. შედეგად, კომპანია არ მოიხმარს გარე მომწოდებლებისგან შეძენილ ელექტროენერგიას და ელექტროენერგიის საჭიროებას იკმაყოფილებს დამოუკიდებლად – საკუთარი წყაროდან. გარდა ამისა, შესაძლოა წარმოიქმნას შემთხვევა, როდესაც კომპანია დააგენერირებს ელექტროენერგიას ჭარბად, რაც გადააჭარბებს მისი საქმიანობისთვის საჭირო მოცულობას. გთხოვთ, განმარტოთ:
1) როგორ ხდება ჭარბი ელექტროენერგიის საგადასახადო დაბეგვრა, იმ შემთხვევაში, თუ კომპანია მას გადასცემს/მიჰყიდის გარე პირებს (მაგალითად, ელექტროენერგიის გადამცემ სისტემაში ჩართვის ან სხვა ფორმით რეალიზაციის გზით)?
2) რა ბუღალტრული აღრიცხვის წესები უნდა იქნეს გამოყენებული ელექტროენერგიის შიდა მოხმარებისთვის (შესაბამისად, როდესაც იგი არ იქმნება რეალიზაციისთვის)?
3) ელექტროენერგიის რეალიზაციის შემთხვევაში, არსებობს თუ არა რამე რეგისტრაციის, საგადასახადო დოკუმენტაციის წარდგენის ან რაიმე სხვა კონკრეტული სავალდებულო პროცედურა საქართველოს კანონმდებლობის შესაბამისად, რომელიც უნდა გაითვალისწინოს კომპანიამ ჭარბი ელექტროენერგიის წარმოშობისა და/ან შესაძლო გადაცემის/გაყიდვის შემთხვევაში?
