2024 წლის თებერვალში შპს-მ, რომელიც მოგების გადასახადით იბეგრება „ესტონური მოდელის“ მიხედვით, გაყიდა ქონება: მიწა მასზე განთავსებული მცირე სამეწარმეო შენობა-ნაგებობებით. შპს-ის ორმა დამფუძნებელმა (50% და 50%) მომმართა თხოვნით გამომეანგარიშებინა მოგება, დივიდენდი და გამენაწილებინა მათ განკარგულებაში დარჩენილი ქონება. მიღებულ შემოსავალს გამოვაკელი მიწის ღირებულება და შენობა-ნაგებობების ნარჩენი ღირებულება, ასევე აუდიტორის მომსახურების ღირებულება. ბიუჯეტში გადავიხადეთ მოგების გადასახადი და დივიდენდიდან საშემოსავლო გადასახადი. მხარეებმა გაინაწილეს და აიღეს კუთვნილი თანხა. სხვა შემოსავლები არ გვქონია და არც ივარაუდება.
ახლობლის აზრით, ამ დროისთვის უნდა გამეთვალისწინებინა წინა წლების ზარალი, რასაც კატეგორიულად არ ვეთანხმები, იმიტომ რომ განაწილდა დივიდენდი, რომელსაც მხარეები იღებენ მხოლოდ ზემოთ ჩამოთვლილი ხარჯების დაპირისპირებით შემოსავალთან მოგების გამოსაყვანად.
რაც შეეხება წლიური ანგარიშგების ჩაბარებას, თუ ამ დროს წინა წლების ზარალით (რა თანხაა არ ვიცი) უნდა შემცირებულიყო მოგება ქონების გაყიდვიდან და შესაბამისად ნაკლები იქნებოდა მოგების გადასახადი, დივიდენდიდან საშემოსავლო გადასახადი და გასანაწილებელი თანხა (სულაც შეიძლება ნული გამოსულიყო), მაშინ რა სურათი იხატება და როგორ მოვიქცე?
თეატრისათვის, რომელიც შპს-ის ფორმით ფუნქციონირებს და არის მე-4 ზომითი კატეგორიის საწარმო, რა ტიპის სააღრიცხვო ობიექტია სპექტაკლი, რომელიც შედგება როგორც მატერიალური ინვენტარისა და რეკვიზიტებისაგან, ასევე სხვა სახის ხარჯებისაგან (მაგ., ქორეოგრაფიის, დიზაინის, მუსიკალური გაფორმების ხარჯები)?
შპს საკუთარი ვენახებიდან მოსავლის ყურძენს საბაზრო ფასით ვიღებთ შემოსავალში. გვაქვს ასეთი ხარჯი, დაკრეფილ ყურძენს გააცალეს ფოთოლი გადამუშავებამდე, ასევე მოაცილეს დაზიანებული მარცვლები. ეს უბრალოდ მიმდინარე საწარმოო ხარჯია, თუ წარმოებაზე უნდა დაემატოს, ანუ წარმოებული ღვინის თვითღირებულებაზე?
ბუღალტრულ დოკუმენტებში (მაგალითად, წარმომადგენლობითი ხარჯების გაწევაზე ბრძანებაში) ფიზიკური პირების სახელის და გვარის მითითება ხომ არ ეწინააღმდეგება „პერსონალურ მონაცემთა დაცვის შესახებ“ კანონს? ჩვენი კომპანიის იურისტები ამბობენ, ეწინააღმდეგებაო. მაშინ, რა შეიძლება ჩაიწეროს? ინიციალები? თანამდებობები? ხომ არ იცით, ზოგადად, რა მიდგომაა შემოსავლების სამსახურის მხრიდან ამ საკითხის მიმართ ზემოაღნიშნული კანონის ამოქმედების შემდეგ?
„ესტონურ მოდელზე“ მყოფი კომპანიისთვის, რომელიც სარემონტო-საინჟინრო სამუშაოებით არის დაკავებული, მოგების გადასახადით დაბეგვრის მიზნებით წარმომადგენლობითი ხარჯების ნორმატივის დადგენისას, გათვალისწინებული უნდა იქნეს თუ არა გაცემულ სესხებზე და საბანკო დეპოზიტებზე/ანაბრებზე დარიცხული პროცენტები?
