2022 წლის 30 სექტემბრისთვის, შპს-ს შეუსრულდა 100000 ლარის ბრუნვა, საქონლის აღწერის აქტით ნაშთი გვაქვს 30000 ლარი.
2 აგვისტოს დარეგისტრირდა დღგ-ის გადამხდელად.
მიმწოდებლებისგან მოვითხოვეთ სექტემბრის და აგვისტოს დღგ-ის ანგარიშ-ფაქტურები და რაც მივიღეთ, იმის მიხედვით ჩავითვალეთ 2000 ლარი. ე.ი. კონკრეტული საქონლის კონკრეტულ ნაშთზე მეტი ჩათვლები განვახორციელეთ სავარაუდოდ. ვიხელმძღვანელეთ ერთ-ერთი საკონსულტაციო კომპანიის მენეჯერის კონსულტაციით და სხვების კომენტარებით, რომელთა თანახმად ამის უფლება გვქონდა.
ჩვენი მხრიდან დავამატებთ, რომ საქონლის ნაშთიდან გამომდინარე შეგვეძლო მიგვეღო მეტი ჩათვლა. ხომ არ დავუშვით შეცდომა?
ინდმეწარმე აქირავებს თავის კუთვნილ უძრავ კომერციულ ფართს თავისავე კუთვნილ შპს-ზე ეკონომიკური საქმიანობისთვის (გაიხსნა შპს-ის სახელით მაღაზია).
ინდმეწარმემ რა საბუთები უნდა შექმნას და რა გადასახადები დაეკისრება?
A კომპანია სესხებს გასცემს B და C კომპანიებზე. A კომპანიისთვის ორივე – B და C კომპანია ურთიერთდამოკიდებული პირებია.
B კომპანიისთვის სესხი გაცემულია ლარში – წლიური 12%, ხოლო C კომპანიისთვის სესხი გაცემულია აშშ დოლარში – წლიური 10%.
A კომპანიას აქვს როგორც დღგ-ით დასაბეგრი, ასევე დღგ-ის ჩათვლის უფლების გარეშე გათავისუფლებული ოპერაციები.
საბაზრო საპროცენტო განაკვეთების განსაზღვრის მიზნით ვიყენებთ ეროვნული ბანკის მონაცემებს (კერძოდ, სტატისტიკურ მონაცემებს: საბაზრო საპროცენტო განაკვეთები სესხებზე, კოდით – L3.22).
1) ვინაიდან აღნიშნულ ფაილში სესხზე საბაზრო საპროცენტო განაკვეთები მოცემულია თვეების მიხედვით, ეს ხომ არ წარმოშობს A კომპანიისთვის საპროცენტო განაკვეთის გადახედვის ვალდებულებას ყოველთვიურად? თუ კი, ხელშეკრულება უნდა ვაკორექტიროთ ყოველთვიურად ზემოთ ხსენებული მონაცემების შესაბამისად? თუ ყოველწლიური საპროცენტო განაკვეთი უნდა გამოვითვალოთ საშუალო მაჩვენებლის მიხედვით და ამით დავაკორექტიროთ?
2) იმ შემთხვევაში, თუ ხელშეკრულებაში დაფიქსირებული სესხის საპროცენტო განაკვეთი ნაკლები იქნება სესხის საბაზრო საპროცენტო განაკვეთზე (ეროვნული ბანკის მონაცემებზე დაყრდნობით), მასზე საგადასახადო კოდექსის 164-ე მუხლის 7-ე ნაწილის „ბ“ პუნქტი ხომ არ გავრცელდება?
3) საპროცენტო განაკვეთების ცვლილების შემთხვევაში, აშშ დოლარში გაცემული სესხის საკურსო სხვაობები, რომელი კურსით უნდა გადავიანგარიშოთ და დროის რა მონაკვეთში, ყოველთვიურად თუ წლის ბოლოს?
როდესაც დღგ-ის გადამხდელი საწარმო ახდენს ე.წ. „საწარმოს მიწოდების“ ხელშეკრულების ფარგლებში დამოუკიდებლად ფუნქციონირებადი ქვედანაყოფის გაყიდვას სხვა დღგ ის გადამხდელისთვის, რაც არ იბეგრება დღგ-ით, შეიძლება თუ არა, რომ გასაყიდ აქტივებს შორის, ძირითად საშუალებებთან ერთად, შედიოდეს სასაქონლო მარაგიც?
მზღვეველ კომპანიას და დღგ-ის გადამხდელ შპს-ს (დაზღვეული) შორის გაფორმებულია ხელშეკრულება ზიანის ანაზღაურებაზე. საკითხი ეხება 2024-2025 წლებს. მაინტერესებს, თუ ზიანის სანაცვლოდ ხდება ანაზღაურების თანხის გადახდა დაზღვეულისათვის, ხოლო დაზიანებული ქონება (TOYOTA LANDCRUISER LC 150) გადაეცემა მზღვეველს, რაიმე საგადასახადო ვალდებულება ხომ არ წარმოეშობა დაზღვეულ საწარმოს?
ბანკმა ჩვენს კომპანიას (დღგ-ის გადამხდელ შპს-ს) გადასცა ოქროს მონეტა-მედალიონები (3 ცალი). გადმოცემის დოკუმენტში, სადაც აღნიშნულია საფუძველი, წერია: „ინტერნეტ და მობილ ბანკის მეშვეობით კონვერტირებული თანხის მოცულობის პროპორციულად დაგროვებული ქულების გაქვითვა“.
ბანკმა გამოგვიწერა ზედნადები და ა/ფ. რამე ვალდებულება არ გვაქვს მათ წინაშე.
გთხოვთ, შესაბამისი ბუღალტრული გატარება მომწეროთ.
