თეატრისათვის, რომელიც შპს-ის ფორმით ფუნქციონირებს და არის მე-4 ზომითი კატეგორიის საწარმო, რა ტიპის სააღრიცხვო ობიექტია სპექტაკლი, რომელიც შედგება როგორც მატერიალური ინვენტარისა და რეკვიზიტებისაგან, ასევე სხვა სახის ხარჯებისაგან (მაგ., ქორეოგრაფიის, დიზაინის, მუსიკალური გაფორმების ხარჯები)?
შპს საკუთარი ვენახებიდან მოსავლის ყურძენს საბაზრო ფასით ვიღებთ შემოსავალში. გვაქვს ასეთი ხარჯი, დაკრეფილ ყურძენს გააცალეს ფოთოლი გადამუშავებამდე, ასევე მოაცილეს დაზიანებული მარცვლები. ეს უბრალოდ მიმდინარე საწარმოო ხარჯია, თუ წარმოებაზე უნდა დაემატოს, ანუ წარმოებული ღვინის თვითღირებულებაზე?
„ესტონურ მოდელზე“ მყოფი კომპანიისთვის, რომელიც სარემონტო-საინჟინრო სამუშაოებით არის დაკავებული, მოგების გადასახადით დაბეგვრის მიზნებით წარმომადგენლობითი ხარჯების ნორმატივის დადგენისას, გათვალისწინებული უნდა იქნეს თუ არა გაცემულ სესხებზე და საბანკო დეპოზიტებზე/ანაბრებზე დარიცხული პროცენტები?
ექსპორტის ინვოისში ცალკე არის გამოყოფილი პროდუქციის ღირებულება, ცალკე ტრანსპორტის ხარჯი. თანხა დებიტორმა ჯამურად ჩაგვირიცხა. ვალდებულება ჩვენ გვაქვს სატრანსპორტოსთან. ასეთი სახით ექსპორტს ადრე ვატარებდი ასე: დ-ტი 1410 კ-ტი 6110 ჯამური თანხით.
ეს გატარება ხომ არ უნდა დაკორექტირდეს, სხვანაირი გატარება ხომ არ უნდა, ტრანსპორტის ხარჯი ხომ არ უნდა გამოვყო? თუ კი, რა გატარებით?
შპს SSS-მა 2024 წლის მაისი-ივნისის თვეებში მოახდინა პროდუქციისა და სარემონტო მომსახურების მიწოდება შპს GGG-ზე.
ხელშეკრულების თანახმად, აღნიშნული პროდუქციისა და სარემონტო მომსახურების ღირებულება განსაზღვრულია აშშ დოლარში მიწოდების დღეს არსებული ეროვნული ბანკის კურსის შესაბამისად, ხოლო მიწოდების დღეს დაფიქსირებული ღირებულება ლარში (21 მლნ ლარზე მეტი) ანაზღაურებისას უცვლელია, მიუხედავად იმისა, რომ გადახდის ვადად განსაზღვრულია მიწოდებიდან 20 სამუშაო დღე.
ზუსტად ამ პერიოდში მოხდა ეროვნული ვალუტის მკვეთრად და სწრაფად გაუფასურება, 2.68 ლარიდან 2.87-მდე. გამომდინარე იქიდან, რომ მისაღები შემოსავალი მყიდველის მხრიდან არ გადაფასდებოდა, ჩვენ კი გვქონდა სასესხო ვალდებულებები აშშ დოლარში 3 მლნ-მდე, დამფუძნებელთან შეთანხმებით, კურსთაშორისი ზარალის რისკის შესამცირებლად, მიღებულ იქნა გადაწყვეტილება ბანკთან შეთანხმების დადებაზე ფორვარდზე, რომლის თანახმადაც ბანკი გვიფიქსირებდა მიწოდების დღეს არსებულ კურსს და თანხის ჩარიცხვის შემდეგ მოახდენდა ამ კურსით კონვერტაციას.
ივნისის თვის მიწოდებებზე ბანკთან დაიდო 3 ფორვარდის შეთანხმება (2.82-2.84 კურსები), ივლისის თვეში ასანაზღაურებელ თანხებზე. ბანკის სარგებელი განისაზღვრება ფიქსირებულ კურსს +% ყოველდღიურ ვადაგადაცილებაზე. ბანკის სარგებელი აისახა დაფიქსირებულ კურსში.
ზუსტად ივლისიდან ლარმა დაიწყო გამყარება და თანხების ჩარიცხვისას მერყეობდა 2.74-2.71 ფარგლებში.
აღნიშნული ოპერაციით კომპანიამ მიიღო არსებითი ზარალი ვალუტის გადაფასებისას (დაახლ. 500,000 ლარის ოდენობით).
ჩვენ გვაინტერესებს, ფორვარდის განსაზღვრებაზე დაყრდნობით:
1) აღნიშნული ხარჯი უნდა დაიყოს ცალკე ბანკის სარგებლად და ცალკე კურსთაშორის სხვაობით მიღებულ ზარალად?
2) როგორი ტიპის ხარჯად ან ზარალად ვაღიაროთ აღნიშნული ოპერაცია (საკურსო, კონვერტაციის თუ სრულად ბანკის მომსახურების, საოპერაციო, არასაოპერაციო თუ ფინანსური)?
3) რა პერიოდით უნდა მოხდეს ხარჯის/ზარალის აღიარება?
აღრიცხვა-ანგარიშგებას ვაწარმოებთ სრული ფასს-ების მიხედვით.
