ძებნის შედეგად ნაპოვნია 217 შედეგი
მყიდველთა მოსაზიდად საქართველოში ვატარებთ ახალი პროდუქტების პრეზენტაციას.
პრეზენტაციას ადგილობრივებთან ერთად ესწრებიან სხვადასხვა ქვეყნების წარმომადგენლები − როგორც პოტენციური მყიდველები, ისე იმ კომპანიების წარმომადგენლები, რომელთა პროდუქტების დისტრიბუციასაც ჩვენ ვახორციელებთ.
ადგილობრივ საწარმოებში პროდუქტების გასაცნობად და ტესტირებისთვის ვატარებთ შეხვედრებს. ამ დროს ყოველი ჩატარებული სემინარის დღეს გვიწევს შესაბამისი თანმხლები ხარჯების ანაზღაურება, როგორიცაა მონაწილეთა კვების (რესტორანი, წასახემსებელი (ყავის) შესვენება), ტრანსპორტირების, საჩუქრების, გართობის ანაზღაურება. აღსანიშნავია, რომ ჩამოთვლილთაგან ზოგი ხარჯი საბუთის გარეშეა (მაგ., ტაქსის, გართობის).
ხარჯების ოდენობის გამო, გვსურს, რომ მათი ნაწილი გაიღოს სხვა ურთიერთდაკავშირებულმა არარეზიდენტმა კომპანიამ, რომელიც ასევე დაინტერესებულია ჩვენი გაყიდვების გაზრდაში. რა სახით შეგვიძლია ამ კომპანიის ინვოისის წარმოდგენა და როგორ იბეგრება აღნიშნული ტრანზაქცია?
2024/05
დღგ
მოგების გადასახადი
საშემოსავლო გადასახადი
რეკლამა
და
მარკეტინგი
წარმომადგენლობითი
ხარჯები
პასუხის ნახვა
ვართ დაბეგვრის „ესტონურ მოდელზე“ მყოფი შპს. გვინდა, რომ Alibaba.com ვებგვერდიდან შევიძინოთ საქონელი. ამისათვის, აღნიშნულ ვებგვერდს გადავურიცხეთ საქონლის საფასური ავანსად სრულად. საქონელი სხვა თვეში ჩამოვა. ხომ არ დაიბეგრება აღნიშნული გადარიცხვა მოგების გადასახადით? ალიბაბას მიერ გამოგზავნილ ინვოისში მათ მისამართად სხვა ქვეყანაა დაფიქსირებული, თუმცა როგორც ჩვენ „დავგუგლეთ“, ჩვენი აზრით Alibaba.com უნდა იყოს კაიმანის კუნძულებზე რეგისტრირებული.
2024/05
მოგების გადასახადი
სასაქონლო-მატერიალური
მარაგი
პასუხის ნახვა
საწარმომ, რომელიც 10 წელია, არ მუშაობს, მიმდინარე წელს გაყიდა ქონება. ამონაგები წლის ბოლოს შეუერთდებოდა სხვა შემოსავალს დაბეგვრის მიზნით, თუკი ასეთი იქნებოდა, მაგრამ ცხადია არ იქნება. დამფუძნებლებმა გადაწყვიტეს მოგების განაწილება წინასწარ, ჩაბარდა ყოველთვიური მოგების გადასახადის დეკლარაცია და გადავიხადეთ გადასახადები. ეს შეცდომა ხომ არ არის და სანქციებს ხომ არ გამოიწვევს, ან როგორ გამოვასწოროთ?
2024/05
მოგების გადასახადი
საშემოსავლო გადასახადი
დივიდენდები
სამართლებრივი/იურიდიული
პასუხის ნახვა
სამმა ფიზიკურმა პირმა თანამფლობელობაში შეიძინა მიწა და მიაქირავა მათ მიერ დაფუძნებულ შპს-ს. ერთ-ერთი მათგანი დაინიშნა დირექტორად. ფიზიკურმა პირებმა ასევე აიღეს სესხი ინდივიდუალურად 10%-იანი სარგებლით და ასევე ინდივიდუალურად ასესხეს ფირმას ძირითადი საშუალებების შესაძენად 11%-ში. ეს პერიოდი დაემთხვა კოვიდ-პანდემიის პერიოდს და ისედაც პროდუქციის გაყიდვებმა მინიმუმი შეადგინა.
1) სესხის %-ს და იჯარას შპს ვერ იხდიდა. ხარჯად კი ვარიცხავდით შპს-ს და ისედაც ზარალიანი ფირმის ზარალის ნაშთი ამით უფრო იზრდებოდა. რამდენად სწორია ეს? ხომ არ არის მოსალოდნელი რამე სანქცია შემოწმების შემთხვევაში?
2) ამ ფირმის ეგიდით ბოლო ფინანსურ ანგარიშგებაში, რომელიც გასაჯაროებულია, ნაშთად ირიცხება მცირე ოდენობით მასალების ნაშთი, ანგარიშვალდებულ დირექტორზე ფულის ნაშთი და მოკლევადიანი ვალდებულების ნაშთი. მალევე მოხდა წილების 100%-ის გაყიდვა და ვალდებულება ხომ არ გვაქვს, ჩამოთვლილი ნაშთები ვაღიაროთ შემოსავლებსა და ხარჯებში და როგორი გატარებით? და გამოვიყენოთ ზარალის გადატანის უფლება?
2024/05
მოგების გადასახადი
საშემოსავლო გადასახადი
აღრიცხვა-ანგარიშგების
წესები
და
სტანდარტები
იჯარა
სესხები,
პროცენტები
პასუხის ნახვა
ორი შპს არის ურთიერთდამოკიდებული, კერძოდ, ერთი კომპანია არის მეორე კომპანიის ერთ-ერთი დამფუძნებელი. ორივე კომპანია არის „ესტონურ მოდელზე“. ზემოხსენებული კომპანიების ძირითად საქმიანობას წარმოადგენს გაყინული ხორცპროდუქტების იმპორტი და რეალიზაცია.
მშობელმა კომპანიამ უცხოელ მიმწოდებელთან, ინვოისის საფუძველზე შვილობილი კომპანიის ნაცვლად გადარიცხა პროდუქციის სრული ღირებულება, ხოლო პროდუქცია მიიღო შვილობილმა კომპანიამ. სამ კომპანიას შორის (მიმწოდებელი, მშობელი და შვილობილი) გაფორმდა სამმხრივი ხელშეკრულება, რომლის შინაარსი არის შემდეგი: მშობელი კომპანიის მიერ გადახდილი თანხა ჩაეთვალა შვილობილ კომპანიას დავალიანებაში და შვილობილ კომპანიას წარმოეშვა სასესხო ვალდებულება მშობელი კომპანიის მიმართ.
გთხოვთ მომწეროთ, საგადასახადო მიზნებისთვის რაიმე რისკი არსებობს თუ არა აღნიშნული ოპერაციის ფარგლებში?
2024/04
დღგ
მოგების გადასახადი
სამართლებრივი/იურიდიული
სესხები,
პროცენტები
პასუხის ნახვა
ავანსი გადავურიცხეთ ჩინეთში, შენჟენის ეკონომიკურ ზონაში რეგისტრირებულ კომპანიას (გამოგვიგზავნეს შენჟენის ეკონომიკურ ზონაში ბიზნეს-საქმიანობის რეგისტრაციის მოწმობა). გადარიცხვა შესრულდა ჰონგ კონგის ერთ-ერთ ბანკში, ინვოისში მითითებულ მათ საბანკო ანგარიშზე. შენჟენი არის განსაკუთრებული ეკონომიკური ზონა (კონკრეტულად რა საგადასახადო შეღავათები მოქმედებს იქ, ჩვენთვის უცნობია). სსკ 982 მუხლის მე-5 და მე-6 ნაწილების მიხედვით, ეს კომპანია, ვისაც ავანსი გადავურიცხეთ, ხომ არ ჩაითვლება შეღავათიანი დაბეგვრის მქონე ქვეყნის რეზიდენტ პირად? საქართველოს მთავრობის №615 დადგენილებაში შენჟენი ნახსენები არ არის (ჰონგ კონგი არის ნახსენები).
